完整藏文原文 · 德格版页 当前仅加载第 8 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་སྒུར་མཆོག་ལ་ཆོས་ཀྱི་རྒྱུ་ལས་བྱུང་བའི་དད་པ་སྐྱེས་ནས་དེ་དག་གིས་བད་སའི་རྒྱལ་པོ་ཤར་པ་ལ་སྨྲས་པ། ལྷ་
D3.008.0170a01.01བདག་ཅག་སངས་རྒྱས་མཐོང་བར་འཚལ་ལོ། །དེས་སྨྲས་པ། དེ་ལྟར་བྱ་སྟེ། བཅོམ་ལྡན་འདས་ཀྱི་སྤྱན་སྔར་ཇེ་འགྲོའོ་ཞེས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་
D3.008.0170a02.01གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་བད་སའི་རྒྱལ་པོ་ཤར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་མཆིས་འབྲང་གི་འཁོར་བཅོམ་ལྡན་འདས་མཐོང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་
D3.008.0170a03.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་བཙུན་མོའི་འཁོར་གྱི་ནང་དུ་མི་འཇུག་གོ། །དེས་སོང་སྟེ་དེ་དག་ལ་སྨྲས་པ་དང་། སྔོ་བསངས་ཅན་གྱིས་སྨྲས་པ། ལྷ་གལ་ཏེ་བཅོམ་ལྡན་འདས་བཙུན་མོའི་འཁོར་གྱི་ནང་དུ་མི་གཤེགས་
D3.008.0170a04.01ན་ཁང་{བཟངས་,བཟང་}མེ་ཏོག་གི་སོ་ལ་སྐར་ཁུང་མང་པོ་དག་གདོད་ཅིང་། བདག་ཅག་སྐར་ཁུང་དག་ནས་བཅོམ་ལྡན་འདས་ལ་ལྟ་བར་ཅི་གནང་། རྒྱལ་པོས་ཁང་{བཟངས་,བཟང་}མེ་ཏོག་གི་སོ་ལ་སྐར་ཁུང་ལྔ་བརྒྱ་བཏོད་དོ། །གང་གི་ཚེ་བཅོམ་ལྡན་འདས་ཕྱོགས་དེར་གཤེགས་
D3.008.0170a05.01པ་དེའི་ཚེ་ན་བཙུན་མོའི་འཁོར་དེ་དག་གིས་བཅོམ་ལྡན་འདས་སྐར་ཁུང་ནས་མཐོང་ནས། མཆོད་པ་དང་བསྙེན་བཀུར་བྱེད་ཅིང་མེ་ཏོག་དག་དང་། སྤོས་དག་དང་། ན་བཟའ་དག་དང་། མེ་ཏོག་ཕྲེང་གི་ཆུན་པོ་དག་ཀྱང་འཐོར་བར་བྱེད་དོ། །སྣ་ཚོགས་གདུལ་ན་ཀུན་
D3.008.0170a06.01དུ་རྒྱུ་མ་དུ་ཞེས་བྱ་བ་དེ་ལ་ཆུང་མ་བུར་མ་ཞེས་བྱ་བ་ཞིག་ཡོད་པ་དེ་ལས་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་། ཉིང་ལག་ཐམས་ཅད་དང་ལྡན་པ་ཞིག་བཙས་ནས། དེའི་རུས་པ་དག་ཕྲ་ཞིང་ཤིན་ཏུ་ཕྲ་ལ་དཔེ་བྱ་བར་མི་ནུས་སོ། །
D3.008.0170a07.01