完整藏文原文 · 德格版页 当前仅加载第 8 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི། །ཟབ་མོར་འབྱིང་བར་མི་འགྱུར་རོ། །གནོད་སྦྱིན་གྱིས་གསོལ་པ། ཅི་ཡིས་འོད་པ་རྒལ་བར་འགྱུར། །ཅི་ཞིག་གིས་ནི་རྒྱ་མཚོ་རྒལ། །ཅི་ཡིས་སྡུག་བསྔལ་སྤོང་བར་འགྱུར། །ཅི་ཞིག་གིས་ནི་ཡོངས་དག་འགྱུར། །བཅོམ་ལྡན་འདས་
D3.008.0156b01.01ཀྱིས་བཀའ་སྩལ་པ། དད་པས་འོད་པ་རྒལ་བར་འགྱུར། །བག་ཡོད་པས་ནི་རྒྱ་མཚོ་རྒལ། །བརྩོན་པས་སྡུག་བསྔལ་སྤོང་བར་འགྱུར། །ཤེས་རབ་ཀྱིས་ནི་ཡོངས་དག་འགྱུར། །བདེན་དུལ་གཏོང་བ་མ་གཏོགས་པའི། །ཆོས་གཞན་འབའ་ཞིག་ཡོད་
D3.008.0156b02.01དམ་ཞེས། །དགེ་སྦྱོང་བྲམ་ཟེ་སོ་སོ་ལ། །གཞན་དང་གཞན་དུ་ཁྱོད་དྲིས་ཤིག །གནོད་སྦྱིན་གྱིས་གསོལ་པ། དགེ་སྦྱོང་བྲམ་ཟེ་སོ་སོ་ལ། །ཅི་སླད་བཞིན་དུ་བདག་འདྲི་བགྱིད། །འདི་ལྟར་དཔའ་ཆེན་ཁྱོད་ཀྱིས་ནི། །ཆོས་འདི་ལེགས་པར་རབ་ཏུ་བཤད། །
D3.008.0156b03.01ཀྱེ་མ་གནོད་སྦྱིན་བོང་བུ་པ། །གང་གིས་དེད་དཔོན་བླ་ན་མེད། །སངས་རྒྱས་བདག་ལ་བསྟན་གྱུར་པ། །ཁྱོད་ལ་ཁོ་བོ་བྱས་པ་གཟོ། །འདི་ནས་ཁོ་བོ་གྲོང་ནས་གྲོང་། །ཁྱིམ་ནས་ཁྱིམ་དུ་རྫོགས་སངས་དང་། །ཆོས་ཀྱི་ཆོས་ཉིད་བཟང་པོ་ལ། །འདུད་བཞིན་དུ་ནི་སྤྱད་
D3.008.0156b04.01པར་བྱ། །དེ་ནས་བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །བཞིན་{བཟངས་,བཟང་}ཁྱོད་ཀྱིས་དགེ་སློང་ཤཱ་རིའི་བུ་དང་། མཽད་གལ་གྱི་བུ་གཉིས་ཟན་བྱིན་པས་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་སྐྱེ་བར་བྱ་བ་ལས་ཁྱོད་ཀྱིས་
D3.008.0156b05.01སྨོན་ལམ་ལོག་པ་བཏབ་པས་གནོད་སྦྱིན་གདུག་པ་རྣམས་ཀྱི་ནང་དུ་སྐྱེས་ཏེ། ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ། ཉམས་པ་དང་རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་པས་འཚོ་བར་བྱེད་དེ། འདི་
D3.008.0156b06.01ནས་ཤི་འཕོས་ན་ཁྱོད་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། དེས་གསོལ་པ། བཅོམ་ལྡན་འདས་བདག་གིས་ཅི་བགྱི་བ་བཀའ་སྩལ་དུ་གསོལ། བཞིན་{བཟངས་,བཟང་}ཚུར་ཤོག །ཁྱོད་ངའི་སྤྱན་སྔར་སྐྱབས་སུ་འགྲོ་བ་དང་། བསླབ་
D3.008.0156b07.01