完整藏文原文 · 德格版页 当前仅加载第 8 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་གྱི། འདི་ལྟར་གང་བདག་གི་ཁྱིམ་ན་འདུག་པའི་མག་པར་འདུག་པ་དེ་ལ་བདག་གིས་སྦྱིན་པར་བྱའོ་སྙམ་མོ། །རྡོ་འཇོག་ན་ཁྱིམ་བདག་གཞན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་
D3.008.0216b01.01མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེ་ཡང་རིགས་དང་མཐུན་པའི་མིང་བཏགས་
D3.008.0216b02.01ནས་དེས་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དུས་གཞན་ཞིག་ན་དེའི་ཕ་མ་གཉིས་དུས་ལ་བབ་ནས། དེ་ཕན་ཚུན་འཁྱམ་པ་ན་སྟེས་དབང་གིས་ཁྱིམ་བདག་དེའི་ཁྱིམ་དུ་ཕྱིན་པ་དང་། ཁྱིམ་བདག་དེས་སྨྲས་པ། བུ་ཁྱོད་སུའི། ཁྱིམ་བདག་ཆེ་གེ་མོ་ཞིག་གིའོ། །བུ་
D3.008.0216b03.01ཁྱོད་ཀྱི་ཕ་ག་རེ། དུས་ལ་བབ་བོ། །བུ་ཁྱོད་ཀྱི་མ་ག་རེ། དེ་ཡང་དུས་ལ་བབ་བོ། །བུ་གལ་ཏེ་དེ་ལྟ་ན་ཁོ་བོས་ཁྱོད་ལ་བུ་མོ་སྦྱིན་གྱིས། ཁྱོད་ཁོ་བོའི་ཁྱིམ་ན་འདུག་པའི་མག་པ་གྱིས་ཤིག །ཡབ་མ་ནོངས་ཏེ་བདག་ཀྱང་ཕ་མ་གཉིས་དང་བྲལ་ནས་ཕན་ཚུན་འཁྱམ་ཞིང་ཡི་ཆད་
D3.008.0216b04.01པར་གྱུར་ན། ཁྱོད་དེ་སྐད་གསུང་བ་མ་ནོངས་ཀྱིས་དེ་བཞིན་བགྱིའོ། །ཁྱིམ་བདག་དེས་དེ་ལ་ཨུཏྤ་ལའི་མདོག་བྱིན་ནས་ཉི་མ་དང་། ཚེས་གྲངས་དང་། ཡུད་ཙམ་གྱི་སྦྱོར་བས་བག་མར་བཏང་ནས་ཁྱེའུ་དེས་ཀྱང་ཁྱིམ་དེར་འདུག་པར་བརྩམས་སོ། །ཇི་ཙམ་ན་དུས་གཞན་ཞིག་ན་
D3.008.0216b05.01ཨུཏྤ་ལའི་མདོག་གི་ཕ་དུས་ལ་བབ་ནས་དེའི་མ་ཅི་དགའ་མགུར་གནས་པ་དང་། རྒྱུ་བའི་སྦྱོར་བས་ཟས་དང་གོས་བཟང་པོ་དག་གིས་རྟས་པས་ཉོན་མོངས་པ་དག་གིས་གནོད་པར་བརྩམས་པ་དང་། དེས་བསམས་པ། གལ་ཏེ་བདག་གིས་འདིར་སྐྱེས་པ་གཞན་བཀུག་ན་བདག་
D3.008.0216b06.01གི་མག་པ་འདིས་ཤེས་པར་འགྱུར་གྱིས། བདག་འདི་ཉིད་དང་ལྷན་ཅིག་རྩེ་བར་བྱ་བ་དང་། དགའ་བ་དང་། དགའ་མགུར་སྤྱད་པ་ཉམས་སུ་མྱང་བར་བྱའོ་སྙམ་ནས་དེས་དེ་ལ་མཚན་མ་བསྟན་ཏོ། །བུད་མེད་ཀྱི་ཡུལ་ནི་དབང་པོ་དག་འཕྲོག་ཅིང་དོན་དུ་གཉེར་འདོད་པར་
D3.008.0216b07.01