完整藏文原文 · 德格版页 当前仅加载第 8 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཆད་པས་འཇིགས་པས་དགའ་མགུར་སྤྱད་པ་དང་། དེ་ཨུཏྤ་ལའི་མདོག་ལ་རྗེས་སུ་ཆགས་པ་སྐྱེས་ནས་དེས་དེ་གཅིག་པུས་ཆུང་མ་ཁུད་པར་བྱས་སོ། །ལིཙྪ་བཱི་དག་ཁྲོས་ནས་ཤར་གྱི་སྒོ་བའི་བུ་དེས་ཚོགས་ཀྱིས་སྤྱད་པར་བྱ་བའི་བུད་མེད་དེ་གཅིག་པུས་ཆུང་མ་ཁུད་པར་བྱས་
D3.008.0221b01.01ཀྱིས་དེ་གསོད་དུ་འདོང་ངོ་ཞེས་ཟེར་རོ། །འཇིག་རྟེན་ནི་མཛའ་བཤེས་དང་དགྲ་བོ་དང་ཐ་མལ་པ་ཡིན་པས་གཞན་ཞིག་ཤར་གྱི་སྒོ་བ་དེའི་གན་དུ་སོང་སྟེ་ཇི་ལྟར་གྱུར་པ་སྨྲས་པ་དང་། ཤར་གྱི་སྒོ་བ་དེ་སྐྲག་ནས་ལིཙྪ་བཱི་རྣམས་ཀྱི་གན་དུ་སོང་སྟེ་རྐང་པ་གཉིས་ལ་གཏུགས་ནས་སྨྲས་པ།
D3.008.0221b02.01བུའི་སློང་མོ་སྩོལ་ཅིག །དེ་དག་གིས་སྨྲས་པ། ཀྭའི་ནང་རྗེ་དེ་ཅི་ཉེས། དེས་དེ་དག་ལ་རྒྱས་པར་བརྗོད་པ་དང་། དེ་ནས་ཁ་ཅིག་གིས་སྨྲས་པ། ཤེས་ལྡན་དག་ཤར་གྱི་སྒོ་བ་འདི་བདག་ཅག་ལ་ཡུན་རིང་པོ་ནས་ཕན་པ་བྱེད་བྱེད་པ་ཡིན་གྱིས། གལ་ཏེ་འདིའི་བུ་ཚོགས་ཅན་
D3.008.0221b03.01མ་འདོད་ན་སྦྱིན་ནོ། །གཞན་དག་གིས་སྨྲས་པ། མ་ཉེས་ཀྱིས་དེ་བཞིན་བྱའོ་ཞེས་དེ་དག་གིས་དེ་ལ་ཨུཏྤ་ལའི་མདོག་བྱིན་ནོ། །ཤར་གྱི་སྒོ་བའི་བུ་དེས་ཚོགས་ལས་ཐོབ་པས་བག་ཚ་བ་མེད་པར་ཨུཏྤ་ལའི་མདོག་ཆུང་མར་བླངས་སོ། །དེ་ནས་དེའི་ཕས་ནུབ་ཀྱི་སྒོ་བ་ལ་སྨྲས་པ། ཤེད་མཐུན་
D3.008.0221b04.01ཁྱེའུ་ལ་བུ་མོ་བག་མར་ཐོང་ཤིག །དེས་སྨྲས་པ། ཤེད་མཐུན་ཁྱོད་ཀྱི་བུས་ཆུང་མ་བླངས་ཟིན་ན་བག་མ་གཞན་གྱིས་ཅི་བྱ། དེས་སྨྲས་པ། ཤེད་མཐུན་སྔར་འཐམས་ཟིན་གྱིས་ད་བྱིན་ཅིག་དང་། གལ་ཏེ་ཁོ་བོ་ལ་འབྱོར་པ་ཡོད་པར་གྱུར་ན་ཁོ་བོའི་བུའི་ཆུང་མའི་འཁོར་རྣམ་པར་
D3.008.0221b05.01འཇོག་པར་བྱེད་དོ། །ནུབ་ཀྱི་སྒོ་བས་སྔར་འཐམས་པའི་ཕྱིར་ཤར་གྱི་སྒོ་བའི་བུ་ལ་བུ་མོ་བྱིན་ནོ། །ཤར་གྱི་སྒོ་བའི་བུ་དེས་ཀྱང་ཉི་མ་དང་། ཚེས་གྲངས་དང་། ཡུད་ཙམ་གྱི་སྦྱོར་བས་དེ་བག་མར་བླངས་སོ། །དེའི་ཚེ་ན་ཚེ་དང་ལྡན་པ་མཽད་གལ་གྱི་བུ་ཆེན་པོ་ཤར་གྱི་སྒོ་བ་དེའི་ཁྱིམ་དུ་
D3.008.0221b06.01འགྲོ་བས་དེས་བུ་མོ་དེ་ལ་སྨྲས་པ། བུ་མོ་ཁྱོད་ཀྱི་ཆེན་མ་གང་ཡིན་པ་དེ་ནི་ཁྱོད་ཀྱི་མའོ། །ཁྱོད་ཀྱི་ཁྱིམ་ཐབ་གང་ཡིན་པ་འདི་ནི་ཁྱོད་ཀྱི་མིང་པོ་ཡིན་གྱིས། མ་ལ་རབ་ཏུ་སྡང་བའི་སེམས་མ་སྐྱེད་ཅིག །སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག །ཨུཏྤ་ལའི་
D3.008.0221b07.01