完整藏文原文 · 德格版页 当前仅加载第 8 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་བ་སྐྲག་ནས་ཅང་མི་སྨྲ་བར་འདུག་པ་དང་། ཚེ་དང་ལྡན་པ་འཆར་ཀ་ནང་དུ་ཞུགས་པ་ན་བཙུན་མོ་ཕྲེང་ལྡན་མ་གཉིད་ལོག་ཅིང་འདུག་ནས་དེས་སེ་གོལ་གྱི་སྒྲས་དེ་བསླང་བ་དང་། དེས་དེའི་རྐང་པ་ལ་ཕྱག་འཚལ་ཏེ་མདུན་དུ་འདུག་གོ། །བཙུན་མོ་ཕྲེང་ལྡན་མ་བཙུན་མོའི་འཁོར་ལ་འོས་
D3.008.0100b01.01པའི་གོས་དག་གྱོན་པས་ཚེ་དང་ལྡན་པ་འཆར་ཀ་དབང་པོ་རྣམས་བསྡུས་ཏེ་འདུག་པ་དང་། བཙུན་མོ་ཕྲེང་ལྡན་མས་བསམས་པ། ཅིའི་ཕྱིར་འཕགས་པ་འཆར་ཀ་དབང་པོ་རྣམས་བསྡུས་ཏེ་འདུག་སྙམ་ནས་དེས་ཡང་བསམས་པ། བདག་གིས་བཙུན་མོའི་འཁོར་ལ་འོས་པའི་གོས་
D3.008.0100b02.01དག་གྱོན་པས་དེའི་ཕྱིར་འཕགས་པ་འཆར་ཀ་དབང་པོ་རྣམས་བསྡུས་ཏེ་འདུག་གོ་སྙམ་དུ་རིག་ནས། དེ་གནས་ཁང་དུ་ཞུགས་ཏེ་གོས་སྟུག་པོ་དག་གྱོན་ནས་ཕྱིར་བྱུང་བ་དང་། ཚེ་དང་ལྡན་པ་འཆར་ཀས་དེ་ལ་བཟླས་པ་བྱིན། ལུང་གཞན་ཡང་ཕོག་པ་དང་། བཙུན་མོ་ཕྲེང་ལྡན་མས་
D3.008.0100b03.01སྨྲས་པ། འཕགས་པ་ཅི་ལགས་དེང་དགེ་འདུན་སྤྱན་དྲངས་སམ། འོན་ཏེ་བསོད་སྙོམས་མཛད། དེས་སྨྲས་པ། བསོད་སྙོམས་བགྱིད་དོ། །བཙུན་མོ་ཕྲེང་ལྡན་མས་སྨྲས་པ། འཕགས་པ་གལ་ཏེ་བསོད་སྙོམས་མཛད་ན་བདག་ལས་ལྷག་པར་བསོད་པ་འབུལ་བ་སུ་ཞིག་མཆིས་ཏེ།
D3.008.0100b04.01བདག་ཉིད་ཀྱིས་འབུལ་ལོ་ཞེས་དེས་བཅའ་བ་དང་བཟའ་བ་གཙང་ཞིང་བསོད་པས་ལྷུང་བཟེད་བཀང་སྟེ་དེ་དེ་ལ་ཕུལ་ལོ། །ཚེ་དང་ལྡན་པ་འཆར་ཀས་དེ་བླངས་ཏེ་ཕྱིར་བྱུང་བ་དང་། ཚེ་དང་ལྡན་པ་ཤཱ་རིའི་བུ་ནང་དུ་འཇུག་པ་དང་ཕྲད་ནས་དེས་སྨྲས་པ། དོན་ཉུང་ངུ་ཁྱོད་ཀྱིས་བརྩོན་འགྲུས་འདི་ལྟ་བུས་
D3.008.0100b05.01ཟག་པ་ཟད་པར་བྱས་སམ། ཅི་ན་ཁྱོད་ད་གཟོད་འོང་ཁོ་བོས་ནི་བཟླས་པ་བྱིན་ནས་ལུང་གཞན་ཡང་ཕོག་སྟེ། ཁོ་བོས་བཅའ་བ་དང་བཟའ་བ་གཙང་ཞིང་བསོད་པས་ལྷུང་བཟེད་གང་བ་འདི་ཡང་ཐོབ་བོ། །ཚེ་དང་ལྡན་པ་ཤཱ་རིའི་བུས་སྨྲས་པ། དེའི་ཕྱིར་ཁྱོད་དྲུག་སྡེ་ཡིན་ནོ། །དགེ་སློང་དོན་
D3.008.0100b06.01ཉུང་ངུ་དག་གིས་ཐོས་ནས་ཅིའི་ཕྱིར་དགེ་སློང་དག་ནམ་མ་ནངས། སྐྱ་རེངས་མ་ཤར་རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེན་ཀོར་ལས་འདའ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་
D3.008.0100b07.01