完整藏文原文 · 德格版页 当前仅加载第 8 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་འཚལ། གཞན་དུ་ན་ཀླུ་ཨ་མྲའི་ཆུ་ངོགས་པ་ལྟ་བུ་ཤ་སྟག་གིས་འཛམ་བུའི་གླིང་འདི་ལྟ་སྟེ། དཔེར་ན་བུ་རམ་ཤིང་གི་ཚལ་ལམ། འདམ་བུའི་ཚལ་ལམ། འོད་མའི་ཚལ་བཞིན་དུ་གང་བར་གྱུར་ཀྱང་དེ་དག་གིས་བདག་གི་སྤུའི་རྩེ་མོ་ཙམ་ཡང་གཡོ་བར་མི་ནུས་ན་
D3.008.0029b01.01ལུས་ཀྱི་དབང་པོ་འགག་པར་ལྟ་ག་ལ་ནུས་ཏེ། འདི་ལྟར་བདག་གིས་བཅོམ་ལྡན་འདས་ཀྱི་སྤྱན་སྔར་རྫུ་འཕྲུལ་གྱི་རྐང་པ་བཞི་པོ་དག་ཀུན་དུ་བསྟེན་ཅིང་གོམས་པར་བྱས། ལན་མང་དུ་བྱས་པའི་ཕྱིར་རོ། །དེ་ནས་ཚེ་དང་ལྡན་པ་ལེགས་འོངས་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་
D3.008.0029b02.01ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཆུ་སྲིན་བྱིས་པ་གསོད་ཀྱི་རིར་བསོད་སྙོམས་ལ་ཞུགས་སོ། །ཆུ་སྲིན་བྱིས་པ་གསོད་ཀྱི་རིར་བསོད་སྙོམས་བརྒྱུས་ནས་ཀླུ་ཨ་མྲའི་ཆུ་ངོགས་པའི་གནས་ག་ལ་བ་དེར་སོང་བ་དང་། ཀླུ་ཨ་མྲའི་ཆུ་ངོགས་པས་ཚེ་དང་ལྡན་པ་ལེགས་འོངས་
D3.008.0029b03.01ཐག་རིང་པོ་ཁོ་ན་ནས་འོང་བ་མཐོང་ངོ་། །མཐོང་ནས་ཀྱང་དེས་བསམས་པ། དགེ་སྦྱོང་འདིས་བདག་ཤི་བར་གཏམ་ཐོས་སམ། ཅི་ན་བདག་གི་གནས་སུ་འོང་། རེ་ཞིག་འདི་ནི་གློ་བུར་བ་ཡིན་གྱིས་འོང་དུ་ཆུག་ཤིག་སྙམ་མོ། །དེ་ནས་ཚེ་དང་ལྡན་པ་ལེགས་འོངས་ཀྱིས་ཆུ་
D3.008.0029b04.01ཚགས་དང་ལྷུང་བཟེད་མཐའ་གཅིག་ཏུ་བཞག་སྟེ། སྣམ་སྦྱར་སྤྲུགས་ནས་རྐང་པ་གཉིས་བཀྲུས་ཤིང་ལག་པ་གཉིས་བསྙལ་ཏེ་ཆུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱ་བར་བརྩམས་སོ། །དེ་ནས་ཚེ་དང་ལྡན་པ་ལེགས་འོངས་ཀྱིས་ཟས་ཀྱི་བྱ་
D3.008.0029b05.01བ་བྱས་ནས་བསམས་པ། ཀླུ་གདུག་པ་ནི་འཁྲུག་པར་མ་བྱས་ན་དུལ་བའི་གནས་སུ་མི་རུང་བས་འདི་ནི་ཀླུ་གདུག་པ་ཡིན་པས་འཁྲུག་པར་བྱའོ་སྙམ་ནས་དེས་ལྷུང་བཟེད་བཀྲུས་ཏེ་ལྷུང་བཟེད་ཀྱི་ཁྲུད་མའི་ཆུ་དེ་དེའི་རྫིང་དེར་བླུགས་པ་དང་། ཀླུ་ཨ་མྲའི་ཆུ་ངོགས་པ་དེ་འཁྲུགས་
D3.008.0029b06.01ནས་དེས་བསམས་པ། བདག་གིས་དགེ་སྦྱོང་འདི་འོང་བ་དང་ཟ་བ་ཡང་ཡལ་བར་བོར་ན་བདག་ལ་བརྙས་ཏེ་བདག་གི་གནས་སུ་ཁྲུད་མའི་ཆུ་ལྡུགས་པར་བྱེད་པས་དགེ་སྦྱོང་འདི་ནི་ཉེ་བར་མ་ཞི་བ་ཞིག་ཡིན་ནོ་སྙམ་ནས། དེ་ཁྲོས་ཏེ་སྟེང་གི་ནམ་མཁའ་ལ་མངོན་པར་འཕགས་ནས་
D3.008.0029b07.01