完整藏文原文 · 德格版页 当前仅加载第 8 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཤེས་ལྡན་དག་བཙུན་མོ་ཟླ་འོད་ག་ལ་འདུག་ལྟོས་ཤིག །དེ་དག་གིས་སྨྲས་པ། ལྷ་དུས་ལ་བབ་བོ། །རྒྱལ་པོ་ཨུ་ཏྲ་ཡ་ནས་བསམས་པ། གང་གི་ཕྱིར་བདག་ལ་ལྷ་མོས་བསྐུལ་ནས་བདག་ཁྱིམ་པ་ཁྱིམ་གྱི་ནང་ན་གནས་ཤིང་སོགས་འཇོག་གི་ལོངས་སྤྱོད་དང་འདོད་པ་ལ་
D3.008.0112b01.01ཡོངས་སུ་སྤྱོད་པ་ནི་བདག་གི་ཚུལ་དང་མཐུན་པ་མ་ཡིན་གྱིས། བདག་གིས་གཞོན་ནུ་གཙུག་པུད་ཅན་རྒྱལ་སྲིད་ལ་དབང་བསྐུར་ཏེ་བདག་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་དག་བགོས་ཏེ། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ་སྙམ་ནས། དེས་
D3.008.0112b02.01བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་མངག་པས་བོས་ཏེ་སྨྲས་པ། ཤེས་ལྡན་གཉིས་བུ་གཞོན་ནུ་གཙུག་པུད་ཅན་ང་ལ་ཅི་འདྲ་བ་དེ་ཁོ་ན་བཞིན་དུ་ཁྱེད་གཉིས་ལ་ཡང་དེ་འདྲ་བ་ཡིན་གྱིས་ཁྱེད་གཉིས་ཀྱིས་དེ་གནོད་པ་ལས་བཟློག་པར་བྱ་ཞིང་ཕན་པ་ལ་ངེས་པར་སྦྱར་བར་
D3.008.0112b03.01གྱིས་ཤིག །ང་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ངོ་། །དེ་གཉིས་ཀྱིས་ཐོས་ནས་མཆི་མས་བརྣངས་ཏེ་འཁོད་དོ། །རྒྱལ་པོས་གཞོན་ནུ་གཙུག་པུད་ཅན་ལ་སྨྲས་པ། བུ་ཁྱོད་ཇི་ལྟ་ངའི་ཚིག་མཉན་པ་དང་བྱ་བར་སེམས་པ་དེ་བཞིན་དུ། ཁྱོད་ཀྱིས་
D3.008.0112b04.01བློན་པོའི་མཆོག་ཧེ་རུ་ཀ་དང་བྷི་རུ་ཀ་འདི་གཉིས་ཀྱི་ཚིག་མཉན་པ་དང་བྱ་བར་སོམས་ཤིག །ང་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ངོ་། །དེས་ཀྱང་ཐོས་ནས་མཆི་མས་བརྣངས་ཏེ་འདུག་གོ། །དེ་ནས་རྒྱལ་པོ་ཨུ་ཏྲ་ཡ་ནས་གྲོང་ཁྱེར་སྒྲ་སྒྲོགས་སུ་དྲིལ་བསྒྲག་
D3.008.0112b05.01པ་བྱེད་དུ་བཅུག་སྟེ། གྲོང་ཁྱེར་སྒྲ་སྒྲོགས་ན་གནས་པ་དག་དང་། ཕོ་བྲང་འཁོར་གྱི་མི་དག་དང་། ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་ལ་ཤེས་ལྡན་དག་ཉོན་ཅིག །ང་ནི་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་
D3.008.0112b06.01ནས་ཁྱིམ་མེད་པར་རབ་ཏུ་འབྱུང་གིས་ངས་རྒྱལ་སྲིད་བྱེད་དུ་བཅུག་པ་ན་གང་ལ་གནོད་པ་ཅུང་ཟད་ཅི་བྱས་པ་དེ་བཟོད་པར་གྱིས་ཤིག་ཅེས་བསྒོའོ། །གྲོང་ཁྱེར་སྒྲ་སྒྲོགས་ན་གནས་པ་རྣམས་དང་། ཕོ་བྲང་འཁོར་གྱི་མི་རྣམས་དང་། ཡུལ་ཐ་དད་པ་ནས་ལྷགས་པའི་སྐྱེ་བོའི་
D3.008.0112b07.01