完整藏文原文 · 德格版页 当前仅加载第 8 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
བགོ་སྐལ་ཉིད་དུ་སེམས་པར་བྱེད། །གལ་ཏེ་ཕ་ཤི་བུ་ལོན་ཆགས། །བུ་སྡུག་དེ་ལ་མེ་མི་ཁྱེར། །ཤི་ན་འཆི་བཞིན་མི་ངུ་ཞིང་། །བདག་གི་ཕའམ་རྗེར་མི་སྨྲ། །ཕྱུག་ཤེས་བདག་གི་ཕ་ཟེར་ཞིང་། །སྐྲ་བཤིག་མཆི་མའི་བཞིན་གྱིས་ངུ་། །མེ་ཡང་མདུན་དུ་
D3.008.0116a01.01ཁྱེར་བྱེད་ཅིང་། །ཀྱེ་མ་འདི་ནི་ལྷར་འགྱུར་ཟེར། །གོས་ཀྱིས་བཀབ་བཞིན་ཁྱེར་བྱེད་ཅིང་། །མེ་བཏང་དེ་ནས་སྲེག་པར་བྱེད། །ཉེ་དུ་ངུ་ཞིང་གོས་གཅིག་གིས། །དེ་སྲེགས་སྤངས་ཏེ་ལོངས་སྤྱོད་བྱེད། །དེ་གཅིག་སྐྱེ་ཞིང་སྐྱེ་ཚེ་གཅིག །དེ་བཞིན་གཅིག་འཆི་འཆི་ཚེ་གཅིག །སྐྱེ་
D3.008.0116a02.01འདིར་གཅིག་པུས་སྡུག་བསྔལ་མྱོང་། །འཁོར་བར་འགྱུར་ལ་གྲོགས་མེད་དོ། །དེ་མཐོང་འདི་ལ་དམ་པ་རྣམས། །རབ་འབྱུང་ཁྱིམ་ན་འདུག་མི་བྱེད། །དེ་དག་ཆགས་པ་ཀུན་བྲལ་ནས། །ཕྱིན་ཆད་མངལ་ན་འཇུག་མི་འགྱུར། །དེ་ནས་རྒྱལ་པོ་གཟུགས་ཅན་སྙིང་པོ་དགེ་སློང་
D3.008.0116a03.01ཨུ་ཏྲ་ཡ་ནས་གོང་ནས་གོང་དུ་སྤོབས་པས་ལན་གླན་པས་ཅང་མི་སྨྲ་ཞིང་སྤོབས་པ་མེད་པར་གྱུར་ཏེ་སོང་ངོ་། །དེ་ནས་རྒྱལ་པོ་གཙུག་པུད་ཅན་གྱིས་རེ་ཞིག་ཇི་སྲིད་དུ་ཆོས་ཀྱི་རྒྱལ་སྲིད་བྱེད་དུ་བཅུག་ནས་ཆོས་མ་ཡིན་པས་རྒྱལ་སྲིད་བྱེད་དུ་གཞུག་པར་བརྩམས་པ་དང་། དེ་ལ་བློན་
D3.008.0116a04.01པོའི་མཆོག་ཧེ་རུ་ཀ་དང་བྷི་རུ་ཀ་གཉིས་ཀྱིས་སྨྲས་པ། ལྷ་ཆོས་ཀྱིས་རྒྱལ་སྲིད་བགྱིད་དུ་སྩོལ་ལ། ཆོས་མ་ལགས་པས་བགྱིད་དུ་མ་སྩལ་ཅིག །དེ་ཅིའི་སླད་དུ་ཞེ་ན། ལྷ་ཡུལ་གྱི་མི་དག་ནི་མེ་ཏོག་གི་ཤིང་ལྗོན་པ་དང་། འབྲས་བུའི་ཤིང་ལྗོན་པ་དག་དང་འདྲ་བའི་སླད་དུ་སྟེ།
D3.008.0116a05.01ལྷ་འདི་ལྟ་སྟེ། དཔེར་བགྱི་ན་མེ་ཏོག་གི་ཤིང་ལྗོན་པ་དང་། འབྲས་བུའི་ཤིང་ལྗོན་པ་དག་ནི་དུས་དང་དུས་སུ་ལེགས་པར་ཡོངས་སུ་བསྐྱངས་པ་ན་བར་ཆད་མ་མཆིས་པའི་སྦྱོར་བས་དུས་ཇི་ལྟ་བ་བཞིན་དུ་མེ་ཏོག་དང་། འབྲས་བུ་དག་འབྱིན་པར་བགྱིད་དོ། །ལྷ་དེ་བཞིན་དུ་ཡུལ་གྱི་
D3.008.0116a06.01མི་དག་ཀྱང་དུས་དང་དུས་སུ་ལེགས་པར་ཡོངས་སུ་བསྐྱངས་པ་ན་བར་ཆད་མ་མཆིས་པའི་སྦྱོར་བས་དུས་ཇི་ལྟ་བ་བཞིན་དུ་དཔྱ་དང་ལོ་ཐང་དག་འབུལ་བར་བགྱིད་དོ། །དེ་དེ་གཉིས་ཀྱིས་བཟློག་པ་ན་རེ་ཞིག་ཇི་སྲིད་དུ་ཆོས་ཀྱིས་རྒྱལ་སྲིད་བྱེད་དུ་བཅུག་ནས་ཡང་ཆོས་མ་ཡིན་པས་
D3.008.0116a07.01