完整藏文原文 · 德格版页 当前仅加载第 8 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
ཀློག་པར་མི་མཛད། ཕྲེང་ལྡན་མ་ང་རྒྱལ་པོའི་བྱ་བ་དང་། རྒྱལ་པོའི་བྱེད་པ་དག་ལ་རྟག་ཏུ་བྲེལ་བས་ཇི་ལྟར་ཀློག །གལ་ཏེ་ཁྱོད་འགའ་ཞིག་ལས་སངས་རྒྱས་ཀྱི་བཀའ་ཀློག་ན་ངས་མཚན་མོ་ཁྱོད་ལས་བཀླག་པར་བྱའོ། །ལྷ་དེ་ལྟར་བགྱིའོ། །རྒྱལ་པོས་བཙུན་མོ་རྒྱལ་རིགས་
D3.008.0099b01.01དབྱར་ཚུལ་མ་ལ་སྨྲས་པ། ཁྱོད་སུ་ལས་ཀློག །དེས་སྨྲས་པ། ལྷ་འཕགས་པ་ཤཱ་རིའི་བུ་ལས་སོ། །བཙུན་མོ་ཕྲེང་ལྡན་མ་ལ་སྨྲས་པ། ཁྱོད་སུ་ལས་ཀློག །དེས་སྨྲས་པ། ལྷ་འཕགས་པ་འཆར་ཀ་ལས་སོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཚེ་དང་ལྡན་པ་
D3.008.0099b02.01ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་རྒྱལ་རིགས་དབྱར་ཚུལ་མ་འཕགས་པ་ལས་སངས་རྒྱས་ཀྱི་བཀའ་ཀློག་པར་འཚལ་ན། ཀློག་ཏུ་སྩལ་བར་
D3.008.0099b03.01གསོལ། དེས་སྨྲས་པ། ལྷ་བཅོམ་ལྡན་འདས་ལ་ཞུའོ་ཞེས་དེ་ནས་ཚེ་དང་ལྡན་པ་ཤཱ་རིའི་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་
D3.008.0099b04.01ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འདི་སྐད་ཅེས་རྒྱལ་རིགས་དབྱར་ཚུལ་མ་ཀློག་ཏུ་སྩོལ་ཅིག་ཅེས་མཆི་ན། བདག་གིས་དེ་ལ་ཇི་སྐད་བརྗོད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ།
D3.008.0099b05.01ཤཱ་རིའི་བུ་ཀློག་ཏུ་ཆུག་ཤིག །ཚེ་དང་ལྡན་པ་ཤཱ་རིའི་བུས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ལྷ་ཀློག་ཏུ་སྩལ་ཏོ་ཞེས་ཁས་བླངས་སོ། །རྒྱལ་པོས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཚེ་དང་ལྡན་པ་འཆར་ཀ་ག་ལ་བ་དེར་སོང་སྟེ། ཕྱིན་ནས་ཚེ་དང་ལྡན་པ་འཆར་
D3.008.0099b06.01ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །འཕགས་པ་ཕྲེང་ལྡན་མ་འཕགས་པ་ལས་སངས་རྒྱས་ཀྱི་བཀའ་ཀློག་པར་
D3.008.0099b07.01