完整藏文原文 · 德格版页 当前仅加载第 8 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱེད་པ་མེད་དེ། མ་ཕྱེད་པ་ན་རྒྱལ་པོའི་ཕོ་བྲང་གི་སྟེང་ནས་མི་རོ་ཟ་བའི་བྱ་མང་པོ་དག་རྒྱུ་ཞིང་བློན་པོ་དང་། ཁྲོམ་གྱི་རུ་སྣ་དང་། གྲོང་རྡལ་གྱི་མི་དང་། ཡུལ་གྱི་མི་དག་ཀྱང་རྒྱལ་པོའི་ཕོ་བྲང་གི་སྒོ་ན་སྡོད་ཅིང་འཁོད་དོ་ཞེས་བྱ་བ་དེ་ལྟ་བུ་གྲགས་པར་གྱུར་ཏོ། །དེད་དཔོན་
D3.008.0185b01.01སིང་ག་ལས་དེ་ཐོས་ནས་དེ་མྱུར་བ་མྱུར་བ་ཁོ་ནར་རལ་གྲི་མཆན་དུ་བཅུག་སྟེ་སོང་ནས་སྨྲས་པ། ཤེས་ལྡན་དག་སྲིན་མོ་དེས་རྒྱལ་པོ་ཟོས་ཀྱིས་ཐབས་སོམས་ཤིག །བློན་པོ་རྣམས་ཀྱིས་སྨྲས་པ། འདི་ལ་ཇི་ལྟར་བསྒྲུབ་པར་བྱ། ཡ་གད་འོན་ཅིག་དང་འཛེགས་ཏེ་བལྟ་བར་
D3.008.0185b02.01བྱའོ། །དེ་དག་གིས་ཁྱེར་ཏེ་འོངས་པ་དང་། དེད་དཔོན་སིང་ག་ལ་རལ་གྲི་ཐོགས་ཏེ་འཛེགས་ནས་དེས་དེ་དག་བསྡིགས་པ་དང་། སྲིན་མོ་དེ་དག་ཁ་ཅིག་ནི་མིའི་རྐང་ལག་དག་ཐོགས་ཏེ་བྱེར། ཁ་ཅིག་ནི་མགོ་དག་ཐོགས་ཏེ་བྱེར་རོ། །དེ་ནས་དེད་དཔོན་སིང་ག་ལས་རྒྱལ་པོའི་
D3.008.0185b03.01ཕོ་བྲང་གི་སྒོ་དག་ཕྱེ་ནས་བློན་པོ་རྣམས་ཀྱིས་རྒྱལ་པོའི་ཕོ་བྲང་བྱི་དོར་བྱས་ནས། ཕོ་བྲང་འཁོར་གྱི་མི་དང་། བློན་པོ་དང་། ཡུལ་མི་དག་བསྡུས་ཏེ་སྨྲས་པ། ཤེས་ལྡན་དག་རྒྱལ་པོ་བཙུན་མོའི་འཁོར་དང་བཅས་པ་སྲིན་མོས་ཟོས་ཏེ་གཞོན་ནུ་ཡང་མེད་ན་སུ་ཞིག་རྒྱལ་པོར་
D3.008.0185b04.01དབང་བསྐུར་བར་བྱ། དེ་ན་ཁ་ཅིག་གིས་སྨྲས་པ། གང་སྙིང་སྟོབས་ཅན་ཤེས་རབ་དང་ལྡན་པའོ། །ཁ་ཅིག་གིས་སྨྲས་པ། དེད་དཔོན་སིང་ག་ལ་ལས་སྙིང་སྟོབས་ཅན་ཤེས་རབ་དང་ལྡན་པ་སུ་ཞིག་ཡོད་ཀྱི་དེད་དཔོན་སིང་ག་ལ་རྒྱལ་པོར་དབང་བསྐུར་བར་བྱའོ། །དེ་ལྟར་བྱའོ། །
D3.008.0185b05.01ཞེས་དེ་དག་གིས་དེད་དཔོན་སིང་ག་ལ་ལ་སྨྲས་པ། དེད་དཔོན་རྒྱལ་སྲིད་ལོང་ཤིག །དེས་སྨྲས་པ། ཁོ་བོ་ནི་ཚོང་པའི་ཐ་སྙད་ཀྱིས་འཚོ་བ་ཡིན་པས་ཁོ་བོ་ལ་རྒྱལ་སྲིད་ཀྱིས་ཅི་བྱ། དེ་དག་གིས་སྨྲས་པ། དེད་དཔོན་གཞན་གྱིས་རྒྱལ་སྲིད་བྱེད་དུ་འཇུག་མི་ནུས་ཀྱིས་ལོང་ཤིག །
D3.008.0185b06.01དེས་སྨྲས་པ། དམ་ཚིག་གིས་བླང་བར་བྱ་སྟེ། གལ་ཏེ་ཁྱེད་ཅག་ཁོ་བོའི་ཚིག་བཞིན་བྱེད་ནའོ། །དེ་དག་གིས་སྨྲས་པ། བྱེད་ཀྱིས་ལོང་ཤིག །མ་ཉེས་སོ། །དེ་དག་གིས་གྲོང་ཁྱེར་མཛེས་པར་བྱས་ནས་དེད་དཔོན་སིང་ག་ལ་བཀུར་སྟི་ཆེན་པོས་རྒྱལ་སྲིད་ལ་
D3.008.0185b07.01