完整藏文原文 · 德格版页 当前仅加载第 8 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་ཞིང་བསོད་སྙོམས་བླང་བར་ནི་མི་བྱའོ། །དགེ་སློང་དག་ལྷུང་བཟེད་སྟོང་པ་ཁོ་ནས་དང་པོར་དེའི་ཁྱིམ་དུ་འཇུག་ཅིང་འབྱུང་ནས། དམག་དཔོན་སེང་གེའི་ཆུང་མས་དེ་མཐོང་བ་དང་། སྔོན་ནི་འཕགས་པ་འདི་དག་ལྷུང་བཟེད་སྟོང་པ་ཁོ་ནས་དང་པོར་བདག་གི་ཁྱིམ་དུ་ཞུགས་ནས་ལྷུང་
D3.008.0233b01.01བཟེད་གང་བ་དང་ལག་པ་གང་བ་དག་གིས་འབྱུང་ན། ད་ནི་ལྷུང་བཟེད་སྟོང་པ་དང་ལག་པ་སྟོང་པ་དག་གིས་འབྱུང་ངོ་ཞེས་ངུ་བར་བརྩམས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་
D3.008.0233b02.01གིས་ལྷུང་བཟེད་སྟོང་པ་ཁོ་ནས་དང་པོར་དེའི་ཁྱིམ་དུ་འཇུག་པར་མི་བྱའོ། །དགེ་སློང་དག་གིས་བསོད་སྙོམས་བརྒྱུས་ནས་ལྷུང་བཟེད་གང་བས་དེའི་ཁྱིམ་དུ་འཇུག་པར་བརྩམས་པ་དང་། དེའི་བུ་བྱིས་པ་ཁྱེའུ་དག་བཅའ་བ་དག་སློང་བ་ན་དགེ་སློང་རྣམས་ཀྱིས་མ་བྱིན་ནས། བཅོམ་ལྡན་
D3.008.0233b03.01འདས་ཀྱིས་བཀའ་སྩལ་པ། སྦྱིན་པར་བྱའོ། །དགེ་སློང་དག་གིས་རིལ་པོར་སྦྱིན་པར་བརྩམས་པ་དང་། བྱིས་པ་ཁྱེའུ་དག་གིས་བླངས་ནས་འཆའ་ཞིང་ཕྱིར་བྱུང་བ་གཅེར་བུ་པ་དག་གིས་མཐོང་ནས། དྲིས་པ་ཁྱེའུ་དག་ཁྱེད་ཅག་གིས་བཅའ་བ་ག་ལས་རྙེད། འཕགས་པ་དག་
D3.008.0233b04.01གིས་བྱིན་ནོ། །མ་ཉེས་སོ་བུམ་པས་བུམ་པ་འགེངས་ཏེ། ཁྱེད་ཀྱང་དེ་དག་ལ་སྦྱིན་ལ། དེ་དག་ཀྱང་ཁྱེད་ལ་སྦྱིན་ནོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གིས་
D3.008.0233b05.01བཅའ་བ་རིལ་པོར་མི་སྦྱིན་པར་དུམ་བུར་བྱས་ཏེ་སྦྱིན་པར་བྱའོ། །ཇི་ཙམ་དུས་གཞན་ཞིག་ན་དམག་དཔོན་སེང་གེའི་ཆུང་མས་དགེ་སློང་འོངས་པ་རྣམས་ལ་ག་གོན་དང་ལ་ཕུག་ལ་སོགས་པ་འབྲས་བུ་དང་། རྩ་བ་དག་དང་། ལྡམ་ལྡུམ་ལ་སོགས་པ་ཚོད་མ་དག་ཕུལ་བ་དང་། དགེ་
D3.008.0233b06.01སློང་དག་མི་ལེན་ནས་དེས་སྨྲས་པ། འཕགས་པ་དག་འདི་དག་གིས་བདག་ཅག་གི་མཛོད་དང་། བང་བ་དག་བས་པར་འགྱུར་རམ་ཅི་བཞེས་ཤིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D3.008.0233b07.01