完整藏文原文 · 德格版页 当前仅加载第 8 函德格 184a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་བཅུ་རྩ་བདུན་པ། དེད་དཔོན་སིང་ག་ལའི་ཆུང་མ་སྲིན་མོ་དེ་ལ་སྲིན་མོ་གཞན་དག་གིས་སྨྲས་པ། ཁོ་མོ་ཅག་གིས་ནི་རང་རང་གི་ཁྱིམ་ཐབ་དག་ཟོས་ན་ཁྱོད་ཀྱིས་རང་གི་ཁྱིམ་ཐབ་བཏང་གིས་གལ་ཏེ་ཇེ་ཁྲིད་དེ་འོངས་ན་དེ་ལྟ་ན་ལེགས། གལ་ཏེ་མི་འོང་ན་ཁྱོད་
D3.008.0184a01.01ཉིད་བཟའ་བར་བྱའོ། །དེ་སྐྲག་ནས་སྨྲས་པ། གལ་ཏེ་ཁྱོད་ཅག་དེ་ལྟར་དང་ན་དུས་བྱེད་ན་མི་རིངས་པར་སྡོད་ཅིག་དང་ཁྲིད་དེ་འོང་ངོ་། །དེ་དག་གིས་སྨྲས་པ། མ་ཉེས་ཀྱིས་དེ་བཞིན་གྱིས་ཤིག །དེ་མཆོག་ཏུ་འཇིགས་སུ་རུང་བའི་གཟུགས་སུ་སྤྲུལ་ནས་མྱུར་བ་མྱུར་བ་ཁོ་ནར་སོང་
D3.008.0184a02.01སྟེ་དེད་དཔོན་སིང་ག་ལའི་མདུན་དུ་འདུག་པ་དང་། དེད་དཔོན་སིང་ག་ལས་རལ་གྲི་ཤུབས་ནས་ཕྱུང་སྟེ་བསྡིགས་པ་དང་དེ་སྐྲག་སྟེ་བྲོས་སོ། །ཇི་ཙམ་ན་ཡུལ་དབུས་ནས་དོན་མཐུན་འོངས་པ་དང་། སྲིན་མོ་དེས་དེད་དཔོན་གྱི་རྐང་པ་གཉིས་ལ་གཏུགས་ཏེ་སྨྲས་པ། དེད་དཔོན་བདག་ནི་
D3.008.0184a03.01ཟངས་གླིང་གི་རྒྱལ་པོའི་བུ་མོ་དེད་དཔོན་སིང་ག་ལའི་མཆིས་འབྲང་དུ་སྩལ་བ་ལགས་ན་རྒྱ་མཚོ་ཆེན་པོའི་ནང་དུ་མཆིས་པའི་གྲུ་ཆུ་སྲིན་ཉའི་རིགས་ཀྱིས་བཅག་ནས་དེས་བདག་བཀྲ་མི་ཤིས་སོ་ཞེས་བོར་ན། དེའི་སླད་དུ་བདག་ལ་ཐུགས་བརྩེ་བས་བཟོད་པ་བགྱིད་དུ་སྩལ་བར་ཅི་གནང་། དེས་
D3.008.0184a04.01བཟོད་པ་བྱེད་དུ་གཞུག་གོ་ཞེས་དང་དུ་བླངས་སོ། །དེ་དེའི་གན་དུ་སོང་ནས་བག་དབབ་པའི་གཏམ་བརྗོད་པས་ཡུད་ཙམ་ཞིག་བསྡད་དེ་སྨྲས་པ། ཤེད་མཐུན་ཁྱོད་ཀྱིས་ཟངས་གླིང་གི་རྒྱལ་པོའི་བུ་མོ་བླངས་པ་དེ་གནས་མ་ཡིན་པར་ཡོངས་སུ་མ་དོར་བར་བཟོད་པ་གྱིས་ཤིག །དེས་སྨྲས་
D3.008.0184a05.01པ། ཤེད་མཐུན་དེ་ནི་དེའི་རྒྱལ་པོའི་བུ་མོ་མ་ཡིན་ཏེ། ཟངས་གླིང་ནས་འོངས་པའི་སྲིན་མོ་ཡིན་ནོ། །འོ་ན་འདིར་ཇི་ལྟར་འོངས། དེས་ཇི་ལྟར་གྱུར་པ་བརྗོད་པ་དང་དེ་ཅང་མི་སྨྲ་བར་འདུག་གོ། །དེད་དཔོན་སིང་ག་ལ་མཐར་གྱིས་རང་གི་ཁྱིམ་དུ་ཕྱིན་པ་དང་། སྲིན་མོ་དེ་ཡང་བུ་ཐོགས་
D3.008.0184a06.01ཏེ་རྒྱལ་པོའི་ཕོ་བྲང་སེང་གེ་ལྟ་བུར་ཕྱིན་ནས་དེད་དཔོན་སིང་ག་ལའི་ཁྱིམ་གྱི་སྒོ་དྲུང་ན་སྡོད་དོ། །སྐྱེ་བོའི་ཚོགས་ཀྱིས་ཁྱེའུ་དེ་མཐོང་ནས་བཞིན་གཟུགས་ལས་ངོ་ཤེས་ནས་དེ་དག་གིས་སྨྲས་པ། ཤེས་ལྡན་དག་ཁྱེའུ་འདི་ནི་དེད་དཔོན་སིང་ག་ལའི་བུ་ཡིན་པར་ཤེས་སོ། །སྲིན་
D3.008.0184a07.01