完整藏文原文 · 德格版页 当前仅加载第 8 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
གསོས་སོ། །དེ་ཡང་དེས་མཐོང་ནས་ཡང་རྒྱ་ཆེར་སྔངས་པར་གྱུར་ཏེ། དེ་དང་ལྷན་ཅིག་བག་ཡངས་སུ་དགའ་མགུར་སྤྱོད་པར་མི་བྱེད་དོ། །བུ་མོས་སྨྲས་པ། རྗེའི་སྲས་ཁྱོད་ཅིའི་ཕྱིར་བདག་མཐོང་ན་དབང་པོ་རྣམས་སྡུད་ཅིང་བདག་དང་ལྷན་ཅིག་བག་
D3.008.0167a01.01ཡངས་སུ་གཅུགས་པར་མི་བྱེད། ཁྱེའུས་སྨྲས་པ། ཁྱོད་ཀྱིས་འཆི་བདག་དང་ལྷན་ཅིག་གཅུགས་པར་བྱེད་པ་འགའ་མཐོང་ངམ། བུ་མོས་སྨྲས་པ། རྗེའི་སྲས་མ་འཇིགས་ཤིག་དང་། ཁོ་མོ་ཁྱིམ་ཐབ་ལ་འཁུ་བའི་སེམས་མི་བསྐྱེད་དོ། །ཁྱེའུས་སྨྲས་པ། འདི་ལ་
D3.008.0167a02.01ཁོ་བོས་དུས་ཤེས་པར་བྱའོ། །བུ་མོ་དེ་སྐྱེངས་ནས་དེ་གཉིད་ལོག་པ་ལ་སྡོད་ཅིང་འདུག་གོ། །ཁྱེའུ་དེས་གཉིད་མ་ལོག་བཞིན་དུ་གཉིད་ལོག་པའི་ཆ་ལུགས་སུ་བྱས་ཏེ་འདུག་པ་དང་། བུ་མོ་དེས་དེ་གཉིད་ལོག་པར་རིག་ནས་གཟུགས་ཅན་མ་རྣམས་ཀྱི་ནང་དུ་སོང་ངོ་། །
D3.008.0167a03.01ཁྱེའུ་དེ་ཡང་དལ་བུས་ལངས་ཏེ་དེའི་རྗེས་བཞིན་དུ་སོང་བ་དང་། ཇི་ཙམ་གཟུགས་ཅན་མ་དེ་དག་ཐམས་ཅད་སྒྲེན་མོར་བྱུང་ཞིང་སྐྲ་བཤིག་སྟེ། འཇིགས་འཇིགས་ལྟར་འདུག་པ་དག་མཐོང་ནས་དེ་ཤིན་ཏུ་སྔངས་ཤིང་སྐྲག་ནས་ཕྱིར་ལོག་གོ། །དེ་ཡང་དེའི་རྗེས་བཞིན་དུ་འོངས་
D3.008.0167a04.01པ་དང་། དེས་སྨྲས་པ། བཟང་མོ་ཁོ་བོ་འདུག་མི་ཕོད་ཀྱིས་འགྲོའོ། །དེས་དེ་གདོན་མི་ཟ་བར་དུས་ཀྱིས་འཆུ་བར་ཤེས་ནས་སྨྲས་པ། རྗེའི་སྲས་གལ་ཏེ་ངེས་པ་ཁོ་ནར་འགྲོ་འདོད་ན་སོང་ལ་སུ་ལ་ཡང་མ་ཟེར་ཅིག །དེ་ཅང་མི་ཟེར་བར་བྲམ་ཟེ་དེའི་གན་དུ་སོང་སྟེ་སྨྲས་པ།
D3.008.0167a05.01མཁན་པོ་ཁྱོད་བལྟས་ཀྱིས་མཆིའོ། །དེས་སྨྲས་པ། བུ་གལ་ཏེ་དེ་ལྟ་ན་བུ་མོ་ཡང་ཁྲིད་ལ་སོང་ཤིག །མཁན་པོ་བདག་དེ་ཉིད་ཀྱིས་འཇིགས་པས་མཆིའོ། །བུ་ཅིའི་ཕྱིར་ཁྱོད་དེས་འཇིགས། མཁན་པོ་དེ་གཟུགས་ཅན་མ་ལགས་སོ། །བུ་ཅིའི་ཕྱིར་དེ་དེ་ལྟར་འགྱུར།
D3.008.0167a06.01དེ་ཅང་མི་སྨྲ་བར་སོང་ངོ་། །བྲམ་ཟེ་དེས་བུ་མོ་ལ་སྨྲས་པ། བུ་མོ་ཁྱོད་ཁྱིམ་ཐབ་ཀྱང་རྗེས་སུ་མི་སྲུང་ངམ། ཡབ་དེ་ཇི་སྐད་མཆི། བུ་དེ་ན་རེ་ཁྱོད་གཟུགས་ཅན་མ་ཡིན་ཞེས་ཟེར་རོ། །ཡབ་བདག་གཟུགས་ཅན་མ་མ་ལགས་ཏེ། དེས་བདག་ལ་ཤོ་བེས་སྐུར་པ་བཏབ་
D3.008.0167a07.01