完整藏文原文 · 德格版页 当前仅加载第 8 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་བརྒྱད་དང་ལྡན་པའི་གསོ་སྦྱོང་ལ་ཉེ་བར་གནས་པའི་གན་དུ་བདུད་ཀྱི་རིས་ཀྱི་ལྷ་མོ་ཞིག་མཆིས་ནས་རིགས་པས་བསྐྱེད་པ་མ་ལགས་པས་མགྲོན་དུ་གཉེར་བ་ན་བདག་གིས་དེ་དང་དུ་མ་བླངས་ཏེ། བཅོམ་ལྡན་འདས་བདག་ནོར་མང་ལ་འདོད་པ་དག་ལས་དབེན་པ་དེ་ངོ་
D3.008.0099a01.01མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། གཞོན་ནུ་ནོར་མང་ལ་འདོད་པ་དག་ལས་དབེན་པ་ངོ་མཚར་ཆེའོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་བཀའ་སྩལ་པ། རྗེ་དཔོན་བཟོད་གསོལ་ནོར་མེད་སྦྱིན་པ་དང་། །ཕོངས་པར་གྱུར་པ་
D3.008.0099a02.01ཆོས་སྤྱོད་བྱེད་པ་དང་། །ནོར་མང་འདོད་པ་དག་ལས་དབེན་བྱེད་པ། །བཞི་པོ་དེ་དག་ཤིན་ཏུ་བྱ་དཀའ་ཡིན། །དེ་ནས་ཁྱིམ་བདག་ངན་པ་བཟང་བྱིན་དང་། ཁྱིམ་བདག་སྡུམས་བྱེད་དང་། ཁྱིམ་བདག་ཚུལ་ཁྲིམས་ཚོང་དཔོན་དང་། རྒྱལ་བུ་ནག་པོ་རྣམས་ཀྱིས་བཅོམ་ལྡན་འདས་
D3.008.0099a03.01ལ་ཆོས་མངོན་པ་དང་། འདུལ་བ་མངོན་པའི་ཞུ་བ་ཞུས་ནས། བཅོམ་ལྡན་འདས་ཀྱིས་དེ་དག་ལ་གོང་ནས་གོང་དུ་བཀའ་ལན་སྩལ་པ་དང་། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་དེ་དག་གི་གདོང་དུ་ལྟ་ཞིང་འདུག་སྟེ། དེས་ཡུད་ཙམ་ཞིག་ཆོས་དང་ལྡན་པའི་གཏམ་མཉན་
D3.008.0099a04.01ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། སྟན་ལས་ལངས་ནས་སོང་སྟེ། དེ་བཙུན་མོའི་འཁོར་གྱི་ནང་དུ་ཞུགས་ནས་བཙུན་མོ་ཕྲེང་ལྡན་མ་ལ་སྨྲས་པ། ཕྲེང་ལྡན་མ་དེང་ཁྱིམ་བདག་ངན་པ་བཟང་བྱིན་དང་། ཁྱིམ་བདག་སྡུམས་བྱེད་དང་། ཁྱིམ་
D3.008.0099a05.01བདག་ཚུལ་ཁྲིམས་ཚོང་དཔོན་དང་། རྒྱལ་བུ་ནག་པོ་རྣམས་ཀྱིས་བཅོམ་ལྡན་འདས་ལ་ཆོས་མངོན་པ་དང་། འདུལ་བ་མངོན་པའི་ཞུ་བ་ཞུས་ནས། བཅོམ་ལྡན་འདས་ཀྱིས་ཀྱང་དེ་དག་ལ་གོང་ནས་གོང་དུ་ལན་བཀའ་སྩལ་པ་དང་། ང་ཡང་དེ་དག་གི་གདོང་དུ་ལྟ་ཞིང་ཁ་རོག་
D3.008.0099a06.01པར་འདུག་འདུག་ནས་ལངས་ཏེ་སོང་ངོ་། །ཕྲེང་ལྡན་མས་སྨྲས་པ། ལྷ་ཁྱོད་ཀྱིས་ཀྱང་ཅིའི་སླད་དུ་བཅོམ་ལྡན་འདས་ལ་མ་ཞུས། ཕྲེང་ལྡན་མ་ང་ནི་ཐོས་པ་ཉུང་བ་ཡིན་ལ། དེ་དག་ནི་ཐོས་པ་མང་བ་ཡིན་པས་ངས་ཅི་ཞིག་ཞུར་ཡོད། ལྷ་ཁྱོད་ཀྱང་ཅིའི་སླད་དུ་སངས་རྒྱས་ཀྱི་བཀའ་
D3.008.0099a07.01