完整藏文原文 · 德格版页 当前仅加载第 8 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེར་རྩིག་ཏུ་བཅུག་ནས་དེའི་མིང་བྷི་རུ་ཀའི་རྩལ་བྷི་རུ་ཀའི་རྩལ་ཅེས་བྱ་བར་གྱུར་ཏོ། །ཉི་མ་བདུན་པ་ལ་སའི་ཆར་འབབ་པར་བརྩམས་པ་དང་། གྲོང་ཁྱེར་སྒྲ་སྒྲོགས་སུ་སྒྲ་མཐོན་པོ་དང་། སྒྲ་ཆེན་པོ་བྱུང་ནས་རྒྱལ་པོས་སྨྲས་པ། ཤེས་ལྡན་དག་སྒྲ་མཐོན་པོ་དང་། སྒྲ་ཆེན་པོ་དེ་
D3.008.0126b01.01ཅི་བློན་པོ་རྣམས་ཀྱིས་སྨྲས་པ། ལྷ་སའི་ཆར་བབ་བོ། །རྒྱལ་པོས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་བློན་པོའི་མཆོག་ཧེ་རུ་ཀ་དང་། བྷི་རུ་ཀ་ག་ན་འདུག་ཚོལ་ཅིག །དེ་དག་གིས་བཙལ་བར་བརྩམས་པ་དང་། ཇི་ཙམ་ན་དེ་གཉིས་བྲོས་པར་ཚོར་ནས། དེ་དག་གིས་
D3.008.0126b02.01རྒྱལ་པོ་ལ་སྨྲས་པ། ལྷ་དེ་གཉིས་བྲོས་ཏེ་མ་མཆིས་སོ། །དེ་ནས་རྒྱལ་པོ་གཙུག་པུད་ཅན་འབྲོས་པར་བརྩམས་པ་དང་། མི་མ་ཡིན་པ་དག་གིས་སྒོ་བཅད་དོ། །ཁྱེའུ་སྔོ་བསངས་ཀྱིས་སྨྲས་པ། འཕགས་པ་གྲོང་ཁྱེར་དུ་སྒྲ་མཐོན་པོ་དང་སྒྲ་ཆེན་པོ་བྱུང་བ་འདི་ཅི་ལགས།
D3.008.0126b03.01ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་སྨྲས་པ། བུ་སྐར་ཁུང་ནས་ཁར་ཕོར་ཕྱིར་ཕྱུང་ཤིག །དེས་སྐར་ཁུང་ནས་ཁར་ཕོར་ཕྱིར་ཕྱུང་བ་དང་སས་ཕྱེད་ཙམ་གང་བར་གྱུར་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་བསམས་པ། ད་དུང་སྤྱོད་ཡུལ་ལྷག་མ་དང་བཅས་པ་ཡིན་ནོ་སྙམ་མོ། །
D3.008.0126b04.01ཇི་ཙམ་ན་ཡང་ཁར་ཕོར་ཕྱི་རོལ་དུ་ཕྱུང་བ་དང་བྱུར་བུར་གང་བར་གྱུར་ནས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་བསམས་པ། ད་ནི་སྤྱོད་ཡུལ་མེད་པར་གྱུར་གྱིས་འགྲོའོ་སྙམ་མོ། །དེ་ནས་གྲོང་ཁྱེར་སྒྲ་སྒྲོགས་ན་གཉུག་མར་གནས་པའི་ལྷ་མོ་གང་ཡིན་པ་དེ་ཚེ་དང་ལྡན་པ་ཀཱ་
D3.008.0126b05.01ཏྱཱ་ཡ་ན་ཆེན་པོ་ག་ལ་བ་དེར་སོང་སྟེ་ཕྱིན་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་བདག་ཀྱང་མཆི་སྟེ་འཕགས་པའི་བསྙེན་བཀུར་བགྱིའོ། །དེས་དང་དུ་བླངས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་སྔོ་བསངས་ལ་སྨྲས་པ། བུ་ཆོས་གོས་ཀྱི་གྲྭ་
D3.008.0126b06.01ནས་ཟུང་ཤིག་དང་འདོང་ངོ་། །དེས་ཆོས་གོས་ཀྱི་གྲྭ་ནས་བཟུང་བ་དང་དེས་ཁྱེའུ་སྔོ་བསངས་ཁྲིད་དེ་རྫུ་འཕྲུལ་གྱིས་སྟེང་གི་ནམ་མཁའ་ལས་སོང་ངོ་། །སྒྲ་སྒྲོགས་ན་གཉུག་མར་གནས་པའི་ལྷ་མོ་ཡང་རང་གི་རྫུ་འཕྲུལ་གྱིས་དེའི་ཕྱི་བཞིན་སོང་བ་དང་། གྲོང་ཁྱེར་སྒྲ་སྒྲོགས་
D3.008.0126b07.01