完整藏文原文 · 德格版页 当前仅加载第 8 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
དག་དང་ལྷན་ཅིག་འཕགས་ཏེ་མཐར་གྱིས་མཉན་ཡོད་དུ་ཕྱིན་ནས་སྐྱེད་མོས་ཚལ་ན་སྡོད་ཅིང་འདུག་གོ། །ཁྱིམ་བདག་མགོན་མེད་ཟས་སྦྱིན་གྱིས་ཁྱིམ་བདག་གདངས་ཅན་འདིར་འོངས་ཏེ། སྐྱེད་མོས་ཚལ་ན་སྡོད་ཅིང་འདུག་གོ་ཞེས་ཐོས་སོ། །ཐོས་ནས་ཀྱང་དེས་བསམས་པ། བདག་
D3.008.0138b01.01གིས་ཁྱིམ་བདག་གདངས་ཅན་མ་ཚོར་བ་ཁོ་ནར་གནས་སུ་འཇུག་ཏུ་གཞུག་པ་ནི་བདག་གི་ཚུལ་དང་མཐུན་པ་མ་ཡིན་གྱིས། བཀུར་སྟི་ཆེན་པོས་འཇུག་ཏུ་གཞུག་གོ་སྙམ་ནས་དེས་དེ་བཀུར་སྟི་ཆེན་པོས་འཇུག་ཏུ་བཅུག་སྟེ་ལམ་གྱིས་དུབ་པའི་ངལ་བསོས་ནས་ཟན་བྱིན་ནོ། །དེ་ནས་དྲང་སྲོང་
D3.008.0138b02.01དེ་དག་ལྷགས་ནས་ཁྱིམ་བདག་མགོན་མེད་ཟས་སྦྱིན་གྱིས་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་དེ་སྨྲས་པ། ཤེས་ལྡན་དག་ཁྱེད་ཅག་ག་ལས་འོངས། འདིར་ཅི་ལ་འོངས། དེ་དག་གིས་སྨྲས་པ། ཁྱིམ་བདག་ཁྱོད་ཀྱིས་ལྷའི་བུ་གསོ་སྦྱོང་རལ་ལ་གང་བྱིན་པ་དེ་བདག་
D3.008.0138b03.01ཅག་ལ་ཡང་བྱིན་ཅིག་དེས་སྨྲས་པ། ཤེས་ལྡན་དག་མི་དྲན་ནོ། །ཁྱིམ་བདག་བདག་ཅག་གིས་ཁྱོད་ལ་དྲན་པར་བྱའོ། །ཤེས་ལྡན་དག་ལེགས་སོ། །དེ་དག་གིས་དྲན་པར་བྱས་ནས་དེས་སྨྲས་པ། ཤེས་ལྡན་དག་ཅི་ཁོ་བོ་ལས་ལེན་ནམ། འོན་ཏེ་བཅོམ་ལྡན་འདས་ལས་
D3.008.0138b04.01ལེན། ཁྱིམ་བདག་ཁྱོད་ཀྱིས་སུ་ལས་བླངས། ཤེས་ལྡན་དག་བཅོམ་ལྡན་འདས་ལས་སོ། །ཁྱིམ་བདག་གལ་ཏེ་དེ་ལྟ་ན་བདག་ཅག་ཀྱང་དེ་ཁོ་ན་ལས་ལེན་ཏོ། །ཤེས་ལྡན་དག་ལེགས་ཀྱིས་དེ་ལྟར་གྱིས་ཤིག་ཅེས་དེས་དེ་དག་ཁྲིད་དེ་བཅོམ་ལྡན་འདས་ག་ལ་བ་དེར་སོང་
D3.008.0138b05.01ངོ་། །དེའི་ཚེ་ན་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་མདུན་ན་ཆོས་སྟོན་ཅིང་བཞུགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱིམ་
D3.008.0138b06.01བདག་མགོན་མེད་ཟས་སྦྱིན་ཐག་རིང་པོ་ཁོ་ན་ནས་འོང་བ་མཐོང་ངམ། བཙུན་པ་མཐོང་ངོ་། །དགེ་སློང་དག་ཁྱིམ་བདག་མགོན་མེད་ཟས་སྦྱིན་འདི་སྐྱེས་དང་བཅས་པས་འོང་སྟེ། དེ་བཞིན་གཤེགས་པའི་སྐྱེས་ནི་འདི་ལྟར་གདུལ་བའི་སྐྱེས་ལྟ་བུ་གཞན་མེད་དོ། །དེ་ནས་ཁྱིམ་བདག་
D3.008.0138b07.01