完整藏文原文 · 德格版页 当前仅加载第 8 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཕྱིར་བྱུང་ཤིག །བཅོམ་ལྡན་འདས་ཀྱིས་འདི་ནི་གཞན་གྱིས་ཡོངས་སུ་བཟུང་བའོ་སྙམ་དུ་དགོངས་ནས་སླར་བྱུང་ངོ་། །དགེ་སྦྱོང་ཞུགས་ཤིག །བཅོམ་ལྡན་འདས་རྒྱགས་པ་དང་། ང་རྒྱལ་ངེས་
D3.008.0155b01.01པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ལན་གསུམ་དུ་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཕྱིར་བྱུང་ཤིག །བཅོམ་ལྡན་འདས་ཀྱིས་འདི་ནི་གཞན་གྱིས་ཡོངས་སུ་བཟུང་བའོ་སྙམ་དུ་དགོངས་ནས་སླར་བྱུང་ངོ་། །དགེ་
D3.008.0155b02.01སྦྱོང་ཞུགས་ཤིག །བཅོམ་ལྡན་འདས་རྒྱགས་པ་དང་། ང་རྒྱལ་ངེས་པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཕྱིར་བྱུང་ཤིག །དེ་ནས་བཅོམ་ལྡན་འདས་ཀྱིས་གནོད་སྦྱིན་
D3.008.0155b03.01འབྲོག་གནས་ལ་འདི་སྐད་ཅེས་བཀའ་སྩལ་ཏོ། །གྲོང་དཔོན་ཁྱོད་ཀྱིས་ང་ལན་གསུམ་གྱི་བར་དུ་གནས་སུ་སྤྱན་དྲངས་པས་ད་ནི་མི་འབྱུང་ངོ་། །དགེ་སྦྱོང་དེའི་ཕྱིར་ཁྱོད་ལ་དྲི་བ་དྲིས། དྲི་བ་ལན་གདབ་པ་དེས་གལ་ཏེ་ཁོ་བོའི་སེམས་རངས་པར་བྱེད་ན་དེ་ལྟ་ན་ལེགས། གལ་
D3.008.0155b04.01ཏེ་སེམས་རངས་པར་མི་བྱེད་ན་ཁྱོད་ཀྱི་སེམས་གཡེངས་པའམ། སྙིང་{དགའས་,དགས་}པའམ། ཁ་ནས་ཁྲག་ཚ་བ་སྐྱུག་པའམ། ལག་པ་གཉིས་ནས་བཟུང་སྟེ་ཆུ་ཀླུང་སྐལ་ལྡན་ཤིང་རྟའི་ཕ་རོལ་གྱི་འགྲམ་དུ་འཕང་བར་བྱའོ། །བཅོམ་ལྡན་འདས་ཀྱིས་བཀའ་སྩལ་པ།
D3.008.0155b05.01གྲོང་དཔོན་ངས་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས་པ། ལྷ་དང་མི་དང་བཅས་པའི་ནང་ན་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D3.008.0155b06.01ཀྱི་སེམས་གཡེངས་པའམ། ཐུགས་{དགའས་,དགས་}པའམ། ཞལ་ནས་ཁྲག་ཚ་བ་བསྒྲལ་བའམ། ཕྱག་གཉིས་ནས་བཟུང་སྟེ་ཆུ་ཀླུང་སྐལ་ལྡན་ཤིང་རྟ་པའི་ཕ་རོལ་གྱི་འགྲམ་དུ་འཕེན་པ་ཡང་དག་པར་རྗེས་སུ་མ་མཐོང་གིས་གྲོང་དཔོན་འདི་ལྟར་ཅི་དང་ཅི་འདོད་པ་
D3.008.0155b07.01