完整藏文原文 · 德格版页 当前仅加载第 8 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚོགས་དང་དཔུང་བུ་ཆུང་གི་ཚོགས་གོ་སྐོན་ཏེ་ལྗོངས་དག་ཏུ་འགྲོ་བ་དང་ལྡོག་པར་བྱེད་ཅིང་དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན་དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན་དེའི་ལས་མ་ཡིན་ནམ་སྙམ་དུ་སེམས་
D3.008.0102a01.01པར་འགྱུར་ཏེ། དེ་ནི་རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་དགུ་པ་ཡིན་ནོ། །གཞན་ཡང་རྒྱལ་པོ་མ་ཕེབས་པ་འབེབས་པར་བྱེད་ཅིང་ཕེབས་པ་གནས་པར་བྱེད་ལ། ཐོབ་རྒྱལ་དུ་བསྒྲགས་ནས་དེའི་འོག་ཏུ་ཆད་པ་ཆེན་པོས་རྗེས་སུ་རྟོན་པར་བྱེད་ཅིང་། དགེ་སློང་ཡང་རྒྱལ་པོའི་ཕོ་
D3.008.0102a02.01བྲང་དུ་འགྲོ་ན་དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན་དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི་རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་བཅུ་པ་ཡིན་ནོ། །དགེ་སློང་དག་དེ་ལྟར་ན་རྒྱལ་པོའི་ཕོ་བྲང་དུ་འགྲོ་བ་ནི་གླང་
D3.008.0102a03.01པོ་ཆེའི་གནོད་པ་དང་། རྟའི་གནོད་པ་དང་། ཤིང་རྟའི་གནོད་པ་དང་། དཔུང་བུ་ཆུང་གི་གནོད་པ་འབྱུང་བར་འགྱུར་ཏེ། དགེ་སློང་དག་རྒྱལ་པོའི་ཕོ་བྲང་དུ་འགྲོ་བ་ནི་རུང་བ་མ་ཡིན་པ། ཚུལ་དང་མཐུན་པ་མ་ཡིན་པ། དགེ་སྦྱོང་གི་ཚུལ་དང་མི་མཐུན་པ་ཡིན་ནོ་ཞེས་རྣམ་པར་སྨད་པ་
D3.008.0102a04.01མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་
D3.008.0102a05.01སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ནམ་མ་ནངས་སྐྱ་རེངས་མ་ཤར། རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ་སྒོ་གཏན་གྱི་
D3.008.0102a06.01ཉེན་ཀོར་ལས་འདའ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་འཛམ་བུའི་གླིང་ན་གྲོང་ཁྱེར་
D3.008.0102a07.01