完整藏文原文 · 德格版页 当前仅加载第 8 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འོངས་ནས་མི་ངས་ཕྱུང་སྟེ་སྐྱེ་བོ་མང་པོ་ཤི་བར་གྱུར་ནས་ཁྲི་དང་ཁྲིར་འདོམ་པར་བྱས་སོ། །འབྲོག་གནས་ན་གནས་པའི་སྐྱེ་བོའི་ཚོགས་ཀྱིས་ལྟས་པ་དག་བཀུག་སྟེ་དྲིས་པ། ཤེས་ལྡན་དག་གང་གི་ཕྱིར་འདི་ལྟ་བུའི་ཡམས་བྱུང་བར་གྱུར་པ་འདི་ལ་རྒྱུ་
D3.008.0153a01.01ཅི་ཡོད། དེ་དག་གིས་སྨྲས་པ། ཤེས་ལྡན་དག་ཁྱེད་ཀྱིས་འབྲོག་གནས་བསད་པ་གང་ཡིན་པ་དེས་སྨོན་ལམ་ལོག་པ་བཏབ་པས་གནོད་སྦྱིན་གདུག་པ་རྣམས་ཀྱི་ནང་དུ་སྐྱེས་ཏེ་དེས་འདི་ལྟ་བུའི་ཡམས་ཕྱུང་ངོ་། །དེ་དག་གིས་ཤིང་རྟ་དང་ཤིང་རྟ་བཅས་ཏེ་འབྲོས་པར་བརྩམས་
D3.008.0153a02.01པ་དང་། དེས་ཀྱང་འཇིགས་པ་དང་འཇིགས་སུ་རུང་བ་ཆེན་པོར་བདག་ཉིད་མངོན་པར་སྤྲུལ་ནས་འབྲོག་གནས་ན་གནས་པའི་སྐྱེ་བོའི་ཚོགས་འབྲོས་པའི་མདུན་དུ་འདུག་སྟེ་སྨྲས་པ། ད་གར་འདོང་དེང་ཁྱེད་ཅག་ཐམས་ཅད་བཟའོ། །དེ་དག་ཀུན་དུ་སྐྲག་པར་གྱུར་ཏེ་སྨྲས་པ།
D3.008.0153a03.01གྲོང་དཔོན་བདག་ཅག་སྡིག་པ་བྱེད་པ་རྣམས་ལ་བཟོད་པ་མཛོད་ཅིག །དེས་སྨྲས་པ། དམ་ཚིག་གིས་བཟོད་པར་བྱ་སྟེ། གལ་ཏེ་ང་ལ་ཉི་མ་རེ་རེ་ཞིང་མི་སྟོང་སྟོང་འབུལ་ན་བཟོད་དོ། །དེ་དག་གིས་སྨྲས་པ། གྲོང་དཔོན་གལ་ཏེ་ཁྱོད་ལ་ཉི་མ་རེ་རེ་ཞིང་མི་སྟོང་སྟོང་ཕུལ་
D3.008.0153a04.01ན་རིང་པོ་མི་ཐོགས་པར་འབྲོག་གནས་འདི་མི་སྣང་བར་འགྱུར་གྱིས་དངན་དུས་འདི་ཐོང་ལ་བདག་ཅག་ཕྱག་འཚལ་བ་རྣམས་ལ་བཟོད་པ་མཛོད་ཅིག །དེས་སྨྲས་པ། ཤེས་ལྡན་དག་ཁོ་བོ་ཡུན་རིང་པོ་ནས་སྨོན་པ། ཀྱེ་མ་འབྲོག་གནས་འདི་མི་སྣང་བར་གྱུར་ཅིག་སྙམ་
D3.008.0153a05.01མོད་ཀྱི། འོན་ཀྱང་ཁོ་བོ་ལ་ཉི་མ་རེ་རེ་ཞིང་མི་ལྔ་བརྒྱ་ལྔ་བརྒྱ་ཕུལ་ཅིག་དང་བཟོད་པར་བྱའོ། །དེ་དག་གིས་ཡང་དེ་བཞིན་གསོལ་ནས་དེས་ཀྱང་མི་ཉིས་བརྒྱ་ལྔ་བཅུ་དང་བརྒྱའི་བར་དུ་ཕུལ་ཅིག་ཅེས་སྨྲས་སོ། །དེ་དག་གིས་སྨྲས་པ། གྲོང་དཔོན་དེ་ལྟ་ན་ཡང་བདག་ཅག་
D3.008.0153a06.01ཉམས་པར་གྱུར་གྱིས་མང་པོས་ཅི་བྱ། བདག་ཅག་གིས་ཁྱོད་ལ་ཉི་མ་རེ་རེ་ཞིང་བ་ལང་དྲུག་དང་ལྡན་པའི་ཤིང་རྟ་ཟས་ཀྱིས་བཀང་བ་དང་། དེ་ཁྲིད་པའི་མི་གཅིག་དབུལ་གྱིས་བཟོད་པ་མཛོད་ཅིག །དེས་སྨྲས་པ། དེ་རུང་གིས་འདི་ལྟར་ཁྱེད་ཀྱིས་ངུ་བ་དག་གིས་དབུལ་
D3.008.0153a07.01