完整藏文原文 · 德格版页 当前仅加载第 8 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བུད་མེད་བླང་མཛད་དེ། །བཅོམ་ལྡན་དེ་ནི་བདག་ལ་སྩལ་དུ་གསོལ། །དཔའ་བོ་བདག་གིས་དྲེགས་པས་བརྒྱན་པ་འདི། །ཅི་ནས་རྗེས་སུ་མཐུན་པ་སྤྱད་པར་བགྱི། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒན་ཞུགས་དེ་ལ་འདི་སྐད་
D3.008.0173a01.01ཅེས་བཀའ་སྩལ་ཏོ། །མི་གཏི་མུག་ཅན་ངའི་མདུན་ན་མ་འདུག་པར་ཕར་སོང་ཤིག །དེ་ཁྲོས་ཏེ་ཚིགས་སུ་བཅད་པ་སྨྲས་པ། ཁྱོད་ཀྱི་ལྷུང་བཟེད་འདི་དང་ཆོས་གོས་འདི། །ཁར་བ་རིལ་བ་འདི་ཡང་ཟད་གྱུར་ཅིག །བསླབ་པ་འདི་ཡང་ཇི་ལྟར་མ་མ་ཡི། །པང་པར་
D3.008.0173a02.01གཞོན་ནུ་འཛིན་ལྟར་རང་སྲེལ་ཅིག །རྒན་ཞུགས་དེས་དེ་སྐད་ཅེས་སྨྲས་ནས་བསླབ་པ་ཕུལ་ཏེ་ཉམས་པའི་ཕྱིར་ཞུགས་ནས་ཀུན་དུ་རྒྱུ་མ་དུ་ག་ལ་བ་དེར་སོང་སྟེ་ཕྱིན་ནས་ཀུན་དུ་རྒྱུ་མ་དུ་ལ་འདི་སྐད་ཅེས་སྨྲས་སོ། །མ་དུ་དཔེ་མེད་མ་ཁོ་བོ་ལ་བྱིན་ཅིག །དེས་ཁྲོས་ཏེ་སྨྲས་པ།
D3.008.0173a03.01རྒན་ཞུགས་ཁྱོད་ལ་བལྟ་བ་ཡང་མི་སྦྱིན་ན་རེག་པ་ལྟ་སྨོས་ཀྱང་ཅི་དགོས། དེ་སྐད་ཅེས་སྨྲས་པ་དང་། རྒན་ཞུགས་དེས་ཀུན་དུ་རྒྱུ་མ་དུ་ལ་འདི་ལྟ་བུའི་ཀུན་ནས་དཀྲིས་པ་སྐྱེས་ཏེ་དེས་ཁྲག་ཚ་བ་སྐྱུགས་ནས་དུས་ལ་བབ་སྟེ་སེམས་ཅན་དམྱལ་བ་རྣམས་སུ་སྐྱེས་སོ།། །།འདུལ་
D3.008.0173a04.01བ་རྣམ་པར་འབྱེད་པ། བམ་པོ་བདུན་བཅུ་རྩ་དྲུག་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་དཔེ་མེད་མ་བརྙེས་པ་ནམ་བཞེས་པ་ལ་གཟིགས། བཅོམ་ལྡན་འདས་
D3.008.0173a05.01ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་དེ། འདི་ལྟར་འདས་པའི་དུས་ན་ཡང་ངས་འདི་རྙེད་པ་ན་མ་བླངས་ཏེ་དེ་ཉོན་ཅིག །དགེ་སློང་དག་སྔོན་བྱུང་བ་རི་བྲགས་ཤིག་ན་ལྕགས་མགར་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་
D3.008.0173a06.01རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་བུ་མོ་གཟུགས་
D3.008.0173a07.01