完整藏文原文 · 德格版页 当前仅加载第 8 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ཅིག་གིས་སྨྲས་པ། མ་ཉེས་ཀྱིས་དེ་ལྟར་བྱའོ་ཞེས་དེ་དག་ཐམས་ཅད་འདུས་ཏེ་རྒྱལ་པོའི་གན་དུ་དོང་ནས་སྨྲས་པ། ལྷ་རྒྱལ་པོ་སུ་ལགས། དེས་སྨྲས་པ། ཁྱེད་ཅག་ག་ལས་ཐེ་ཚོམ་ཟ། རྒྱལ་པོ་ང་ཡིན་མོད་གཞན་སུ་ཞིག་ཡིན། དེ་དག་གིས་སྨྲས་པ། ལྷ་གདངས་
D3.008.0134a01.01ཅན་རྒྱལ་པོ་ལགས་ཀྱི་ཁྱོད་ནི་མ་ལགས་ཏེ། གལ་ཏེ་དེ་འཚལ་བར་གྱུར་ན་ལྷ་བཀྲོངས་ཏེ་རང་ཉིད་ཅོད་པན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོ་བགྱིད་དུ་སྩོལ་བར་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་ཅིའི་ཕྱིར་དེ་དེ་ལྟར་འགྱུར་ཏེ། དེ་ནི་ཆོས་གཙོ་བོར་བྱེད་པ་
D3.008.0134a02.01ཡིན་པས་ཇི་ལྟར་དེ་ལྟར་བྱེད་པར་འགྱུར། དེ་དག་གིས་སྨྲས་པ། བདག་ཅག་གིས་ལྷའི་མངོན་སུམ་དུ་འགྱུར་བར་བགྱིའོ། །ཇི་ཙམ་དུས་གཞན་ཞིག་ན་ཁྱིམ་བདག་གདངས་ཅན་རྒྱལ་པོས་ཉེ་བར་འཚོ་བའི་རྒོལ་བ་དང་། ཕྱིར་རྒོལ་བ་དག་གིས་ཡོངས་སུ་བསྐོར་ཅིང་རྒྱལ་པོའི་ཕོ་བྲང་
D3.008.0134a03.01དུ་ཞུགས་ནས། རྒྱལ་པོའི་ཕོ་བྲང་དུ་ཐམས་ཅད་སྐྱེ་བོའི་ཚོགས་ཀྱིས་གང་བར་དེས་རྒྱལ་པོའི་བྱ་བ་དང་། རྒྱལ་པོའི་བྱེད་པ་དག་བྱས་ནས་རྒྱལ་པོའི་ཕོ་བྲང་ནས་ཕྱིར་བྱུང་བ་དང་། རྒྱལ་པོས་ཉེ་བར་འཚོ་བ་སྔ་ན་འཁོད་པ་དག་ཀྱང་དེ་དང་ལྷན་ཅིག་ཕྱིར་བྱུང་སྟེ་རྒྱལ་པོའི་ཚོགས་མེད་པར་
D3.008.0134a04.01འདུག་པ་དང་། བློན་པོ་དེ་དག་གིས་རྒྱལ་པོ་ལ་སྨྲས་པ། ལྷ་གཟིགས་སམ། བདག་ཅག་གིས་གསོལ་པ་གང་ལགས་པ་དེ་ནི་འདི་ལགས་ཏེ། གལ་ཏེ་འདི་འཚལ་བར་གྱུར་ན་ལྷ་བཀྲོངས་ཏེ་རང་ཉིད་ཅོད་པན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོ་བགྱིད་དུ་སྩོལ་བར་འགྱུར་རོ། །
D3.008.0134a05.01རྒྱལ་པོས་བསམས་པ། རེ་ཞིག་འདི་བརྟག་པར་བྱའོ་སྙམ་ནས། དེས་དེ་རྒྱུ་བ་དང་གནས་པ་ལས་བརྟག་པར་བརྩམས་པ་དང་། ཇི་ཙམ་ན་བྱང་ལམ་ནས་དེད་དཔོན་གྱིས་ཟོང་རྟ་དེད་དེ་ཀཽ་ཤཱམྦཱིར་ཕྱིན་ནས་རྒྱལ་པོས་གདངས་ཅན་ལ་བསྒོ་བ། གསེར་འབུམ་གྱིས་རྟ་དག་ཉོས་ཤིག །དེས་
D3.008.0134a06.01གསེར་འབུམ་གྱིས་རྟ་དག་ཉོས་པ་དང་། རྒྱལ་པོས་གདངས་ཅན་ལ་བསྒོ་བ། འབུམ་གྱི་ཕྱེད་བྱིན་ལ་འདི་སྐད་ཅེས་བདག་གིས་འབུམ་ཚང་བར་བྱིན་ཟིན་ཏོ། །ཞེས་བྱོས་ཤིག །དེས་སྨྲས་པ། ལྷ་དེ་མི་རིགས་ཏེ། གལ་ཏེ་དེ་ལྟར་བགྱིས་ན་སླན་ཅད་འདིར་ཆིབས་རྟ་འཚོང་བ་
D3.008.0134a07.01