完整藏文原文 · 德格版页 当前仅加载第 8 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་རྒྱལ་པོ་ལ་སྨྲས་པ། ལྷས་རྨི་ལམ་ངན་པ་ཞིག་གཟིགས་པས། གཞི་འདིས་རྒྱལ་སྲིད་ལས་ཉམས་པའམ། སྐུ་ཚེའི་བར་ཆད་འབྱུང་བའམ་གཅིག་ཏུ་འགྱུར་རོ། །རྒྱལ་པོས་སྨྲས་པ། འདི་ལ་ཅི་ཞིག་བྱ། དེས་སྨྲས་པ། ལྷ་བ་ལང་གི་མཆོད་སྦྱིན་སྩལ་
D3.008.0068b01.01བར་བགྱིའོ། །རྒྱལ་པོས་སྨྲས་པ། དེ་ལྟར་བྱའོ། །དེས་བ་ལང་སྟོང་ཕྲག་དུ་མ་དག་བསོགས་པ་དང་། རྒྱལ་པོ་ཕྱིར་བྱུང་ནས་རྒྱལ་པོས་བ་ལང་དེ་དག་མཐོང་བ་དང་། བ་ལང་དེ་དག་གིས་བ་ལང་གི་འུ་སྒྲ་ཆེན་པོ་ཕྱུང་ངོ་། །རྒྱལ་པོས་དེ་དག་མཐོང་ཞིང་ཐོས་ནས། དེ་སྙིང་
D3.008.0068b02.01རྗེ་སྐྱེས་ཏེ་མདུན་ན་འདོན་ལ་སྨྲས་པ། འདི་དག་ཐམས་ཅད་གསད་པར་བྱའམ། མདུན་ན་འདོན་གྱིས་བསམས་པ། རྒྱལ་པོ་འདི་དག་ཐམས་ཅད་བསད་པར་མི་འདོད་དོ་སྙམ་ནས། དེས་སྨྲས་པ། ལྷ་ཐམས་ཅད་དགུམ་པར་མི་བགྱིའོ། །དེའི་ཚེ་ན་རྔ་བྲན་ཞིག་རྔ་བྲན་མོ་
D3.008.0068b03.01ཞིག་ལ་རྒྱབ་རྒལ་བྱེད་ནས་མདུན་ན་འདོན་གྱིས་སྨྲས་པ། ལྷ་རྔ་བྲན་དང་རྔ་བྲན་མོ་འདི་གཉིས་དགུམ་པར་བགྱིའོ། །བྲམ་ཟེའི་ཁྱེའུ་དེ་དག་གིས་ཀྱང་ལག་པ་བརྐྱང་སྟེ། འདི་གཉིས་ལགས་སོ་ཞེས་བསྟན་ནས། དེ་གཉིས་བཤས་པ་ན་སེམས་གཡོས་པ། བདག་ཅག་
D3.008.0068b04.01གཉིས་སྡང་བ་མེད་པ་དང་། གནོད་པ་མ་བྱས་བཞིན་དུ་བསད་པ་གང་ཡིན་པ་དེ་ཐམས་ཅད་ནི་མདུན་ན་འདོན་འདི་དང་། བྲམ་ཟེའི་བུ་ལྔ་བརྒྱ་པོ་འདི་དག་གི་ལེ་ལན་ཡིན་གྱིས། བདག་ཅག་གཉིས་གང་དང་གང་དུ་སྐྱེས་པ་ན། བདག་ཅག་གཉིས་ཀྱིས་མདུན་ན་འདོན་འདི་སྡང་བ་
D3.008.0068b05.01མེད་པ་དང་། གནོད་པ་མ་བྱས་བཞིན་དུ་གསོད་པ་དང་། བྲམ་ཟེའི་ཁྱེའུ་ལྔ་བརྒྱ་པོ་འདི་དག་ཀྱང་ལག་པ་དང་རྐང་པ་དག་གཅོད་དུ་འཇུད་པར་གྱུར་ཅིག་ཅེས་སྙམ་དུ་དམ་བཅས་སོ། །དགེ་སློང་དག་དེའི་ཚེ་དེའི་དུས་ན་རྒྱལ་པོ་ཚངས་བྱིན་གང་ཡིན་པ་དེ་ནི་ད་ལྟར་ཀོ་ས་ལར་བྱུང་བའི་རྒྱལ་
D3.008.0068b06.01པོ་གསལ་རྒྱལ་ཡིན་ནོ། །དེའི་ཚེ་དེའི་དུས་ན་རྒྱལ་པོ་ཚངས་བྱིན་གྱི་བཙུན་མོ་གང་ཡིན་པ་དེ་ནི་ད་ལྟར་བཙུན་མོ་ཕྲེང་ལྡན་མ་ཡིན་ནོ། །དེའི་ཚེ་དེའི་དུས་ན་མདུན་ན་འདོན་གང་ཡིན་པ་དེ་ནི་ད་ལྟར་དགེ་སློང་འཆར་ཀ་ཡིན་ནོ། །དེའི་ཚེ་དེའི་དུས་ན་བྲམ་ཟེའི་ཁྱེའུ་ལྔ་བརྒྱ་པོ་གང་དག་ཡིན་
D3.008.0068b07.01