完整藏文原文 · 德格版页 当前仅加载第 8 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྒྱལ་པོ་ཨུ་ཏྲ་ཡ་ན་ལ་ཕྲིན་ཡིག་བསྐུར་རོ། །རྒྱལ་པོ་ཨུ་ཏྲ་ཡ་ནས་ཕྲིན་ཡིག་བཀླགས་ནས་ཁྲོ་བས་ཀུན་ནས་དཀྲིས་པར་གྱུར་ཏེ། བློན་པོ་རྣམས་ལ་སྨྲས་པ། ཤེས་ལྡན་དག་དེས་ང་ལ་ཕྲིན་ཡིག་འདི་སྐད་སྤྲིང་བ་ལ་ཉོན་ཅིག །དེས་ང་ལ་སྐྱེས་ཇི་ལྟ་བུ་ཞིག་
D3.008.0106a01.01བསྐུར་ན་དེའི་ཕྱིར་ངས་དཔག་ཚད་ཕྱེད་དང་གསུམ་དུ་གྲོང་ཁྱེར་མཛེས་པ་དང་། ལམ་མཛེས་པར་བྱ་ཞིང་བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱའོ་ཞེས་ཟེར། དཔུང་གི་ཚོགས་ཡན་ལག་བཞི་པ་སྟ་གོན་གྱིས་ཤིག་དང་ད་སོང་ལ་དེའི་ཡུལ་འཁོར་
D3.008.0106a02.01གཞོམ་པར་བྱའོ། །བློན་པོ་རྣམས་ཀྱིས་སྨྲས་པ། ལྷ་རྒྱལ་པོ་དེ་ནི་བདག་ཉིད་ཆེན་པོ་ཞིག་ལགས་ཞེས་གདའ་བས་དེས་ལྷའི་ཞལ་སྔར་སྐྱེས་ངན་ངོན་ཞིག་བསྐུར་བར་རྔོ་མི་ཐོག་པས་ཇེ་བརྟག་པར་བགྱིས་ཏེ། གལ་ཏེ་ལྷའི་ཐུགས་མཉེས་ན་དེ་ལྟ་ན་ལེགས། གལ་ཏེ་མ་
D3.008.0106a03.01མཉེས་ན་བདག་ཅག་གིས་དེ་ལ་དུས་འཚལ་བར་བགྱིའོ། །དེ་དག་གིས་དཔག་ཚད་ཕྱེད་དང་གསུམ་ཚུན་ཆད་དུ་ལམ་མཛེས་པ་བྱེད་དུ་བཅུག་སྟེ། གྲོང་ཁྱེར་སྒྲ་སྒྲོགས་ཀྱང་རྡོ་བ་དང་། གསེག་མ་དང་། གྱོ་མོ་མེད་པར་རྣམ་པར་གཞག་ནས་ཙན་དན་གྱི་ཆུས་ཆག་ཆག་བཏབ་ཅིང་བདུག་
D3.008.0106a04.01སྤོས་དྲི་ཞིམ་པོའི་སྣོད་དག་དངར་ཏེ་དར་གྱི་ཆུན་པོའི་ཕྲེང་བ་དཔྱངས་ཤིང་། གདུགས་དང་། རྒྱལ་མཚན་བསྒྲེང་སྟེ། མེ་ཏོག་སྣ་ཚོགས་བཀྲམ་ཞིང་ལྷའི་སྐྱེད་མོས་ཚལ་དགའ་བའི་ཚལ་ཞེས་བྱ་བ་ལྟར་དགའ་བར་འགྱུར་བར་བྱས་ནས་རྒྱལ་པོ་བདག་ཉིད་དཔུང་གི་ཚོགས་ཡན་ལག་བཞི་དང་
D3.008.0106a05.01ལྡན་པས་བསུ་ནས་གྲོང་ཁྱེར་གྱི་ནང་དུ་འཇུག་ཏུ་བཅུག་གོ། །དེ་ནས་སྲོག་ཆགས་བྱེ་བ་འབུམ་ཕྲག་དུ་མ་དག་ཀྱང་དེར་འདུས་པར་གྱུར། ནམ་མཁའི་དཀྱིལ་དུ་ཡང་ལྷ་འབུམ་ཕྲག་དུ་མ་དག་འདུས་པར་གྱུར་ནས་ས་ཕྱོགས་གོ་སྐབས་ཡངས་པར་དེ་དག་གི་ནང་དུ་མཆོད་པ་ཆེན་པོ་བྱས་ཏེ་སྐུ་གཟུགས་
D3.008.0106a06.01དེ་ཕྱེ་བ་དང་། ཡུལ་དབུས་ནས་ཚོང་པ་མང་པོ་ཟོང་ཐོགས་ཏེ་གྲོང་ཁྱེར་སྒྲ་སྒྲོགས་སུ་ལྷགས་པ་དེ་དག་གིས་སངས་རྒྱས་ཀྱི་སྐུ་གཟུགས་དེ་མཐོང་ནས་སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ་ཞེས་ཐམས་ཅད་ཀྱིས་སྐད་ཅིག་ཏུ་སྒྲ་ཕྱུང་ངོ་། །རྒྱལ་པོ་ཨུ་ཏྲ་ཡ་ནས་
D3.008.0106a07.01