完整藏文原文 · 德格版页 当前仅加载第 8 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
བོས་པ་མ་ཡིན་ན་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གྲོང་རྒྱུ་བའི་ལྟུང་བྱེད་དེ་བརྒྱད་བཅུ་རྩ་གཅིག་པ་རྫོགས་{སྷོ,སོ}།། །།སྒོ་གཏན་གྱི་བསླབ་པའི་གཞིའི་བར་སྡོམ་ལ། དགའ་བོ་
D3.008.0076a01.01ཉེ་དགའ་ཞག་བདུན་དང་། །བཟང་བྱིན་སྡུམས་བྱེད་ཚུལ་ཁྲིམས་དང་། །ནག་པོ་ཚིགས་བཅད་འཆར་ཀ་དང་། །བཅུ་དང་བསླབ་གཞིའི་རིམ་པ་དང་། །གྲོང་ཁྱེར་གཉིས་དང་གཡུལ་གཞི་དང་། །ལྷ་མོ་ཁར་ཕོར་འཕྱང་བ་དང་། །སྔོ་བསངས་རྒྱལ་སྲིད་པོག་ཀ་ན། །མ་ལ་ཁར་བ་བྱིན་པ་དང་། །ལྷམ་
D3.008.0076a02.01གྱི་དབང་ཕྱུག་མཉན་ཡོད་དང་། །སྔོན་གྱི་ཚུལ་དང་ནོར་{བཟངས་,བཟང་}དང་། །དྲང་སྲོང་རྣམས་དང་གཙུག་ལག་ཁང་། །མགུ་བྱེད་དང་ནི་གཟུངས་བྱེད་དང་། །སྟོང་ཐུབ་དང་ནི་འབྲོག་གནས་དང་། །ལག་བརྒྱུད་དང་ནི་སྔོ་བསངས་ཅན། །མི་གདུང་རྣམས་སུ་སྐྱེས་པ་དང་། །དཔའ་ཆེན་དང་ནི་སྒུར་མཆོག་དང་། །
D3.008.0076a03.01དཔེ་མེད་མ་དང་ལྕགས་མགར་དང་། །སིང་ག་ལ་དང་ཤར་པ་དང་། །སྙན་སྨྲ་དང་ནི་ཚིག་པ་དང་། །སྒུར་དང་ཐོས་པ་འཛིན་པ་དང་། །བྲན་མོ་དང་ནི་བྲམ་ཟེ་མོ། །མགུ་བྱེད་དཔལ་ལྡན་གྱུར་པ་དང་། །ཤཱ་རིའི་བུ་ནི་ཞུགས་པ་དག །སྒོ་གཏན་ཡང་དག་བསྡུས་པ་ཡིན། །སངས་རྒྱས་བཅོམ་ལྡན་འདས་
D3.008.0076a04.01མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགོན་པ་དང་ཤིང་དྲུང་དང་། ཁྱིམ་གྱིས་སྟོང་པ་དང་། རི་སུལ་དང་། རི་ཕུག་དང་། རྩྭ་སྤྱིལ་དང་། བླ་གབ་མེད་པ་དང་།
D3.008.0076a05.01དུར་ཁྲོད་དང་། ནགས་ཁྲོད་དང་། རི་དྲུང་དང་། བས་མཐའི་གནས་མལ་འདི་དག་ཏུ་བསམ་གཏན་གྱིས་ཤིག །དགེ་སློང་དག་བག་ཡོད་པར་བསྒྲུབས་ལ་ཕྱིས་འགྱོད་པར་མི་འགྱུར་བར་གྱིས་ཤིག །འདི་ནི་ངའི་གདམས་ངག་དང་རྗེས་སུ་བསྟན་པ་ཡིན་ནོ། །བཅོམ་ལྡན་འདས་ཀྱིས་དགེ་སློང་
D3.008.0076a06.01རྣམས་ལ་དེ་སྐད་ཅེས་བཀའ་སྩལ་ནས། དགེ་སློང་རྣམས་དགོན་པ་དང་། ཤིང་དྲུང་དང་། ཁྱིམ་གྱིས་སྟོང་པ་དང་། རི་སུལ་དང་། རི་ཕུག་དང་། རྩྭ་སྤྱིལ་དང་། བླ་གབ་མེད་པ་དང་། དུར་ཁྲོད་དང་། ནགས་ཁྲོད་དང་། རི་དྲུང་དང་། བས་མཐའི་གནས་མལ་དག་ཏུ་ཞུགས་ཏེ། ཁ་ཅིག་ནི་རི་
D3.008.0076a07.01