完整藏文原文 · 德格版页 当前仅加载第 8 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་སྟེ་མ་བྱུང་ན་མ་སྦྲོན་ཅིག་ཅེས་བསྒོ་ནས་དེ་སྐྱེད་མོས་ཚལ་དུ་སོང་སྟེ་འདུག་གོ། །དེ་ནས་དུས་གཞན་ཞིག་ན་དེའི་ཆུང་མ་བཙས་པ་ལས་ཁྱེའུ་ཞིག་བྱུང་ནས་དེ་གང་གི་ཉི་མ་ལ་བྱུང་བ་དེ་ཉིད་ཀྱི་ཉིན་མོ་ཁྱིམ་བདག་རྟོགས་ལྡན་ལ་གནོད་པ་སྟོང་དག་བྱུང་བར་གྱུར་ཏོ། །དེ་ནས་མི་ཞིག་རིངས་པ་རིངས་པར་
D3.008.0019b01.01ཁྱིམ་བདག་རྟོགས་ལྡན་ག་ལ་བ་དེར་སོང་བ་དང་། ཁྱིམ་བདག་རྟོགས་ལྡན་གྱིས་མི་དེ་ཐག་རིང་པོ་ཁོ་ན་ནས་རིངས་པ་རིངས་པར་འོང་བ་མཐོང་ནས་དེས་བསམས་པ། བདག་ལ་གནོད་པ་ཆེན་པོ་ཞིག་བྱུང་བར་གྱུར་གོར་མ་ཆག་སྙམ་ནས་དེས་མི་དེ་ལ་སྨྲས་པ། ཀྭའི་ནང་རྗེ་ཅིའི་ཕྱིར་འདི་ལྟར་
D3.008.0019b02.01རིངས་པ་རིངས་པར་འོང་། མི་དེས་སྨྲས་པ། ཁྱོད་ཀྱི་སྲས་བལྟམ་གྱིས་དགྱེས་པ་སྐྱེད་ཅིག །རྟོགས་ལྡན་གྱིས་སྨྲས་པ། ཀྭའི་ནང་རྗེ་ཁོ་བོའི་བུས་གནོད་པ་བརྒྱ་ཕྲག་མང་པོ་བསྐྱེད་མོད་ཀྱི་འོན་ཀྱང་བུ་འོངས་པ་ལེགས་སོ། །དེའི་ཉེ་དུ་དག་འདུས་ཤིང་ལྷགས་ནས་ཁྱེའུ་འདིའི་མིང་ཅིར་
D3.008.0019b03.01གདགས་སྙམ་ནས་དེ་དག་འདི་སྙམ་དུ་སེམས་ཏེ། ཁྱེའུ་འདི་ལ་ཕས་འོངས་པ་ལེགས་སོ་ཞེས་བྱ་བའི་ཚིག་བརྗོད་པས་ཁྱེའུ་འདིའི་མིང་ལེགས་འོངས་ཞེས་གདགས་སོ་ཞེས་དེའི་མིང་ལེགས་འོངས་ཞེས་བྱ་བར་བཏགས་སོ། །ལེགས་འོངས་ཇི་ལྟ་ཇི་ལྟར་སྐྱེས་པར་གྱུར་པ་དེ་ལྟ་དེ་ལྟར་ཁྱིམ་བདག་
D3.008.0019b04.01རྟོགས་ལྡན་གྱི་ཁྱིམ་ན་ནོར་དང་། འབྲུ་དང་། དབྱིག་དང་། གསེར་དང་། བྲན་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དག་ཡོངས་སུ་ཟད་པར་གྱུར་ཏོ། །དེ་ནས་དུས་གཞན་ཞིག་ན་ཁྱིམ་བདག་རྟོགས་ལྡན་ཡང་དུས་ལ་བབ་ཅིང་དེའི་ཆུང་མ་ཡང་དུས་ལ་བབ། དེའི་ཁྱིམ་
D3.008.0019b05.01ཡང་མེས་ཚིག །བང་མཛོད་ཀྱི་རྣམ་པ་དང་། ཞིང་གི་རྣམ་པ་དང་། ནོར་གྱི་རྣམ་པ་དང་། འབྲུའི་རྣམ་པ་ཐམས་ཅད་ཀྱང་མེས་ཚིག་གོ། །གྲོང་པའི་མི་གང་དག་ཟོང་ཐོགས་ཏེ་ཡུལ་གཞན་དུ་དོང་བ་དག་ཀྱང་དེ་ན་ཁ་ཅིག་ནི་རྒྱ་མཚོ་ཆེན་པོར་གྲུ་བོ་ཆེ་ཞིག་པར་གྱུར། ཁ་ཅིག་ནི་ཟོང་ཟོང་མ་ཡིན་པར་
D3.008.0019b06.01གྱུར། ཁ་ཅིག་ནི་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི་དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །ཉེ་དུ་དག་ཀྱང་ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བྲན་དང་། བྲན་མོ་དང་། ལས་བྱེད་པ་དང་། ཞོ་ཤས་
D3.008.0019b07.01