完整藏文原文 · 德格版页 当前仅加载第 8 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་བཞག་སྟེ། དེ་གཉིས་ཀྱིས་ཉི་མ་རེ་རེ་ཞིང་ཤ་སྲི་རེ་རེ་བྱིན་ནས་འདི་སྐད་ཅེས་རྒྱལ་དང་སྐར་རྒྱལ་གཉིས་བདེན་པ་དང་བདེན་པའི་ཚིག་གང་གིས་ཁྱོད་གཉིས་ཀྱིས་སྒྱུ་མས་འཇིག་རྟེན་བསླུས་ཏེ། དད་པས་སྦྱིན་པར་བྱ་བ་ཆུད་གསན་པས་བྱི་ལའི་སྐྱེ་གནས་ངན་པར་སྐྱེས་པའི་བདེན་
D3.008.0122b01.01པ་དང་བདེན་པའི་ཚིག་དེས་ཤ་སྲི་ལོང་ལ་རང་རང་གི་མཆོད་རྟེན་ལ་བསྐོར་བ་བགྱིས་ཏེ། རང་རང་གི་ཁུང་དུ་ཞུགས་ཤིག་ཅེས་སློབ་པར་བྱེད་དོ། །གང་གི་ཚེ་དེ་གཉིས་ལེགས་པར་ལོབས་པར་གྱུར་པ་དེའི་ཚེ་ན་བློན་པོ་སྐྱོན་ཆགས་པ་དེ་གཉིས་ཨུ་ཏྲ་ཡ་ནའི་བཙུན་མོའི་གན་དུ་སོང་སྟེ་
D3.008.0122b02.01སྨྲས་པ། ལྷ་མོ་ཁྱོད་ཀྱི་སྲས་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར་ན་ཅིའི་སླད་དུ་ཁྱོད་བཏང་སྙོམས་མཛད། དེས་སྨྲས་པ། ཁྱོད་གཉིས་ཉིད་ཀྱིས་དེ་ལས་དེ་ལྟ་བུ་བྱེད་དུ་བཅུག་ན་ད་ཁོ་མོས་ཇི་ལྟར་བྱ། དེ་གཉིས་ཀྱིས་སྨྲས་པ། ལྷ་མོ་ཅི་གང་དུ་
D3.008.0122b03.01བུམ་པ་ལྷུང་བ་དེར་དཔྱང་ཐག་ཀྱང་ལྷུང་བར་བགྱིའམ། དེས་སྨྲས་པ། དེ་ཤེས་ཏེ་རེ་ཞིག་དེའི་ཕ་བསད་པ་ནི་ཁོ་མོས་གསང་བར་བྱ་ན། དགྲ་བཅོམ་པ་བསད་པ་སུས་གསང་བར་འགྱུར། དེ་གཉིས་ཀྱིས་སྨྲས་པ། ལྷ་མོ་དགྲ་བཅོམ་པ་བསད་པ་བདག་ཅག་གཉིས་ཀྱིས་
D3.008.0122b04.01གསང་བར་བགྱིའོ། །དེས་སྨྲས་པ། གལ་ཏེ་དེ་ལྟ་ན་ལེགས་སོ་ཞེས་དེ་དེའི་གན་དུ་སོང་སྟེ་སྨྲས་པ། སྲས་ཅིའི་སླད་དུ་ཁྱོད་སྐྱ་བོ་བསེང་བསེང་པོ་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར། དེས་སྨྲས་པ། ཡུམ་ཁྱོད་ཀྱང་དེ་སྐད་ཅེས་ཅིའི་
D3.008.0122b05.01ཕྱིར་ཁྱོད་སྐྱ་བོ་བསེང་བསེང་པོ་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར་ཅེས་གསུང་ངམ། གང་གི་སླད་དུ་བདག་བློན་པོ་སྐྱོན་ཆགས་པ་གཉིས་ཀྱིས་བསླུས་པས་མཚམས་མེད་པའི་ལས་གཉིས་བགྱིས་ཏེ་ཡབ་སྲོག་དང་ཕྲལ་བ་གང་ལགས་པ་དང་། དགེ་
D3.008.0122b06.01སློང་དགྲ་བཅོམ་པ་ཟག་པ་ཟད་པ་སྲོག་དང་ཕྲལ་བ་གང་ལགས་པ་དེས་བདག་ཡུན་རིང་པོར་སེམས་ཅན་དམྱལ་བ་ཆེན་པོ་མནར་མེད་པར་གནས་པར་བགྱི་འཚལ་ན། བདག་ཇི་ལྟར་སྐྱ་བོ་བསེང་བསེང་པོ་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་མི་འགྱུར་
D3.008.0122b07.01