完整藏文原文 · 德格版页 当前仅加载第 8 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི་ཁྱིམ་བདག་གི་ཆ་ལུགས་ཀྱིས་བསྙེན་བཀུར་བྱེད་དོ། །དུས་གཞན་ཞིག་ན་དེ་གཉིས་ཉིན་མོ་ཁྱིམ་བདག་གི་ཆ་ལུགས་ཀྱིས་བཅོམ་ལྡན་འདས་ཀྱི་སྤྱན་སྔར་སོང་ངོ་། །ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་རྒྱལ་
D3.008.0081a01.01བྱེད་ཀྱི་ཚལ་ག་ལ་བ་དེར་སོང་ངོ་། །རྒྱལ་རིགས་ནི་མངོན་པའི་ང་རྒྱལ་ཅན་ཡིན་པས་རྒྱལ་པོ་དེ་གང་གི་ཚེ་བཅོམ་ལྡན་འདས་ཀྱི་སྤྱན་སྔར་འགྲོ་བ་དེའི་ཚེ་ན་བདག་བཅོམ་ལྡན་འདས་ཀྱི་སྤྱན་སྔར་སོང་བ་ན་འགའ་ཞིག་བདག་ལ་མངོན་སུམ་དུ་ལྡང་བར་མི་འགྱུར་བ་མེད་གྲང་སྙམ་ནས་མི་དག་པའི་མཐའ་
D3.008.0081a02.01ཅན་གཏོང་བར་བྱེད་པ་ཡིན་པས་དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་རྒྱལ་བྱེད་ཀྱི་ཚལ་གྱི་སྒོར་བསྡད་དེ་མི་དག་པའི་མཐའ་ཅན་ཞིག་ལ་སྨྲས་པ། ཀྭའི་ནང་རྗེ་སོང་ལ་བཅོམ་ལྡན་འདས་ལ་སུ་དག་བསྙེན་བཀུར་བྱེད་པ་ལྟོས་ཤིག །མི་དག་པའི་མཐའ་ཅན་དེས་ལྷ་བཀའ་བཞིན་
D3.008.0081a03.01འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་བ་དང་། ཇི་ཙམ་ན་ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་བཀུར་བྱེད་པ་མཐོང་ངོ་། །མཐོང་ནས་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་
D3.008.0081a04.01སྟེ་ཕྱིན་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་གསོལ་ཏོ། །ལྷ་ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་བཀུར་བགྱིད་དེ་དེ་གཉིས་ལྷའི་ཡུལ་ན་གནས་པ་དག་ལགས་གོར་མ་བཀུམ་མོ། །རྒྱལ་པོས་བསམས་པ། ཁྱིམ་བདག་དེ་གཉིས་བདག་གི་
D3.008.0081a05.01ཡུལ་ན་གནས་པ་ཡིན་པས་དེ་གཉིས་ཀྱིས་བདག་མཐོང་ན་མངོན་དུ་ལྡང་བར་འགྱུར་གྲང་སྙམ་ནས་དེ་བཅོམ་ལྡན་འདས་ག་ལ་བ་དེར་སོང་ངོ་། །ཀླུའི་རྒྱལ་པོ་དགའ་བོ་དང་ཉེ་དགའ་གཉིས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་
D3.008.0081a06.01དེ་གཉིས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅི་ལགས་རེ་ཞིག་དམ་པའི་ཆོས་ལ་བསྙེན་བཀུར་བགྱིའམ། འོན་ཏེ་རྒྱལ་པོ་ལ་བསྙེན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་གཉིས་རེ་ཞིག་དམ་པའི་ཆོས་ལ་བསྙེན་
D3.008.0081a07.01