完整藏文原文 · 德格版页 当前仅加载第 8 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུ་གདུགས་ཚོད་ལ་སྤྱན་དྲངས་ཀྱིས། དེར་དོང་ལ་རང་གི་ལག་ནས་བྲིམས་ཤིག །གཏུམ་མོས་སྨྲས་པ། འཕགས་པ་དག་གཏུམ་མོ་ཞེས་ཐམས་ཅད་དུ་རིག་པས། བདག་དེར་འཇུག་ཏུ་ག་ལ་ཆུད། ཚེ་དང་ལྡན་པ་འཆར་ཀས་སྨྲས་པ། སྲིང་མོ་ཁོ་བོས་ཁྱོད་
D3.008.0058b01.01འཇུག་ཏུ་གཞུག་གོ། །དེ་ནས་གཏུམ་མོས་ཁུར་བ་དེ་དག་ཐོགས་ཏེ། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་འཇུག་པར་བརྩམས་པ་དང་། སྒོ་བས་སྨྲས་པ། གཏུམ་མོ་དོན་ཅིའི་ཕྱིར་འདིར་འོངས། མ་འཇུག་ཤིག །ཚེ་དང་ལྡན་པ་འཆར་ཀས་སྨྲས་པ། བཞིན་
D3.008.0058b02.01{བཟངས་,བཟང་}འཇུག་ཏུ་ཆུག་ཤིག །སྒོ་བས་གཏུམ་མོ་ནང་དུ་བཏང་བ་དང་། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་མང་པོ་མཐོང་ནས། ཁུར་བ་དེ་དག་གཏུབ་པར་བརྩམས་པ་དང་། ཚེ་དང་ལྡན་པ་འཆར་ཀས་སྨྲས་པ། མ་གཏུབ་པར་རངས་པར་བྲིམས་ཤིག །
D3.008.0058b03.01གཏུམ་མོས་སྨྲས་པ། ཁྱེད་པར་མི་འགྱུར་རོ། །ཚེ་དང་ལྡན་པ་འཆར་ཀས་སྨྲས་པ། བྲིམས་ཤིག་དང་ཁྱེད་པར་འགྱུར་རོ་ཞེས་དེས་འདི་ལྟར་སངས་རྒྱས་ལ་སོགས་པ་དགེ་སློང་གི་དགེ་འདུན་ཐམས་ཅད་ལ་ཁྱེད་པའི་ཕྱི་ན་ལྷག་ཀྱང་བྱུང་བ་དེ་ལྟར་བྱིན་གྱིས་བརླབས་སོ། །གཏུམ་མོས་སངས་
D3.008.0058b04.01རྒྱས་ལ་སོགས་པ་དགེ་སློང་གི་དགེ་འདུན་ཐམས་ཅད་ལ་ཁུར་བས་ཁྱེད་པར་བྲིམས་ཏེ་གསོལ་ནས། བཅོམ་ལྡན་འདས་ཀྱིས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་སོ། །གཏུམ་མོས་སྨྲས་པ། བཙུན་པ་འཆར་ཀ་ཁྱོད་བདག་གི་དགེ་བའི་བཤེས་གཉེན་ལགས་
D3.008.0058b05.01ཀྱིས་ཚུར་གཤེགས། བདག་གི་སྡུམ་པར་བཞུད་ལ་ཁྱོད་དེར་གདུགས་ཚོད་གསོལ་ཅིག །ཚེ་དང་ལྡན་པ་འཆར་ཀ་གཏུམ་མོའི་ཁྱིམ་དུ་སོང་བ་དང་། གཏུམ་མོས་ཚེ་དང་ལྡན་པ་འཆར་ཀ་ལ་ཟན་བྱིན་ནས་གཏུམ་མོ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་པ་དང་།
D3.008.0058b06.01ཚེ་དང་ལྡན་པ་འཆར་ཀས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས། འདི་ལྟར་གཏུམ་མོས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་
D3.008.0058b07.01