完整藏文原文 · 德格版页 当前仅加载第 8 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ཕོངས་པར་གྱུར་པ་ཐར་པར་བྱ་བའི་ཕྱིར་བཅོམ་ལྡན་འདས་བརྩོན་པར་གྱུར་ཅིག་ཅེས་བཏབ་བོ། །དགེ་སློང་དག་དེའི་ཚེ་དེའི་དུས་ན་དགེ་བསྙེན་གང་ཡིན་པ་དེ་ནི་ལག་བརྒྱུད་འབྲོག་གནས་འདི་ཡིན་ཏེ། དེས་རྙེད་པ་འདོད་པའི་ཕྱིར་རྒྱལ་པོ་ལ་བྱ་གག་ཕུལ་བ་གང་ཡིན་པའི་
D3.008.0165b01.01ལས་དེའི་རྣམ་པར་སྨིན་པས་གནོད་སྦྱིན་གྱི་གཏོར་མར་བྱིན་ནོ། །ཕྱིས་འགྱོད་པ་སྐྱེས་ནས་ཐར་བར་བྱས་ཤིང་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ང་འདི་ཐར་བར་བྱ་བའི་ཕྱིར་བརྩོན་པར་གྱུར་ཅིང་ངས་འདི་གནོད་སྦྱིན་ལས་ཐར་བར་བྱས་སོ། །
D3.008.0165b02.01ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལག་བརྒྱུད་འབྲོག་གནས་སྔོ་བསངས་ཅན་ལས་ཐར་བར་མཛད་ནས་ཕྱིར་མི་འོང་བའི་འབྲས་བུ་ལ་བཞག་པ་ལ་གཟིགས།
D3.008.0165b03.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་དེ། འདི་ལྟར་འདས་པའི་དུས་ན་ཡང་ངས་འདི་གཟུགས་ཅན་མ་ལས་ཐར་བར་བྱས་ནས་མངོན་པར་ཤེས་པ་ལྔ་ལ་བཞག་སྟེ། དེ་ཉོན་ཅིག །དགེ་སློང་དག་སྔོན་བྱུང་བ་བཱ་རཱ་ཎ་སཱི་ན་རྒྱལ་པོ་ཚངས་
D3.008.0165b04.01བྱིན་ཞེས་བྱ་བས་རྒྱལ་སྲིད་འབྱོར་པ། རྒྱས་པ། བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་། འཐབ་པ་དང་། ཕྱི་དགྲ་དང་ནང་འཁྲུག་རབ་ཏུ་ཞི་བ། ཆོམ་རྐུན་དང་མུ་གེ་དང་། ནད་དང་བྲལ་བ། སཱ་ལུ་དང་། བུ་རམ་ཤིང་གི་
D3.008.0165b05.01ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པའི་ཆོས་ཀྱི་རྒྱལ་པོས་ཆོས་ཀྱིས་རྒྱལ་སྲིད་བྱེད་དུ་བཅུག་གོ། །དེའི་མདུན་ན་འདོན་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད།
D3.008.0165b06.01དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས་དེ་ཟླ་བ་བརྒྱད་དམ། དགུ་འདས་ཏེ་བཙས་པ་ལས་ཁྱེའུ་རྐང་ལག་དྲ་བས་འབྲེལ་བ་ཞིག་
D3.008.0165b07.01