完整藏文原文 · 德格版页 当前仅加载第 8 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་ཡོད་དུ་བཞུད་ན། བདག་དེར་ཁྲིད་པར་མི་བཞེད་དོ། །བྲམ་ཟེ་མོས་སྨྲས་པ། རྗེའི་སྲས་བུ་མོ་ཡང་ཁྲིད་ཅིག་དང་ཉེ་དུ་དག་མཐོང་བར་འགྱུར་རོ། །བྲམ་ཟེས་སྨྲས་པ། བུ་མོ་ད་མཆོག་ཐོབ་པར་འགྱུར་བས་འདིའི་ལག་པའམ། རྐང་པ་ལ་འགའ་ཞིག་གིས་
D3.008.0037a01.01རེག་པར་གྱུར་ན་བདག་ཅག་ལ་མི་སྙན་པར་འགྱུར་གྱིས་འདི་ཉིད་དུ་ཞོག་ཤིག །བྲམ་ཟེ་མོས་སྨྲས་པ། རྗེའི་སྲས་དང་ཐབས་ཅིག་མཆིས་ན་ལེགས་པར་སྦས་པ་དང་། ལེགས་པར་བསྲུངས་པར་འགྱུར་རོ། །བྲམ་ཟེ་དེས་བུ་མོ་དེ་ཤིང་རྟར་བཅུག་སྟེ་འཕགས་པ་དང་། བུ་མོ་དེ་
D3.008.0037a02.01ལྟད་མོའི་རང་བཞིན་ཅན་ཡིན་པས་ཕ་ལ་དྲིས་པ། ཡབ་འདི་སུའི་ཀུན་དགའ་ར་བ་ལགས། འདི་སུའི་རྫིང་བུ་ལགས། འདི་སུའི་ལྷ་ཁང་ལགས། འདི་སུའི་སྐྱེད་མོས་ཚལ་ལགས། འདི་སུའི་ཁྲོན་པ་ལགས། འདི་སུའི་གཙུག་ལག་ཁང་ལགས། བྲམ་ཟེས་སྨྲས་པ།
D3.008.0037a03.01བུ་མོ་འདི་ནི་ཤཱཀྱའི་བུའི་དགེ་སྦྱོང་རྣམས་ཀྱི་བསྟི་གནས་ཡིན་ནོ། །བུ་མོས་སྨྲས་པ། ཡབ་ལྟར་མཆིའོ། །བྲམ་ཟེས་སྨྲས་པ། བུ་མོ་བསྟི་གནས་འདི་ན་རིགས་སྣ་ཚོགས་དང་། རུས་སྣ་ཚོགས་ལས་རབ་ཏུ་བྱུང་བ་དག་འཁོད་པས་ཁྱོད་ཀྱི་ལག་པའམ་རྐང་པ་ལ་འགའ་ཞིག་གིས་
D3.008.0037a04.01རེག་པར་གྱུར་ན་བདག་ཅག་ལ་མི་སྙན་པར་འགྱུར་གྱིས། ཚུར་ཤོག་འདོང་ངོ་ཞེས་དེ་འཕགས་པ་དང་། ཇི་ཙམ་ན་གྲོང་བར་དེ་ཉིད་ནས་བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་གཙུག་ལག་ཁང་ལྟ་འདོད་པ་དག་མཉན་ཡོད་ཀྱི་ཕྱི་རོལ་དུ་བྱུང་བ་དེ་དག་གིས་བྲམ་ཟེ་དེ་མཐོང་
D3.008.0037a05.01ནས་དེ་དག་གིས་སྨྲས་པ། སྣམ་ཟུངས་བྱོན་པ་ལེགས་སོ། །བྱོན་པ་ལེགས་སོ། །ཁྱོད་ཡུན་རིང་མོ་རིང་མོ་ཞིག་གིས་གར་བཞུད། བྲམ་ཟེས་སྨྲས་པ། ཁོ་བོ་ཁྱོད་ཅག་ཉིད་ལྟར་འོངས་ན་ཁྱོད་ཅག་གར་འདོང་། རྒྱལ་བྱེད་ཀྱི་ཚལ་དུ་གཙུག་ལག་ཁང་ལྟར་མཆིའོ། །སྲུ་ཅག་ཚ་མོ་
D3.008.0037a06.01འདི་ཡང་ཁྲིད་དེ་དེང་ལ། འདི་ལ་ཡང་གཙུག་ལག་ཁང་སྟོན་ཅིག །བུ་མོ་དེ་ཡང་དེ་དག་དང་ལྷན་ཅིག་རྒྱལ་བྱེད་ཀྱི་ཚལ་དུ་སོང་ངོ་། །དྲུག་སྡེ་དག་གི་ཀུན་དུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་
D3.008.0037a07.01