完整藏文原文 · 德格版页 当前仅加载第 8 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
དག །མཚོ་མཆོག་བཀྲ་ཤིས་གཙང་མ་ངོགས་བདེ་བ། །རིན་ཆེན་འབྱུང་གནས་རྒྱ་མཚོར་འབབ་པ་ལྟར། །དེ་བཞིན་བསོད་ནམས་རྒྱུན་ཀྱང་རྣམ་ཀུན་ཏུ། །སྦྱིན་བདག་གོས་སྦྱིན་ཟས་སྐོམ་སྦྱིན་པ་དང་། །མལ་ཆ་སྟན་དང་གདིང་སྦྱིན་མི་ལ་འབབ། །ཆུ་ཀླུང་ཆུ་འབབ་རྒྱ་
D3.008.0146b01.01མཚོར་ཇི་བཞིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་སྐུལ་བྱེད་ཆེན་པོ་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ། །དེ་ནས་ཁྱིམ་བདག་གདངས་ཅན་ནི་དད་པ་དང་ལྡན་ལ་དེའི་འཁོར་ནི་མ་དད་ནས་དེས་བསམས་པ།
D3.008.0146b02.01བདག་གི་འཁོར་འདི་མ་དད་ན་བདག་གི་གཙུག་ལག་ཁང་དུ་ཇི་ལྟར་སྤྱོད་པ་ཇེ་བརྟག་གོ་སྙམ་ནས་དེ་ཆ་ལུགས་མི་མངོན་པར་བྱས་ཏེ་ཤམ་ཐབས་དམའ་བར་བགོས་ནས་གཙུག་ལག་ཁང་དུ་སོང་སྟེ་ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་ནས་གཙུག་ལག་
D3.008.0146b03.01ཁང་དུ་འཇུག་པར་བརྩམས་པ་དང་། རྒན་ཞུགས་ཤིག་སྒོ་ཁང་ན་འདུག་ནས་དེས་དེའི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་གཙུག་ལག་ཁང་སྙིང་དང་མིག་འཕྲོག་པར་བགྱིད་པ་མཐོ་རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། དེས་སྨྲས་པ། ཁྱིམ་བདག་
D3.008.0146b04.01གདངས་ཅན་གྱིའོ། །འཕགས་པ་ཅི་འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་{བཟངས་,བཟང་}གཙུག་ལག་ཁང་ནི་ཇི་ལྟ་བུ། ཕོངས་པ་ནི་ཇི་ལྟ་བུ། འཕགས་པ་གང་ན་ཡོ་བྱད་ཕུན་སུམ་ཚོགས་པ་ནི་གཙུག་ལག་ཁང་ལགས་ལ། གང་ན་ཡོ་
D3.008.0146b05.01བྱད་མ་མཆིས་པ་ནི་ཕོངས་པ་ལགས་སོ། །བཞིན་{བཟངས་,བཟང་}འདི་ཕོངས་པ་ཡིན་ནོ། །ཇི་ལྟར་གྱུར། ཁྱིམ་བདག་དེ་ནི་དད་པ་དང་ལྡན་པ་ཡིན་ན་དེའི་འཁོར་མ་དད་པས་མཁོ་བ་མི་སྟོབས་སོ། །འདི་ལྟར་ཁྱིམ་བདག་དེ་ལ་བུ་མོ་མངག་གཞུག་མ་མགུ་བྱེད་ཅེས་བྱ་བ་དད་པ་
D3.008.0146b06.01དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་ཡོད་ན། འོན་ཀྱང་དེའི་ཁྱིམ་དེ་ན་དབང་མེད་དེ། གལ་ཏེ་དེ་ལ་དབང་ཡོད་པར་གྱུར་ན་དེ་དགེ་སློང་རྣམས་ལ་མཁོ་བ་སྟོབས་པར་བྱེད་པས་འདི་གཙུག་ལག་ཁང་དུ་འགྱུར་རོ། །ཁྱིམ་བདག་གདངས་ཅན་གྱིས་བསམས་པ།
D3.008.0146b07.01