完整藏文原文 · 德格版页 当前仅加载第 8 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བགྱིད་པར་སྤྲོ་སྟེ། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཡོ་བྱད་ཐམས་ཅད་ཀྱིས་བསྙེན་བཀུར་བགྱི་ཡིས་ཁྱོད་ཐུགས་ལས་ཆུང་ངུར་མཛོད་ཅིག་ཅེས་དེས་སངས་རྒྱས་ལ་སོགས་པ་
D3.008.0147b01.01དགེ་སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་བསྟབས་ཏེ་གུས་པར་བསྙེན་བཀུར་བྱ་བར་བརྩམས་སོ། །ཁྱིམ་བདག་གདངས་ཅན་གྱིས་ཡང་ཆ་ལུགས་མི་མངོན་པར་བྱས་ཏེ་ཤམ་ཐབས་དམའ་བར་བགོས་ནས་གཙུག་ལག་ཁང་དུ་སོང་སྟེ་ཚིགས་སུ་བཅད་པའི་དབྱངས་ཀྱིས་
D3.008.0147b02.01མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་འདུག་པར་བརྩམས་པ་དང་། ཡང་རྒན་ཞུགས་གཞན་ཞིག་སྒོ་ཁང་ན་འདུག་ནས་དེས་དེའི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་གཙུག་ལག་ཁང་སྙིང་དང་མིག་འཕྲོག་པར་བགྱིད་པ་མཐོ་རིས་ཀྱི་ཐེམ་སྐས་སུ་གྱུར་
D3.008.0147b03.01པ་འདི་སུའི་ལགས། དེས་སྨྲས་པ། ཁྱིམ་བདག་གདངས་ཅན་གྱིའོ། །འཕགས་པ་ཅི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་{བཟངས,བཟང}། གཙུག་ལག་ཁང་ནི་ཇི་ལྟ་བུ། ཕོངས་པ་ནི་ཇི་ལྟ་བུ། འཕགས་པ་གང་ན་ཡོ་བྱད་ཕུན་སུམ་
D3.008.0147b04.01ཚོགས་པ་ནི་གཙུག་ལག་ཁང་ལགས་ལ། གང་ན་ཡོ་བྱད་མ་མཆིས་པ་ནི་ཕོངས་པ་ལགས་སོ། །བཞིན་{བཟངས་,བཟང་}འདི་སྔོན་ནི་ཕོངས་པར་གྱུར་པ་ལས་ད་ནི་གཙུག་ལག་ཁང་དུ་གྱུར་ཏོ། །ཇི་ལྟར་གྱུར། བཞིན་{བཟངས་,བཟང་}ཁྱིམ་བདག་གདངས་ཅན་ལ་བུ་མོ་མངག་གཞུག་མ་
D3.008.0147b05.01མགུ་བྱེད་ཅེས་བྱ་བ། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་ཡོད་པ་དེ་ཁྱིམ་བདག་དེས་འདིར་ལས་སུ་བསྐོས་ཏེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་སྟོབས་ཤིག་ཅེས་བསྒོ་ནས། ད་ལྟར་དེ་སངས་རྒྱས་ལ་སོགས་པ་དགེ་
D3.008.0147b06.01སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་པས་དེས་ན་འདི་གཙུག་ལག་ཁང་ཡིན་ཏེ་ཕོངས་པ་མ་ཡིན་ནོ། །ཁྱིམ་བདག་གདངས་ཅན་གྱིས་ཐོས་ནས་དགའ་སྟེ་ཁྱིམ་དུ་སོང་ནས་དེས་བུ་མོ་མགུ་བྱེད་ཀྱི་ལག་ཏུ་ལྡེ་མིག་དང་། ལྡེ་མིག་ཀྱོག་པོ་གཏད་ནས་
D3.008.0147b07.01