完整藏文原文 · 德格版页 当前仅加载第 8 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་ནངས་པ་ལ་ནམ་མ་ནངས་པར་འདུ་ཤེས་པས་གྲོང་ཁྱེར་གྱི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །ནམ་ནངས་པ་ལ་ཡིད་གཉིས་ཟ་བས་གྲོང་ཁྱེར་གྱི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །དགེ་སློང་གིས་ནམ་མ་ནངས་པ་ལ་ནམ་ནངས་པར་འདུ་
D3.008.0202a01.01ཤེས་པས་རྒྱལ་པོའི་ཕོ་བྲང་གི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །ནམ་མ་ནངས་པ་ལ་ཡིད་གཉིས་ཟ་བས་རྒྱལ་པོའི་ཕོ་བྲང་གི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །ནམ་ནངས་པ་ལ་ནམ་མ་ནངས་པར་འདུ་ཤེས་པས་རྒྱལ་པོའི་ཕོ་བྲང་གི་སྒོ་གཏན་ལས་
D3.008.0202a02.01འདའ་ན་ཉེས་བྱས་སུ་འགྱུར་རོ། །ནམ་ནངས་པ་ལ་ཡིད་གཉིས་ཟ་བས་རྒྱལ་པོའི་ཕོ་བྲང་གི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །དགེ་སློང་གིས་ནམ་མ་ནངས་པ་ལ་ནམ་མ་ནངས་པར་འདུ་ཤེས་པས་བཙུན་མོའི་འཁོར་གྱི་སྒོ་གཏན་ལས་འདའ་ན་ལྟུང་བྱེད་དུ་འགྱུར་རོ། །
D3.008.0202a03.01ནམ་མ་ནངས་པ་ལ་ཡིད་གཉིས་ཟ་བས་བཙུན་མོའི་འཁོར་གྱི་སྒོ་གཏན་ལས་འདའ་ན་ལྟུང་བྱེད་དུ་འགྱུར་རོ། །ནམ་ནངས་པ་ལ་ནམ་མ་ནངས་པར་འདུ་ཤེས་པས་བཙུན་མོའི་འཁོར་གྱི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །ནམ་ནངས་པ་ལ་ཡིད་གཉིས་ཟ་བས་བཙུན་
D3.008.0202a04.01མོའི་འཁོར་གྱི་སྒོ་གཏན་ལས་འདའ་ན་ཉེས་བྱས་སུ་འགྱུར་རོ། །རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དག་གིས་བོས་པ་དང་། བར་ཆད་བརྒྱད་པོ་རྒྱལ་པོ་དང་ཆོམ་རྐུན་དང་། མི་དང་མི་མ་ཡིན་པ་དང་། གདུག་པ་དང་། མེ་དང་ཆུ་དང་ཀླུ་དག་ཉེ་བར་གནས་པ་
D3.008.0202a05.01ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྒྱལ་པོའི་ཕོ་བྲང་དུ་ནུབ་མོ་འགྲོ་བའི་ལྟུང་བྱེད་དེ། བརྒྱད་བཅུ་རྩ་གཉིས་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་
D3.008.0202a06.01ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་གདོན་པར་བྱའོ་ཞེས་བཀའ་སྩལ་པ་དང་། ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་དྲུག་སྡེ་དག་གུས་པར་
D3.008.0202a07.01