完整藏文原文 · 德格版页 当前仅加载第 8 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཆུ་སྲིན་བྱིས་པ་གསོད་ཀྱི་རི་ལ་ཁྱིམ་བདག་རྟོགས་ལྡན་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་
D3.008.0019a01.01བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་གཟུགས་བཟང་བ། བལྟ་ན་སྡུག་པ།
D3.008.0019a02.01མཛེས་པ་ཞིག་བཙས་ནས་དེ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །ཁྱིམ་བདག་དེས་བསམས་པ། བདག་གིས་བུ་མོ་འདི་གཟུགས་ཀྱི་ཕྱིར་ཡང་མི་སྦྱིན། བཟོའི་ཕྱིར་ཡང་མི་སྦྱིན་གྱི་བདག་དང་རིགས་དང་། ནོར་གྱིས་འདྲ་བའམ། ལྷག་པ་གང་ཡིན་པ་ལ་བདག་གིས་བུ་མོ་འདི་སྦྱིན་ནོ་
D3.008.0019a03.01སྙམ་མོ། །དེས་མཉན་ཡོད་ན་ཁྱིམ་བདག་མགོན་མེད་ཟས་སྦྱིན་ཞེས་བྱ་བ་ཕྱུག་པ་ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེ་བདག་དང་རིགས་དང་། ནོར་གྱིས་མཉམ་
D3.008.0019a04.01ཞིང་ནོར་གྱི་རྣམ་པས་ཆེས་ལྷག་པ་ཡིན་ནོ་ཞེས་ཐོས་ནས་དེས་བུ་མོ་དེ་མཉན་ཡོད་དུ་ཁྱིམ་བདག་མགོན་མེད་ཟས་སྦྱིན་གྱི་བུ་ལ་བྱིན་ནོ། །ཁྱིམ་བདག་མགོན་མེད་ཟས་སྦྱིན་གྱིས་ཀྱང་དཔལ་གྱི་འབྱོར་པས་བུའི་ཆུང་མར་བླངས་སོ། །ཁྱིམ་བདག་རྟོགས་ལྡན་ཡང་རྩེ་བར་བྱེད། དགའ་བར་བྱེད།
D3.008.0019a05.01དགའ་མགུར་སྤྱོད་པར་བྱེད་པའི་ཆུང་མ་ལ་སེམས་ཅན་ཞུགས་པར་གྱུར་ནས་དེ་ལ་གང་གི་ཉིན་མོ་སེམས་ཅན་ཞུགས་པར་གྱུར་པ་དེ་ཉིད་ཀྱི་ཉིན་མོ་ཁྱིམ་བདག་རྟོགས་ལྡན་ལ་གནོད་པ་བརྒྱ་དག་བྱུང་བར་གྱུར་ཏོ། །མངལ་ན་གནས་པ་དེ་ཇི་ལྟ་ཇི་ལྟར་སྐྱེས་པར་གྱུར་པ་དེ་ལྟ་དེ་ལྟར་ཁྱིམ་བདག་རྟོགས་
D3.008.0019a06.01ལྡན་ལ་ཡང་དང་ཡང་དུ་རྒྱ་ཆེར་གནོད་པ་བརྒྱ་དག་བྱུང་བར་གྱུར་ཏོ། །ཁྱིམ་བདག་རྟོགས་ལྡན་གྱིས་བསམས་པ། བདག་སྐྱེད་མོས་ཚལ་དུ་སོང་སྟེ་འདུག་གོ་སྙམ་ནས། དེས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་གལ་ཏེ་ཁོ་བོ་ལ་གནོད་པ་ཆེན་པོ་ཞིག་བྱུང་བར་གྱུར་ན་སྦྲོན་ཅིག །
D3.008.0019a07.01