完整藏文原文 · 德格版页 当前仅加载第 8 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་མི་རྣམས་ལ་སྨྲས་པ། ཁྱེད་ཅག་མགུ་བྱེད་ཀྱིས་ཅི་བྱིན་པ་དེས་གནས་པར་གྱིས་ཤིག །ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་རྣམས་ཀྱང་བསྡུས་ཏེ་སྨྲས་པ། ཤེས་ལྡན་དག་ཁོ་བོས་བུ་མོ་མགུ་བྱེད་འདི་བྲན་མོ་ལས་ཕྱུང་སྟེ་ཁྱིམ་གྱི་བདག་མོར་བཅུག་གོ་ཞེས་
D3.008.0148a01.01བསྒྲགས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཁྱིམ་བདག་གདངས་ཅན་རྒྱལ་པོ་ཤར་པས་གདངས་ལས་འཚལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D3.008.0148a02.01དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་ཁྱིམ་བདག་གདངས་ཅན་འདི་རྒྱལ་པོ་ཤར་པས་གདངས་ལས་ཤེས་པར་གྱུར་ཏེ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ། རྒྱས་པ། བདེ་བ། ལོ་
D3.008.0148a03.01ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་། འཐབ་པ་དང་། ཕྱི་དགྲ་དང་། ནང་འཁྲུག་རབ་ཏུ་ཞི་བ། ཆོམ་རྐུན་དང་། མུ་གེ་དང་། ནད་དང་བྲལ་བ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ།
D3.008.0148a04.01ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱིས་རྒྱལ་སྲིད་བྱེད་དུ་བཅུག་གོ། །ཇི་ཙམ་དུས་གཞན་ཞིག་ན་ལྟས་པ་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་ནས་རྒྱལ་པོ་ཚངས་བྱིན་གྱིས་རང་གི་ཡུལ་དུ་དྲིལ་བསྒྲག་པ་བྱེད་དུ་བཅུག་སྟེ་ཕྱོགས་སུ་བསྒོ་བ། ངའི་ཡུལ་ན་
D3.008.0148a05.01གནས་པ་དང་། ཕོ་བྲང་འཁོར་གྱི་མི་དག་ཉོན་ཅིག །ལྟས་པ་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་གྱིས་དེའི་ཕྱིར་ཁྱེད་ཅག་ལས་གང་དག་ལ་ལོ་བཅུ་གཉིས་ཀྱི་ཟན་བདོག་པ་དེ་དག་གིས་ནི་འཁོད་པར་བྱའོ། །གང་དག་ལ་མི་བདོག་པ་དེ་དག་གིས་ནི་
D3.008.0148a06.01གཞན་དུ་འདོང་བར་བྱ་ཞིང་ལོ་བཅུ་གཉིས་འདས་ནས་ཕྱིར་འོང་བར་བྱའོ། །དེའི་ཚེ་ན་བཱ་རཱ་ཎ་སཱི་ན་ཁྱིམ་བདག་གཟུངས་བྱེད་ཅེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ་ཞིག་འདུག་པ་དེས་མཛོད་པ་བོས་ཏེ་སྨྲས་པ།
D3.008.0148a07.01