完整藏文原文 · 德格版页 当前仅加载第 8 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང་། ན་བཟའ་དང་། གནས་མལ་དང་། བསྙུང་བའི་རྐྱེན་དང་། སྨན་གྱི་ཡོ་བྱད་དག་བཞེས་པར་ཅི་གནང་། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི་གཞན་ལ་ཕན་པས་རྗེས་སུ་
D3.008.0046b01.01འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ་ཞེས་སྨྲས་ཏེ་དང་དུ་མ་བླངས་སོ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་གསུམ་པ་གཉི་ག་ནས་བཏུལ་ཅིང་བཞག་གོ། །ཚེ་དང་ལྡན་པ་འཆར་ཀས་བསམས་པ། གང་གདུལ་
D3.008.0046b02.01བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ནད་པ་ཞིག་འདུག་པ། དེ་སྨན་པ་དག་གིས་སྨན་ཁ་བ་དང་། ཚ་བ་དང་། བསྐ་བ་དག་གིས་ཡིད་བྱུང་ནས། དེས་སྒོ་བ་ལ་ཁྱོད་ཀྱིས་སྨན་པ་འགའ་ཡང་ནང་དུ་མ་བཏང་ཤིག་ཅེས་བསྒོ་ནས། ཚེ་དང་ལྡན་པ་འཆར་ཀས་བསམས་
D3.008.0046b03.01པ། བྲམ་ཟེ་དེ་གདུལ་བའི་དུས་ཡིན་ནོ་སྙམ་ནས། ཚེ་དང་ལྡན་པ་འཆར་ཀ་སྨན་པའི་ཆ་ལུགས་སུ་བྱས་ཏེ། བྲམ་ཟེ་དེའི་ཁྱིམ་སྒོར་སྨན་པ་འོངས་སོ་ཞེས་བྱས་ཏེ་བསྡད་པ་དང་། སྒོ་བས་སྨྲས་པ། ཁོ་བོ་ལ་བྲམ་ཟེས་ཁྱོད་ཀྱིས་སྨན་པ་འགའ་ཡང་ནང་དུ་མ་བཏང་ཤིག་ཅེས་
D3.008.0046b04.01བསྒོ་སྟེ། ཁོ་བོ་དེ་ཉིད་ཀྱི་ཕྱིར་བཞག་གོ། །ཚེ་དང་ལྡན་པ་འཆར་ཀས་སྨྲས་པ། ཁྱོད་སོང་ལ་བྲམ་ཟེ་ལ་སྨན་པ་འོངས་ཏེ་དེ་ན་རེ་སྨན་ཡང་མི་སྦྱིན། བྱ་དགའ་ཡང་མི་སློང་བར་གསང་སྔགས་དག་གིས་སོས་པར་བྱའོ་ཞེས་ཟེར་རོ་ཞེས་བྱོས་ཤིག །སྒོ་བ་སོང་སྟེ་བྲམ་ཟེ་དེ་ལ་དེ་
D3.008.0046b05.01སྐད་རྒྱས་པར་བརྗོད་པ་དང་། དེས་སྨྲས་པ། ནང་དུ་ཐོང་ཤིག །ཚེ་དང་ལྡན་པ་འཆར་ཀ་ནང་དུ་ཞུགས་ནས། དེས་གསང་སྔགས་དག་གིས་དེ་སོས་པར་བྱས་ནས། ཚེ་དང་ལྡན་པ་འཆར་ཀས་སྨན་པའི་ཆ་ལུགས་མི་སྣང་བར་བྱས་ཏེ། རང་གི་ཆ་ལུགས་ཀྱིས་འདུག་པ་དང་།
D3.008.0046b06.01བྲམ་ཟེ་དེ་ངོ་མཚར་སྐྱེས་ནས་དེས་སྨྲས་པ། བཙུན་པ་འཆར་ཀ་ཅིའི་སླད་དུ་འདིར་བྱོན། ཁྱོད་ཉིད་གདུལ་བའི་དོན་དུའོ། །བཙུན་པ་འཆར་ཀ་དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག །ཚེ་དང་ལྡན་པ་འཆར་ཀ་དེར་འདུག་སྟེ་ཟས་ཀྱི་བྱ་བ་བྱས་པ་དང་། བྲམ་
D3.008.0046b07.01