完整藏文原文 · 德格版页 当前仅加载第 8 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་བྱ་བར་བྲོ་དང་། གླུ་དང་། སིལ་སྙན་གྱི་སྒྲས་དབུལ་བར་བྱའོ། །དེ་དག་གིས་ཀྱང་ཁས་བླངས་སོ། །དེ་ནས་འབྲོག་གནས་ན་གནས་པའི་སྐྱེ་བོའི་ཚོགས་ཐམས་ཅད་འདུས་ཏེ་གྲོས་བྱ་བར་བརྩམས་པ། ཤེས་ལྡན་དག་གནོད་སྦྱིན་གྱིས་བདག་ཅག་གནས་སྐབས་དེ་
D3.008.0153b01.01ལྟར་བྱས་ན་འདི་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། རེས་ཀྱིས་རེས་ཀྱིས་དབུལ་བར་བྱའོ། །ཁ་ཅིག་གིས་སྨྲས་པ། གང་ལ་རེས་བབ་པར་གྱུར་པ་དེ་ལ་བརྗོད་པ་ན་འཁྲུག་པ་སྐྱེ་བར་འགྱུར་གྱིས། འདི་ལྟར་ཁྱིམ་བྱང་བྲིས་ཏེ་རྫ་མར་བཅུག་ལ། གང་གི་
D3.008.0153b02.01ཁྱིམ་བྱང་བྱུང་བ་དེ་འགྲོ་བར་བྱ་སྟེ། དེས་ཀྱང་མི་ཚལ་ཟ་དག་མི་གཏོང་བར་བདག་ཉིད་འགྲོ་བར་བྱ་བའམ། བུ་གཏང་བར་བྱའོ། །གང་ལ་བྲེལ་བ་བྱུང་སྟེ་མ་འདུས་པ་དེ་ལ་བབ་ན་དེའི་ཁྱིམ་དུ་ཁྱིམ་བྱང་དཔྱངས་ཏེ་བཞག་གོ། །དེའི་ཚེ་ན་འབྲོག་གནས་ན་ཁྱིམ་བདག་
D3.008.0153b03.01ཅིག་འདུག་པ་དེ་ལ་བུ་མེད་ནས་དེ་ཡུན་རིང་པོ་ནས་ཀྱེ་མ་བདག་ལ་བུ་ཡོད་པར་གྱུར་ཅིག་ཅེས་སྨོན་ནས་སྟེས་དབང་གིས་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཆུང་མ་དེ་བཙའ་བའི་དུས་ཀྱི་ཚེ་ཁྱིམ་བདག་དེ་བྱ་བ་ཞིག་ལ་ཕྱི་རོལ་དུ་བྱུང་བ་དང་། དེའི་ཉིན་མོ་དེ་ལ་
D3.008.0153b04.01གནོད་སྦྱིན་ལ་གཏོར་མ་སྦྱིན་པའི་ཁྱིམ་བྱང་བྱུང་ནས་དེའི་རེས་སྦྲོན་པར་བསྐོས་པའི་མི་དག་གིས་དེའི་ཁྱིམ་བྱང་སྒོར་དཔྱངས་ཏེ་བཞག་གོ། །སྐབས་དེར་ཆུང་མ་དེ་བཙས་པ་ལས་ཁྱེའུ་ཞིག་བྱུང་ངོ་། །ཇི་ཙམ་ན་ཁྱིམ་བདག་དེ་ཕྱིར་འོངས་པ་དང་། དེས་ཁྱིམ་དུ་འཇུག་ཀར་ཁྱིམ་
D3.008.0153b05.01བྱང་དེ་མཐོང་ནས་དེ་སྡུག་བསྔལ་ཞིང་ཡིད་མི་བདེ་བར་གྱུར་ཏེ། ཁྱིམ་དུ་ཞུགས་ནས་ཅང་མི་སྨྲ་བར་འདུག་གོ། །ཆུང་མས་དེ་ལ་སྨྲས་པ། རྗེའི་སྲས་དགྱེས་པ་སྐྱེད་ཅིག །ཁྱོད་ཀྱི་སྲས་བལྟམ་མོ། །དེ་ལྟ་ན་ཡང་དེ་ཅང་མི་སྨྲ་བ་ཁོ་ནར་འདུག་གོ། །ཆུང་མས་དེ་ལ་ལན་
D3.008.0153b06.01གསུམ་གྱི་བར་དུ་དེ་སྐད་སྨྲས་ཀྱང་དེ་ཅང་མི་སྨྲ་བ་ཁོ་ནར་འདུག་ནས་ཡང་ཆུང་མས་སྨྲས་པ། རྗེའི་སྲས་ཁྱོད་ཡུན་རིང་པོ་ནས་ཀྱེ་མ་བདག་ལ་བུ་ཡོད་པར་གྱུར་ཅིག་ཅེས་སྨོན་པ་གང་ལགས་པ་དེ་ད་བཙས་ན་ཅིའི་སླད་དུ་ཅང་མི་གསུང་བར་བཞུགས། མཆོག་ཏུ་དགྱེས་པ་
D3.008.0153b07.01