完整藏文原文 · 德格版页 当前仅加载第 8 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པར་བྱེད་དུ་བཅུག་ནས་བདག་ཉིད་དཔུང་གི་ཚོགས་ཡན་ལག་བཞི་པ་དང་། སྐྱེ་བོ་འབུམ་ཕྲག་དུ་མའི་འཁོར་དང་བཅས་པས་བསུ་ནས་བཀུར་སྟི་ཆེན་པོས་གྲོང་ཁྱེར་སྒྲ་སྒྲོགས་སུ་འཇུག་ཏུ་བཅུག་ཅིང་། གྲོང་ཁྱེར་གྱི་ཕྱི་རོལ་དུ་གཙུག་ལག་ཁང་ལྔ་བརྒྱ་ཡང་བྱེད་དུ་བཅུག །ཁྲི་
D3.008.0108b01.01དང་ཁྲིའུ་དང་སྟན་ནང་ཚངས་ཅན་དང་། ལ་བ་དང་སྔས་དང་གོར་བུ་ལྔ་བརྒྱ་ཡང་འབུལ་དུ་བཅུག །བསོད་སྙོམས་ལྔ་བརྒྱ་ཡང་སྦྱོར་དུ་བཅུག་སྟེ། ས་ཕྱོགས་གོ་སྐབས་ཡངས་པར་སྟན་ཤོམ་དུ་བཅུག་གོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དགེ་སློང་གི་དགེ་འདུན་གྱི་གོང་དུ་སྟན་བཤམས་
D3.008.0108b02.01པ་ཉིད་ལ་འདུག་གོ། །སྲོག་ཆགས་འབུམ་ཕྲག་དུ་མ་དག་ཀྱང་ཁ་ཅིག་ནི་ལྟད་མོ་སྐྱེས་པ་ན། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན་དེར་འདུས་པར་གྱུར་ཏོ། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་འཁོར་དེའི་བསམ་པ་དང་། བག་ལ་ཉལ་དང་། ཁམས་
D3.008.0108b03.01དང་། རང་བཞིན་ཁོང་དུ་ཆུད་ནས་སྲོག་ཆགས་འབུམ་ཕྲག་དུ་མ་དག་གིས་གང་ཐོས་ནས་ཁྱད་པར་ཆེན་པོ་རྟོགས་པར་གྱུར་པ་དེ་ལྟ་བུའི་ཆོས་བསྟན་པ་བྱས་ཏེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་
D3.008.0108b04.01བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་
D3.008.0108b05.01རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ཕལ་ཆེར་ནི་སངས་རྒྱས་ལ་གཞོལ་བ་དང་། ཆོས་ལ་འབབ་པ་དང་། དགེ་འདུན་ལ་བབ་པར་བཀོད་དོ། །གྲོང་ཁྱེར་སྒྲ་སྒྲོགས་ན་ཁྱིམ་བདག་རྒྱལ་དང་།
D3.008.0108b06.01སྐར་རྒྱལ་ཞེས་བྱ་བ་གཉིས་ཤིག་འཁོད་པ་དེ་གཉིས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཁྱིམ་བདག་རྒྱལ་དང་། སྐར་
D3.008.0108b07.01