完整藏文原文 · 德格版页 当前仅加载第 8 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
ཆང་ཞེས་བྱ་བ་ནི་ཆན་གྱི་བཏུང་བ་དང་། ཕྱེའི་བཏུང་བ་དང་། ཕབས་ཀྱི་བཏུང་བའོ། །བཅོས་པའི་ཆང་ཞེས་བྱ་བ་ནི་རྩ་བའི་བཏུང་བ་དང་། སྡོང་བུའི་བཏུང་བ་དང་། འདབ་མའི་བཏུང་བ་དང་། མེ་ཏོག་གི་བཏུང་བ་དང་། འབྲས་བུའི་བཏུང་བའོ། །དེ་གཉི་ག་བསྲེས་པ་
D3.008.0034a01.01ནི་འབྲུའི་ཆང་དང་བཅོས་པའི་ཆང་ཞེས་བྱ་བའོ། །དེ་འཐུང་ན་ཞེས་བྱ་བ་ནི་མགུལ་དུ་མིད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་། ངན་འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་
D3.008.0034a02.01བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མྱོས་པར་འགྱུར་བའི་ཁ་དོག་དང་ལྡན་པ་དང་། མྱོས་པར་
D3.008.0034a03.01འགྱུར་བའི་དྲི་དང་ལྡན་པ་དང་། མྱོས་པར་འགྱུར་བའི་རོ་དང་ལྡན་པ་དང་། མྱོས་པར་འགྱུར་བའི་མྱང་བ་དང་ལྡན་པ་འཐུང་ན། འཐུངས་ནས་མྱོས་པར་འགྱུར་ན་ལྟུང་བྱེད་དུ་འགྱུར་ལ། འཐུངས་ནས་མྱོས་པར་མི་འགྱུར་ན་ཉེས་བྱས་སུ་འགྱུར་རོ། །དགེ་སློང་མྱོས་པར་འགྱུར་བའི་ཁ་དོག་
D3.008.0034a04.01དང་ལྡན་པ་དང་། མྱོས་པར་འགྱུར་བའི་དྲི་དང་ལྡན་པ་དང་། མྱོས་པར་འགྱུར་བའི་རོ་དང་ལྡན་པ་འཐུང་ན། འཐུངས་ནས་མྱོས་པར་འགྱུར་ན་ལྟུང་བྱེད་དུ་འགྱུར་ལ། འཐུངས་ནས་མྱོས་པར་མི་འགྱུར་ན་ཉེས་བྱས་སུ་འགྱུར་རོ། །དགེ་སློང་མྱོས་པར་འགྱུར་བའི་ཁ་དོག་དང་ལྡན་པ་དང་།
D3.008.0034a05.01མྱོས་པར་འགྱུར་བའི་དྲི་དང་ལྡན་པ་འཐུང་ན། འཐུངས་ནས་མྱོས་པར་འགྱུར་ན་ལྟུང་བྱེད་དུ་འགྱུར་ལ། འཐུངས་ནས་མྱོས་པར་མི་འགྱུར་ན་ཉེས་བྱས་སུ་འགྱུར་རོ། །མྱོས་པར་འགྱུར་བའི་ཁ་དོག་འབའ་ཞིག་མ་འདྲེས་པ་དང་ལྡན་པ་འཐུང་བ་ལ་ནི་ལྟུང་བ་མེད་དེ་དེ་ཡང་ཚྭ་ཉིད་དུ་གྱུར་
D3.008.0034a06.01པའོ། །དགེ་སློང་འབྲུའི་ཆང་འཐུང་ན་ལྟུང་བྱེད་དུ་འགྱུར་རོ། །བཅོས་པའི་ཆང་འཐུང་ན་ལྟུང་བྱེད་དུ་འགྱུར་རོ། །འབྲུའི་ཆང་དང་བཅོས་པའི་ཆང་འཐུང་ན་ལྟུང་བྱེད་དུ་འགྱུར་རོ། །དགེ་སློང་འབྲུའི་ཆང་གི་ནུ་རྩི་འཐུང་ན་ལྟུང་བྱེད་དུ་འགྱུར་རོ། །དགེ་སློང་སྦང་མ་ཟ་ན་ལྟུང་བྱེད་དུ་འགྱུར་རོ། །
D3.008.0034a07.01