完整藏文原文 · 德格版页 当前仅加载第 8 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེད་མ་པ་དེ་དག་གིས་དེ་རྒྱལ་པོའི་གན་དུ་ཁྲིད་དེ་སྨྲས་པ། ལྷ་ཁྱིམ་བདག་གདངས་ཅན་འདི་འདི་སྐད་མཆིའོ། །རྒྱལ་པོས་སྨྲས་པ། ཁྱིམ་བདག་ང་ཁྱོད་གསོད་པར་འདོད་པ་མ་ཡིན་ཏེ། འདི་ལྟར་བརྟག་པར་འདོད་དོ། །དེས་སྨྲས་པ། ལྷས་བདག་བརྟག་པའི་དགོངས་
D3.008.0135a01.01པས་གནས་སྐབས་འདི་ལྟ་བུ་སྩལ་ན། གལ་ཏེ་བཀྱོན་ན་ཇི་ལྟར་བགྱིས་པར་འགྱུར། འདི་ལྟར་གལ་ཏེ་ལྷ་བདག་ལ་དགྱེས་ན་བདག་སྦྱིན་པ་དག་སྩོལ་ཅིང་། བསོད་ནམས་དག་བགྱིད་པར་ཅི་གནང་། རྒྱལ་པོས་སྨྲས་པ། ཁྱིམ་བདག་གལ་ཏེ་དེ་ལྟ་ན་གནང་གིས་ཅི་དགར་སྦྱིན་པ་དག་བྱིན་
D3.008.0135a02.01ཅིག །བསོད་ནམས་དག་གྱིས་ཤིག །དེ་ནས་ཁྱིམ་བདག་གདངས་ཅན་གྱིས་སྦྱིན་པའི་ཁང་པ་རྩིག་ཏུ་བཅུག་སྟེ། སྦྱིན་པའི་ཞལ་ཏ་པ་མི་བསྐོ་ནས་སྨྲས་པ། ཤེས་ལྡན་དག་གལ་ཏེ་འདིར་སྔོན་མ་བྱུང་བའི་རྟགས་དང་། ཆ་ལུགས་ཅན་གྱི་དགེ་སྦྱོང་ངམ། བྲམ་ཟེའམ། གཞན་
D3.008.0135a03.01དག་འོངས་པར་གྱུར་ན་ཁོ་བོ་ལ་སྦྲོན་ཅིག །ཇི་ཙམ་ན་ལྷོ་ལམ་ནས་དྲང་སྲོང་ལྔ་བརྒྱ་ཙམ་ཡུལ་དབུས་སུ་འཕགས་པ་དེ་དག་མཐར་གྱིས་ལམ་དུ་འདོང་བ་ན་དགོན་པའི་ལམ་དུ་ཕྱིན་ནས་དེ་དག་དགོན་པའི་ནང་དུ་སོན་པ་ན་ཆུ་ཟད་ནས་དེ་དག་ཆུ་དང་བྲལ་བས་སྐོམ་གྱིས་གདུངས་ནས་དགོན་
D3.008.0135a04.01པའི་ལམ་དེར་ཕན་ཚུན་བྱུལ་བར་བརྩམས་པ་དང་། དེ་ཕན་ཚུན་ཉུལ་བ་དེ་དག་གིས་ཧ་ཅང་ཐག་མི་རིང་བ་ན་གསིང་མ་སྔོན་པོའི་ཕྱོགས་ན་ཤིང་ལྗོན་པ་ཞིག་མཐོང་ནས་དེ་ན་ཁ་ཅིག་གིས་སྨྲས་པ། ཤེས་ལྡན་དག་གསིང་མ་སྔོན་པོའི་ཕྱོགས་འདི་ན་ཤིང་ལྗོན་པ་ཞིག་སྣང་གིས་ཚུར་ཤེག་
D3.008.0135a05.01དང་། འདི་ན་ཆུ་ཡོད་པར་འགྱུར་གྱིས་ལྟར་འདོང་ངོ་། །གཞན་དག་གིས་སྨྲས་པ། ལེགས་ཀྱིས་དེ་བཞིན་བྱའོ་ཞེས་དེ་དག་དོང་བ་དང་ཅི་ཙམ་ན་ཆུ་མེད་པར་མཐོང་ནས་དེ་དག་གིས་གསོལ་བ་གདབ་པར་བརྩམས་ཏེ། ཤེས་ལྡན་དག་ས་ཕྱོགས་དང་ཤིང་ལྗོན་པ་འདི། ལྷའམ།
D3.008.0135a06.01ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མིའམ་ཅིའམ། ལྟོ་འཕྱེ་ཆེན་པོ་གང་གནས་པ་དེས་བདག་ཅག་དྲང་སྲོང་ལྔ་བརྒྱ་སྐོམ་གྱིས་གདུངས་པ་རྣམས་ལ་ཆུ་བྱིན་ཅིག་ཅེས་སྨྲས་སོ། །ཇི་ཙམ་ན་ཤིང་ལྗོན་པ་དེ་ལས་ལག་པ་རྒྱན་ཐམས་ཅད་ཀྱིས་བརྒྱན་པ་
D3.008.0135a07.01