完整藏文原文 · 德格版页 当前仅加载第 8 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
གཙང་རབ་ཏུ་འཛག་པ་ཡིན། །ཇི་ལྟར་ཁོ་བོས་ཁྱོད་ཤེས་ལྟར། །སྐྱེ་བོས་ཁྱོད་ནི་ཤེས་གྱུར་ན། །དབྱར་དུས་ཕྱི་སའི་གནས་བཞིན་དུ། །ཐག་རིང་རྣམ་པར་སྤོང་བར་འགྱུར། །གང་ཕྱིར་བྱིས་པ་གཏི་མུག་གིས། །མུན་པས་བསྒྲིབས་པས་མི་ཤེས་པ། །དེ་ཕྱིར་
D3.008.0223a01.01རྫབ་ལ་གླང་རྒན་བཞིན། །དེ་དག་ཁྱོད་ལ་ཆགས་པར་བྱེད། །ཨུཏྤ་ལའི་མདོག་གིས་ཀྱང་ཚིགས་སུ་བཅད་པ་དག་སྨྲས་པ། སྐལ་བ་ཆེན་པོ་དེ་ལྟ་ལགས། །འཕགས་པས་ཇི་སྐད་གསུངས་པ་བཞིན། །རུས་པའི་འཁྲུལ་འཁོར་སྤྱིལ་བུ་ལ། །ཆུ་བས་ཡོངས་སུ་དཀྲིས་གྱུར་ཅིང་། །
D3.008.0223a02.01མི་གཙང་རུས་པ་དྲི་ང་བ། །གཞན་ལ་སྟེན་ཅིང་བདག་གིར་བགྱིད། །བཙོག་པས་བལྟམ་པའི་རྐྱལ་པ་བདག །གསོང་ལྡོང་ཕོལ་མིག་ངལ་སྐྱེན་ལྡན། །རྒྱུན་ལམ་དགུ་ནས་རྟག་ཏུ་ནི། །མི་གཙང་རབ་ཏུ་འཛག་པ་ལགས། །ཇི་ལྟར་འཕགས་པས་བདག་མཁྱེན་ལྟར། །སྐྱེ་བོས་
D3.008.0223a03.01བདག་ནི་འཚལ་གྱུར་ན། །དབྱར་དུས་སླང་སའི་གནས་བཞིན་དུ། །ཐག་རིང་རྣམ་པར་སྤོང་བར་འགྱུར། །གང་ཕྱིར་བྱིས་པ་གཏི་མུག་གི། །མུན་པས་བསྒྲིབས་པས་མ་འཚལ་བ། །དེ་ཕྱིར་རྫབ་ལ་གླང་རྒན་བཞིན། །དེ་དག་བདག་ལ་ཆགས་པར་བགྱིད། །སྐལ་བ་ཆེན་པོ་
D3.008.0223a04.01མར་གཤེགས་ཏེ། །འཕགས་པ་ཆོས་ནི་བསྟན་དུ་གསོལ། །ཤེས་རབ་མཆོག་གི་བསྟན་པ་ལ། །བདག་གིས་ཁྱོད་ཀྱི་ཉན་ཐོས་བགྱི། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་སྟེང་གི་ནམ་མཁའི་དཀྱིལ་ནས་བབས་ནས་དེས་དེའི་བསམ་པ་དང་། བག་ལ་ཉལ་དང་། ཁམས་
D3.008.0223a05.01དང་། རང་བཞིན་ཁོང་དུ་ཆུད་ནས། འདི་ལྟར་ཨུཏྤ་ལའི་མདོག་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་འཕགས་པའི་བདེན་པ་བཞི་ཡང་དག་པར་
D3.008.0223a06.01སོ་སོར་རྟོགས་པར་བྱེད་པའི་ཆོས་བསྟན་པ་བྱས་སོ། །དེས་བདེན་པ་མཐོང་ནས་སྨྲས་པ། འཕགས་པ་བདག་གིས་དགེ་བའི་བཤེས་གཉེན་འཕགས་པ་ལ་བརྟེན་ནས་འཕགས་པས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས།
D3.008.0223a07.01