完整藏文原文 · 德格版页 当前仅加载第 8 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་མར་གྱི་འོད་ལ་སངས་རྒྱས་ཀྱི་བཀའ་ཀློག་པར་འཚལ་ལོ། །རྒྱལ་པོས་སྨྲས་པ། ཁྱིམ་བདག་ཁྱོད་འབའ་ཞིག་ལ་གནང་བར་མ་ཟད་ཀྱི་འདི་ལྟར་ཁྱོད་ཉིད་ལ་བརྟེན་ནས། གཞན་གང་དག་མཚན་མོ་མེ་མར་གྱི་འོད་ལ་སངས་རྒྱས་ཀྱི་བཀའ་ཀློག་པར་འདོད་པ་ཐམས་ཅད་ལ་
D3.008.0095b01.01ཡང་གནང་ངོ་། །དེ་ནས་ཁྱིམ་བདག་ངན་པ་བཟང་བྱིན་རྒྱལ་པོས་བཏང་བས་དགའ་མགུ་རབ་ཏུ་དགའ་སྟེ་རྒྱལ་པོའི་དྲུང་ནས་སོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །ཀོ་
D3.008.0095b02.01ས་ལར་བྱུང་བའི་རྒྱལ་པོ་གསལ་རྒྱལ་ཡང་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་སོང་ངོ་། །རྒྱལ་རིགས་ནི་མངོན་པའི་ང་རྒྱལ་ཅན་ཡིན་པས་དེས་རྒྱལ་བྱེད་ཀྱི་ཚལ་གྱི་སྒོར་བསྡད་དེ་མི་དག་པའི་མཐའ་ཅན་ཞིག་ལ་སྨྲས་པ། ཀྭའི་ནང་རྗེ་སོང་ལ་བཅོམ་ལྡན་
D3.008.0095b03.01འདས་ལ་སུ་དག་བསྙེན་བཀུར་བྱེད་པ་ལྟོས་ཤིག །མི་དག་པའི་མཐའ་ཅན་དེས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་བ་དང་། ཇི་ཙམ་ན་ཁྱིམ་བདག་ངན་པ་བཟང་བྱིན་བཅོམ་ལྡན་འདས་ལ་བསྙེན་བཀུར་
D3.008.0095b04.01བྱེད་པ་མཐོང་ངོ་། །མཐོང་ནས་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ་ཁྱིམ་བདག་ངན་པ་བཟང་བྱིན་བཅོམ་ལྡན་འདས་ལ་བསྙེན་བཀུར་བགྱིད་ཅིང་མཆིས་སོ། །རྒྱལ་པོས་
D3.008.0095b05.01བསམས་པ། ཁྱིམ་བདག་དེ་བདག་གི་ཡུལ་ན་གནས་པ་ཡིན་པས་དེས་བདག་མཐོང་ན་མངོན་དུ་ལྡང་བར་འགྱུར་གྲང་སྙམ་ནས། དེ་བཅོམ་ལྡན་འདས་ག་ལ་བ་དེར་སོང་ངོ་། །ཁྱིམ་བདག་ངན་པ་བཟང་བྱིན་གྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཐག་རིང་པོ་ཁོ་ན་ནས་
D3.008.0095b06.01མཐོང་ངོ་། །མཐོང་ནས་ཀྱང་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅི་ལགས། རེ་ཞིག་དམ་པའི་ཆོས་ལ་བསྙེན་བཀུར་བགྱིའམ། འོན་ཏེ་རྒྱལ་པོ་ལ་བསྙེན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་རེ་ཞིག་དམ་
D3.008.0095b07.01