完整藏文原文 · 德格版页 当前仅加载第 8 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས་སྤུའི་ཁུང་བུ་ཐམས་ཅད་ཟིང་ཞེས་བྱེད་པར་གྱུར་ནས་ཡ་མཚན་སྐྱེས་ཏེ་ཡུན་རིང་མོ་ཞིག་ཏུ་མིག་ཚུགས་སུ་བརྟགས་ནས་སྨྲས་པ། ཤེས་ལྡན་དག་སངས་རྒྱས་ཞེས་བྱ་བ་དེ་སུ་ཡིན། དེ་དག་གིས་སྨྲས་པ། ལྷ་ཡུལ་དབུས་ན་གངས་ཀྱི་རི་
D3.008.0106b01.01ངོས་དང་ཉེ་བ་ཆུ་ཀླུང་སྐལ་ལྡན་ཤིང་རྟ་པའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་མཚན་མཁན་དག་གིས་གལ་ཏེ་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་
D3.008.0106b02.01བ། ཆོས་ཀྱི་རྒྱལ་པོ། ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་
D3.008.0106b03.01རིན་པོ་ཆེ་དང་། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་སྡོ་བ་
D3.008.0106b04.01མེད་ཅིང་འཚེ་བ་མེད་པ་འདི་ཉིད་འཚེ་བ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་
D3.008.0106b05.01ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ་ཞེས་ལུང་བསྟན་ཏེ། ལྷ་འདི་ནི་དེའི་སྐུ་གཟུགས་ལགས་སོ། །རྒྱལ་པོ་རྒྱ་ཆེར་ཡིད་དགའ་ནས་སྨྲས་པ། ཤེས་ལྡན་དག་དེ་ནི་ཤེས་ཀྱིས་
D3.008.0106b06.01འདི་དྲིའོ། །འོག་ཏུ་བྲིས་པ་འདི་ཅི་ཡིན། ལྷ་འདི་ནི་ཁས་ལེན་པ་ལགས་སོ། །འདི་ནི་བསླབ་པའི་གཞི་དག་ལགས་སོ། །འདི་ནི་འཇིག་རྟེན་གྱི་འབྱུང་བ་དང་ལྡོག་པ་དག་ལགས་སོ། །ཤེས་ལྡན་དག་དེ་ཡང་ཤེས་ཀྱིས་འདི་དྲིའོ། །སྟེང་དུ་བྲིས་པ་འདི་ཅི་ཡིན། ལྷ་འདི་ནི་
D3.008.0106b07.01