完整藏文原文 · 德格版页 当前仅加载第 8 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་ཀྱིས་དེ་ལྟར་བྱའོ། །ཨུཏྤ་ལའི་མདོག་ཟླ་བ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེས་བསམས་པ། བུད་མེད་གང་ལ་བུ་ཆུང་ངུ་ཡོད་པ་དེ་སྐྱེས་པ་དག་གིས་འདི་ཡོངས་སུ་སྤང་ངོ་། །ཞེས་ཡོངས་སུ་སྤོང་བར་རིག་ནས་དེས་བུ་མོ་མངག་གཞུག་མ་ལ་སྨྲས་པ། བུ་
D3.008.0220b01.01མོ་ཁྱེའུ་འདི་དང་མར་མེ་ཁྱེར་ལ་ལམ་པོ་ཆེར་སོང་སྟེ་དེར་གནས་གཅིག་ཏུ་ཁྱེའུ་ཞོག་སྟེ། མར་མེ་ཚུགས་ལ་འགའ་ཞིག་གིས་བླངས་ཀྱི་བར་དུ་མཐའ་གཅིག་ཏུ་སྡོད་ཅིག །དེས་དེ་ཁྱེར་ཏེ་ཤར་གྱི་སྒོ་བ་དང་ཧ་ཅང་ཐག་མི་རིང་བའི་གནས་ཤིག་ཏུ་བཞག་སྟེ། མར་མེ་བཙུགས་ནས་མཐའ་
D3.008.0220b02.01གཅིག་ཏུ་བསྡད་པ་དང་། ཤར་གྱི་སྒོ་བ་དེས་མར་མེ་མཐོང་ནས་ཐེ་ཚོམ་ཟ་ཞིང་དེར་སོང་བ་དང་། ཇི་ཙམ་ན་ཁྱེའུ་དེ་མཐོང་ནས་དེས་དེ་བླངས་ཏེ་ཆུང་མའི་གན་དུ་སོང་ནས་སྨྲས་པ། བཟང་མོ་ཁྱོད་ཀྱི་བུ་འདི་རེ། དེ་རབ་ཏུ་དགའ་བས་བླངས་སོ། །དེ་ནས་མཚན་མོ་ནམ་ནངས་པ་དང་ཀུན་དགའ་
D3.008.0220b03.01བར་འགྱུར་བ་བྱས་སོ། །ཁྱིམ་ཚེས་ཀྱི་སྐྱེ་བོ་དག་གིས་ཕན་ཚུན་སྨྲས་པ། ཤེས་ལྡན་དག་ཤར་གྱི་སྒོ་བ་འདིའི་ཁྱིམ་ན་ཅི་ཞིག་གིས་ཀུན་དགའ་བར་འགྱུར་བ་བྱུང་། དེ་ན་ཁ་ཅིག་གིས་སྨྲས་པ། འདིའི་བུ་བྱུང་ངོ་། །ཁ་ཅིག་གིས་སྨྲས་པ། འདིའི་ཆུང་མ་མི་སྦྲུམ་ན་འདིའི་བུ་ག་ལས་
D3.008.0220b04.01བྱུང་། ཁ་ཅིག་གིས་སྨྲས་པ། ཤེས་ལྡན་དག་བུད་མེད་ཁ་ཅིག་གི་མངལ་ན་གནས་པ་མི་མངོན་པ་ཡང་ཡོད་དོ། །ནུབ་ཀྱི་སྒོ་བས་ཐོས་ནས་དེས་བསམས་པ། དེའི་བུ་བྱུང་བས་གལ་ཏེ་བདག་ལ་བུ་མོ་ཡོད་པར་གྱུར་ན་དེ་བདག་གི་མག་པར་འགྱུར་རོ་སྙམ་ནས་དེས་དེ་ལ་གོས་དང་རྒྱན་དག་
D3.008.0220b05.01བསྐུར་རོ། །དེ་བསྲིངས་ཤིང་བསྐྱེད་དེ་ཆེན་པོར་གྱུར་ནས་ཇི་ཙམ་ན་དེ་དགའ་འདུན་གྱི་ནང་དུ་ཞུགས་སོ། །ཇི་ཙམ་དུས་གཞན་ཞིག་ན་ཡང་ཨུཏྤ་ལའི་མདོག་ལ་སེམས་ཅན་ཞུགས་པར་གྱུར་ནས་དེ་ཟླ་བ་དགུ་འདས་ཏེ་བཙས་པ་ལས་བུ་མོ་ཞིག་བྱུང་ནས་དེས་ཡང་བསམས་པ། བུད་མེད་གང་ལ་
D3.008.0220b06.01བུ་མོ་ཆུང་ངུ་ཡོད་པ་དེ་སྐྱེས་པ་དག་གིས་འདི་ཡོངས་སུ་སྤང་ངོ་ཞེས་ཡོངས་སུ་སྤོང་བར་རིག་ནས་དེས་བུ་མོ་མངག་གཞུག་མ་ལ་སྨྲས་པ། བུ་མོ་བུ་མོ་འདི་དང་མར་མེ་ཁྱེར་ལ་ལམ་པོ་ཆེར་སོང་སྟེ། དེར་གནས་གཅིག་ཏུ་བུ་མོ་ཞོག་སྟེ། མར་མེ་ཚུགས་ལ་འགའ་ཞིག་གིས་བླངས་ཀྱི་
D3.008.0220b07.01