完整藏文原文 · 德格版页 当前仅加载第 8 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་གཙུག་པུད་ཅན་ལ་སྨྲས་པ། ལྷ་རྒྱལ་པོ་བགྲེས་པོ་བྱོན་པར་འགྱུར་རོ་ཞེས་གདའོ། །དེས་སྨྲས་པ། དེ་རབ་ཏུ་བྱུང་བས་དེ་ཅིའི་ཕྱིར་འདིར་འོང་བར་འགྱུར། དེ་གཉིས་ཀྱིས་སྨྲས་པ། ལྷ་གང་གིས་གདུགས་གཅིག་རྒྱལ་སྲིད་བགྱིད་དུ་སྩལ་བ་དེ་ནི་རྒྱལ་སྲིད་མ་མཆིས་
D3.008.0117b01.01པས་དགའ་བར་ག་ལ་འགྱུར་ཏེ། དེ་ཡང་རྒྱལ་སྲིད་བགྱིད་དུ་སྩོལ་བར་འཚལ་ལོ། །གཙུག་པུད་ཅན་གྱིས་སྨྲས་པ། གལ་ཏེ་དེ་རྒྱལ་པོར་གྱུར་ན་ང་ཉིད་ཀྱིས་གཞོན་ནུ་བྱས་ཏེ། འདི་ལ་འགལ་བ་ཅི་ཡོད། དེ་གཉིས་ཀྱིས་སྨྲས་པ། ལྷ་དེ་ནི་ཚུལ་དང་མཐུན་པ་མ་
D3.008.0117b02.01ལགས་ཏེ་གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་དང་ཡུལ་གྱི་མི་དག་གིས་ཐལ་མོ་སྟོང་དག་གིས་ཕྱག་བགྱིས་པས་རྒྱལ་སྲིད་བགྱིད་དུ་སྩལ་ནས་ཡང་ཇི་ལྟར་གཞོན་ནུའི་གནས་སུ་གནས་པར་མཛད་ཡུལ་འཁོར་ཡོངས་སུ་བཏང་བ་ནི་མི་སྡོ་ཡི་གཞོན་ནུའི་
D3.008.0117b03.01གནས་སུ་གནས་པ་ནི་མི་རུང་སྟེ། འདི་ལྟ་སྟེ་དཔེར་བགྱི་ན་མི་ཞིག་གླང་པོ་ཆེའི་གཉའ་བར་མཆིས་ནས་རྟའི་རྒྱབ་ཏུ་མཆི་བ་དང་། རྟའི་རྒྱབ་ཏུ་མཆིས་ནས་ཤིང་རྟས་མཆི་བ་དང་། ཤིང་རྟས་མཆིས་ནས་རྐང་པ་གཉིས་ཁོ་ནས་མཆི་བ་བཞིན་དུ། རྒྱལ་སྲིད་བགྱིད་དུ་
D3.008.0117b04.01སྩལ་ནས་ཡང་གཞོན་ནུའི་གནས་ན་གནས་པ་ཡང་དེ་དང་འདྲའོ། །དེ་གཉིས་ཀྱིས་བསླུས་ནས་དེས་སྨྲས་པ། འོ་ན་འདི་ལ་གང་རིགས། འདི་ལ་ཇི་ལྟར་བསྒྲུབ་པར་བྱ། དེ་གཉིས་ཀྱིས་སྨྲས་པ། ལྷ་དེ་འགུམས་སུ་སྩལ་བར་བགྱིའོ། །གལ་ཏེ་འགུམས་སུ་མ་
D3.008.0117b05.01སྩལ་གོར་མ་བཀུམ་པར་བློན་པོ་སྐྱོན་ཆགས་པ་དག་དང་བསྡོངས་ཏེ་ལྷ་ཉིད་དགྲོངས་པར་བགྱིད་དོ། །དེ་སྐད་ཅེས་སྨྲས་པ་དང་། དེ་བཞིན་གྱུར་ཅིང་ཉམས་ཏེ་ཡུད་ཙམ་ཞིག་ཅང་མི་སྨྲ་བར་འདུག་ནས་མཆི་མས་བརྣངས་པའི་སྙིང་གིས་སྙིང་རྗེ་བཞིན་ཞུམ་པ་དང་། ཐོགས་
D3.008.0117b06.01པའི་ཡིད་དག་གིས་སྨྲས་པ། ཤེས་ལྡན་གཉིས་ཇི་ལྟར་ཡབ་དགྲོངས་སུ་རུང་། དེ་གཉིས་ཀྱིས་སྨྲས་པ། ལྷས། ཕ་འམ་ཡང་ན་སྤུན་དག་གམ། །རང་ལས་སྐྱེས་པའི་བུ་ཡང་རུང་། །གལ་ཏེ་དགྲ་ཁྲོད་ཞུགས་གྱུར་ན། །ས་ཕུང་འཕེལ་བ་ཉིད་དུ་བྱ། །ཞེས་བགྱི་
D3.008.0117b07.01