完整藏文原文 · 德格版页 当前仅加载第 8 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་བཞིན་དུ་རུ་གཉིས་པ་དང་། རུ་གསུམ་པ་བཏང་ན་དེ་ཡང་བཅོམ་ཞིང་རབ་ཏུ་བཅོམ་སྟེ་ཕྱིར་འོངས་སོ། །ཇི་ཙམ་ན་ཡུལ་མ་ག་དྷཱ་ནས་དོན་མཐུན་ཡུལ་ཀོ་ས་ལར་འཕགས་པ་དེ་ཆོམ་རྐུན་པས་འཇིགས་པས་རྒྱལ་པོའི་ཁབ་ཏུ་ཞུགས་ཏེ་བསེལ་བ་ཚོལ་བར་
D3.008.0150a01.01བྱེད་ནས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་སྟོང་ཐུབ་འདི་ལྷའི་འཚོ་བས་འཚོ་ན་ཅིའི་སླད་དུ་དོན་མཐུན་གྱི་བསེལ་མི་བགྱིད། རྒྱལ་པོས་སྨྲས་པ། དེ་འགྲོ་ལ་རག་གིས་ཐོང་ཤིག །བློན་པོ་རྣམས་ཀྱིས་དེ་བོས་ཏེ་སྨྲས་པ། ཀྭའི་ནང་རྗེ་ཁྱོད་རྒྱལ་པོའི་འཚོ་བས་
D3.008.0150a02.01འཚོ་ལ་ཅིའི་ཕྱིར་རྒྱལ་པོའི་བཀའ་བཞིན་མི་བྱེད། དེས་སྨྲས་པ། ཁྱེད་ཀྱིས་བསྒོ་བ་གང་ཞིག་ཁོ་བོས་མ་བྱས་ན་དེ་སྐད་དུ་སྤྱོ་བར་བྱེད། དེ་དག་གིས་སྨྲས་པ། དོན་མཐུན་འདི་ཡུལ་ཀོ་ས་ལར་འགྲོས་འདིའི་བསེལ་གྱིས་ཤིག །དེས་སྨྲས་པ། མ་ཉེས་ཀྱིས་དེ་ལྟར་བྱའོ་
D3.008.0150a03.01ཞེས་དེས་མདའ་ལྔ་བརྒྱ་པའི་དོང་པ་གཉིས་ཐོགས་ཏེ་ཤིང་རྟར་ཞུགས་ནས་དོན་མཐུན་གྱི་མདུན་དུ་འཕགས་སོ། །ཆོམ་རྐུན་པ་རྣམས་ཀྱིས་དེ་དོན་མཐུན་གྱི་མདུན་ནས་འོང་བ་ཐག་རིང་པོ་ཁོ་ན་ནས་མཐོང་ནས། དེ་ལ་ཕོ་ཉ་བཏང་སྟེ་བསྒོ་བ། ཆོམ་རྐུན་པའི་དམག་དཔོན་ན་རེ་ཤིང་རྟ་
D3.008.0150a04.01ཕྱིར་ཟློག་ཤིག །གནོད་པ་ཐོབ་པར་གྱུར་ཏ་རེ་ཞེས་ཟེར་རོ། །དེས་སྨྲས་པ། དཔའ་བོ་ལ་དཔའ་བོའི་ཡོངས་སུ་སྤང་བ་བྱིན་ཅིག །ཆོམ་རྐུན་པའི་ཕོ་ཉས་སྨྲས་པ། ཅི་ཁྱོད་གཅིག་པུ་དཔའ་བོ་ཡིན་ནམ། ཁོ་བོ་ཅག་ཀྱང་དཔའ་བོ་ཡིན་གྱིས་ཕྱིར་ལོག་ཤིག །དེ་ནས་ཕན་
D3.008.0150a05.01ཚུན་མདའ་ཁར་དགྱེ་བར་བརྩམས་ནས་དེས་ཆོམ་རྐུན་པའི་ཕོ་ཉའི་གནད་དུ་བསྣུན་ནས་དེ་ཕྱིར་ལོག་གོ། །དེ་བཞིན་དུ་ཆོམ་རྐུན་པ་གཉིས་དང་། བཞི་དང་། བརྒྱད་དང་། བཅུ་དྲུག་དང་། སུམ་བཅུ་རྩ་གཉིས་དང་། དྲུག་བཅུ་རྩ་བཞི་ནས་ཆོམ་རྐུན་པ་ལྔ་བརྒྱའི་བར་
D3.008.0150a06.01དག་ལྷགས་ནས་དེས་དེ་དག་གི་གནད་དུ་བསྣུན་ནས་དེ་དག་ཕྱིར་ལོག་གོ། །དེ་བཞིན་དུ་ཆོམ་རྐུན་པ་གཞན་ལྔ་བརྒྱ་ལྷགས་ནས་དེས་དེ་དག་ལ་སྨྲས་པ། ངས་ཁྱེད་ཀྱི་ཆོམ་རྐུན་པ་ལྔ་བརྒྱ་བསད་ན་ཁྱེད་ཅག་ཀྱང་སྲོག་གིས་འགེབས་པར་མི་འདོད་དམ། ཕྱིར་ལོག་ཤིག །
D3.008.0150a07.01