完整藏文原文 · 德格版页 当前仅加载第 8 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེན་པོ་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་
D3.008.0193b01.01ཕུང་པོ་དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །རྒྱལ་པོ་ཆེན་པོ་སྔོན་བྱུང་བ་གྲོང་ཁྱེར་བཱ་རཱ་
D3.008.0193b02.01ཎ་སཱི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ་རྒྱས་པ། བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་། འཐབ་པ་དང་། ཕྱི་དགྲ་དང་། ནང་འཁྲུག་རབ་ཏུ་ཞི་བ། ཆོམ་རྐུན་དང་། མུ་གེ་དང་། ནད་དང་བྲལ་བ། སཱ་ལུ་དང་། བུ་རམ་ཤིང་
D3.008.0193b03.01གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང་། བཀྲེན་པ་ལ་རྗེས་སུ་སྙིང་བརྩེ་བ་དང་། བས་
D3.008.0193b04.01མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །ཇི་ཙམ་ན་རང་སངས་རྒྱས་ཞིག་ལྗོངས་རྒྱུ་ཞིང་འགྲོ་བ་ན་བཱ་རཱ་ཎ་སཱིར་ཕྱིན་ནས་དེ་སྐྱེད་མོས་ཚལ་ཞིག་ན་སྤྱིལ་བུ་ན་གནས་སོ། །རྒྱལ་པོ་ཚངས་བྱིན་གྱི་བཙུན་
D3.008.0193b05.01མོའི་འཁོར་ལྔ་བརྒྱ་སྐྱེད་མོས་ཚལ་དེར་བྱུང་ནས། བཙུན་མོའི་འཁོར་དེ་དག་རྩེད་མོའི་རྫིང་དུ་ཁྲུས་བྱས་ནས་གྲང་བས་སྦྲེབས་ནས། དེ་ན་བཙུན་མོ་དམ་པས་བུ་མོ་མངག་གཞུག་མ་ལ་སྨྲས་པ། བུ་མོ་ཤིན་ཏུ་གྲང་བས་སྦྲེབས་ཀྱིས་སོང་ལ། སྤྱིལ་བུ་འདི་ལ་མེ་ཐོང་ཤིག །དེས་
D3.008.0193b06.01སྒྲོན་མེ་སྦར་ཏེ་སོང་བ་དང་། རང་སངས་རྒྱས་དེ་མཐོང་ནས་དེས་བཙུན་མོའི་མཆོག་ལ་སྨྲས་པ། ལྷ་མོ་འདི་ན་རབ་ཏུ་བྱུང་བ་ཞིག་མཆིས་སོ། །དེས་སྨྲས་པ་རབ་ཏུ་བྱུང་བ་འདུག་ཀྱང་རུང་། གཞན་འདུག་ཀྱང་རུང་གིས་མེ་ཐོང་ཤིག །དེས་མ་བཏང་བར་བྲོས་པ་དང་། དེ་ནས་
D3.008.0193b07.01