完整藏文原文 · 德格版页 当前仅加载第 8 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པའི་སྐྱེ་བོའི་ཚོགས་རྣམས་ཀྱིས་བསམས་པ། ཤེས་ལྡན་དག་བདག་ཅག་གང་ཅུང་ཟད་བདེ་བར་གནས་པ་གང་ཡིན་པ་དེ་ཐམས་ཅད་འབྲོག་གནས་ཀྱི་མཐུ་ཡིན་པས་བདག་ཅག་གིས་འདི་ལ་ཕན་པ་ཅུང་ཟད་བྱ་གོར་མ་ཆག་གོ་སྙམ་མོ། །དེ་ན་ཁ་
D3.008.0151a01.01ཅིག་གིས་སྨྲས་པ། མ་ཉེས་ཀྱིས་དེ་བཞིན་བྱའོ། །ཅི་ཞིག་བྱ། དེ་ན་ཁ་ཅིག་གིས་སྨྲས་པ། བདག་ཅག་ལས་གང་སུ་ཡང་རུང་བ་བག་མ་གཏོང་བའམ། བག་མ་ལེན་པ་དེས་དེ་འཁོར་དང་བཅས་པ་ཟན་སྦྱིན་ཞིང་གོས་ཕྲུགས་རེ་ཡང་བསྐོན་པར་བྱའོ། །མ་ཉེས་ཀྱིས་དེ་
D3.008.0151a02.01ལྟར་བྱའོ་ཞེས་དེ་དག་ལས་གང་བག་མ་གཏོང་བའམ། བག་མ་ལེན་པ་དེས་འབྲོག་གནས་འཁོར་དང་བཅས་པ་ཟན་སྦྱིན་ཞིང་གོས་ཕྲུགས་རེ་བསྐོན་པར་བྱེད་དོ། །ཇི་ཙམ་ན་མི་དབུལ་པོ་ཞིག་བག་མ་ལེན་དུ་ཉེ་ནས་དེ་འདི་སྙམ་དུ་སེམས་ཏེ། བདག་ལ་འབྲོག་གནས་འཁོར་
D3.008.0151a03.01དང་བཅས་པ་ཟན་སྦྱིན་ཞིང་གོས་ཕྲུགས་རེ་བསྐོན་པའི་འབྱོར་པ་ག་ལ་ཡོད་ཀྱིས། འདི་ལྟར་བདག་གིས་བག་མ་དེ་བླངས་ནས་དང་པོ་ཁོ་ནར་འབྲོག་གནས་ལ་དགའ་མགུར་སྤྱོད་དུ་ཕུལ་ལ། དེས་དགའ་མགུར་སྤྱད་ནས་དེའི་འོག་ཏུ་བདག་གིས་སྤྱད་པར་བྱའོ་སྙམ་དུ་རིག་ནས།
D3.008.0151a04.01དེ་འབྲོག་གནས་ཀྱི་གན་དུ་སོང་སྟེ་མགོ་བོས་ཕྱག་འཚལ་ནས་སྨྲས་པ། གྲོང་དཔོན་བདག་བག་མ་ལེན་དུ་ཉེ་ན་བདག་ལ་ཁྱོད་འཁོར་དང་བཅས་པ་བཤོས་གསོལ་ཞིང་ན་བཟའ་ཕྲུགས་རེ་གསོལ་བའི་འབྱོར་པ་མ་མཆིས་ཀྱིས། འདི་ལྟར་བདག་གིས་བག་མ་དེ་བླངས་ནས་
D3.008.0151a05.01དང་པོ་ཁོ་ནར་ཁྱོད་ལ་དགའ་མགུར་སྤྱོད་དུ་འབུལ་གྱིས། ཁྱོད་ཀྱིས་དགའ་མགུར་སྤྱད་ནས་དེའི་འོག་ཏུ་བདག་གིས་སྤྱད་པར་བགྱིའོ། །འབྲོག་གནས་ཀྱིས་སྨྲས་པ། ཀྱེ་ནང་རྗེ་གང་ཡང་རུང་བ་བག་མ་ལེན་པའམ། བག་མ་གཏོང་བ་དེ་ཐམས་ཅད་ཀྱིས་ཁོ་བོ་འཁོར་
D3.008.0151a06.01དང་བཅས་པ་ཟན་སྦྱིན་ཞིང་གོས་ཕྲུགས་རེ་བསྐོན་མི་དགོས་ཀྱིས་ཁྱོད་སོང་ལ་བག་ཡངས་སུ་བག་མ་ལོང་ཤིག །གྲོང་དཔོན་དེ་ལྟ་ལགས་མོད་ཀྱི་འོན་ཀྱང་བདག་འདི་ལྟར་{དགའས་,དགས་}དང་དུ་བཞེས་ཤིག །བུད་མེད་ཀྱི་ཡུལ་ནི་དབང་པོ་རྣམས་འཕྲོག་ཅིང་དོན་དུ་
D3.008.0151a07.01