完整藏文原文 · 德格版页 当前仅加载第 8 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་ནི་ད་ལྟར་གཡོན་ཅན་ལྔ་བརྒྱ་པོ་དག་ཡིན་ནོ། །དེའི་ཚེ་དེའི་དུས་ན་རྔ་བྲན་གང་ཡིན་པ་དེ་ནི་ད་ལྟར་ཆོམ་རྐུན་པའི་དམག་དཔོན་ཡིན་ནོ། །དེའི་ཚེ་དེའི་དུས་ན་རྔ་བྲན་མོ་གང་ཡིན་པ་དེ་ནི་ད་ལྟར་བྲམ་ཟེའི་བུ་མོ་ཡིན་ཏེ། མདུན་ན་འདོན་དེ་དང་བྲམ་ཟེའི་ཁྱེའུ་ལྔ་བརྒྱ་པོ་དེ་དག་
D3.008.0069a01.01གིས་རྔ་བྲན་དང་རྔ་བྲན་མོ་དེ་གཉིས་སྡང་བ་མེད་པ་དང་། གནོད་པ་མ་བྱས་བཞིན་དུ་གསོད་དུ་བཅུག་པའི་ལས་དེའི་རྣམ་པར་སྨིན་པས་ད་ལྟར་ཡང་ཆོམ་རྐུན་པའི་དམག་དཔོན་འདི་དང་། བྲམ་ཟེའི་བུ་མོ་འདི་གཉིས་ཀྱིས་འཆར་ཀ་དང་། གཡོན་ཅན་ལྔ་བརྒྱ་པོ་དག་སྡང་བ་མེད་པ་དང་།
D3.008.0069a02.01གནོད་པ་མ་བྱས་བཞིན་དུ་གསོད་དུ་བཅུག་གོ། །བཙུན་པ་ཚེ་དང་ལྡན་པ་འཆར་ཀས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་པ། ནོར་མང་བ། ལོངས་སྤྱོད་ཆེ་བའི་ཁྱིམ་དུ་སྐྱེས། ལས་ཅི་བགྱིས་ན་དེས་བཅོམ་ལྡན་འདས་ཀྱི་སྤྱན་སྔར་རབ་ཏུ་བྱུང་ནས། ཉོན་
D3.008.0069a03.01མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས། ལས་ཅི་ཞིག་བགྱིས་ན་དེས་དགྲ་བཅོམ་པ་ཉིད་ཐོབ་ཀྱང་མཚོན་གྱིས་ཡོངས་སུ་མྱ་ངན་ལས་འདས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་འཆར་ཀ་ཉིད་ཀྱིས་ལས་ཚོགས་རྙེད་
D3.008.0069a04.01པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། འཆར་ཀ་ཉིད་ཀྱིས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་
D3.008.0069a05.01དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་
D3.008.0069a06.01ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་སངས་རྒྱས་རྣམས་འབྱུང་བ་མེད་པའི་ཚེ། རང་སངས་
D3.008.0069a07.01