完整藏文原文 · 德格版页 当前仅加载第 8 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་ན་སྒོ་ཁར་རྐང་པ་བརྐྱང་སྟེ་འདུག་ཅིང་། དེ་གང་ལ་ལ་འོང་བ་དེ་ལ་འདི་སྐད་ཅེས། ཡང་ན་ནི་ཁོ་བོ་ལ་སྟོབས་རྒོལ་ཅིག །ཡང་ན་ནི་ཁོ་བོའི་རླིག་བར་དུ་སོང་ཤིག་ཅེས་ཟེར་རོ། །དེ་ན་སྐྱེ་བོ་ཕལ་པོ་ཆེའི་ཚོགས་འདུ་བ་དག་ལས། འགའ་ཡང་དེ་ལ་སྟོབས་ཀྱང་མི་
D3.008.0063b01.01རྒོལ། དེའི་རླིག་བར་དུ་ཡང་མི་འགྲོའོ། །ཚེ་དང་ལྡན་པ་འཆར་ཀས་བསམས་པ། གྱད་དེ་གདུལ་བའི་དུས་ཡིན་ནོ་སྙམ་ནས། ཚེ་དང་ལྡན་པ་འཆར་ཀ་ཕྱོགས་དེར་སོང་སྟེ་སྨྲས་པ། འདི་སུ་ཞིག་ཡིན། སྐྱེ་བོ་ཕལ་པོ་ཆེའི་ཚོགས་ཀྱིས་སྨྲས་པ། གྱད་འདིའི་
D3.008.0063b02.01མཆིད་ནས་འདི་སྐད་ཅེས། ཡང་ན་ནི་ཁོ་བོ་ལ་སྟོབས་རྒོལ་ཅིག །ཡང་ན་ནི་ཁོ་བོའི་རླིག་བར་དུ་སོང་ཤིག་ཅེས་མཆིའོ། །ཚེ་དང་ལྡན་པ་འཆར་ཀས་དེ་ལ་སྨྲས་པ། ཅི་ཇེ་ཁོ་བོ་དང་ལྷན་ཅིག་སྟོབས་བྱའམ། འོན་ཏེ་ཁོ་བོས་བརྡབས་པའི་གྱད་གསུམ་པོ་གང་དག་
D3.008.0063b03.01ཡིན་པ་དེ་དག་དང་ལྷན་ཅིག་སྟོབས་འགྱེད། དེས་སྨྲས་པ། ཁྱོད་ཀྱིས་བརྡབས་པའི་གྱད་གསུམ་པོ་གང་དག་ཡིན་པ་དེ་དག་དང་ལྷན་ཅིག་སྟོབས་བྱའོ། །ཚེ་དང་ལྡན་པ་འཆར་ཀས་སྨྲས་པ། ཁོ་བོས་འདོད་ཆགས་ཀྱི་གྱད་བརྡབས། ཞེ་སྡང་གི་གྱད་བརྡབས། གཏི་
D3.008.0063b04.01མུག་གི་གྱད་བརྡབས་ཀྱིས། ཁྱོད་དེ་དག་དང་ལྷན་ཅིག་སྟོབས་ཁྱེ་ཤིག་ཅེས། ཚེ་དང་ལྡན་པ་འཆར་ཀས་དེ་བཏུལ་ནས་དེས་དེ་རབ་ཏུ་ཕྱུང་། རྫོགས་པར་བསྙེན་པར་བྱས་ཏེ་གདམས་ངག་བྱིན་ནོ། །དེ་དེ་ལྟར་རབ་ཏུ་བྱུང་ནས་གཅིག་པུ་དབེན་པ་བག་ཡོད་པ། བརྟུན་པ་
D3.008.0063b05.01དང་ལྡན་པ་བདག་ཉིད་བཏང་བར་གནས་སོ། །གཅིག་པུ་དབེན་པ་བག་ཡོད་པ། བརྟུན་པ་དང་ལྡན་པ་བདག་ཉིད་བཏང་བར་གནས་པ་ན། རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་
D3.008.0063b06.01མེད་པར་རབ་ཏུ་འབྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་
D3.008.0063b07.01